ଯୁକ୍ତ୨ ପରୀକ୍ଷା: ନୂଆ ପଦ୍ଧତିରେ ସ୍ବଚ୍ଛତାକୁ ନେଇ ଆଶଙ୍କା

ଭୁବନେଶ୍ୱର, ୧୧ା୧୦(ବ୍ୟୁରୋ): ଯୁକ୍ତ୨ ପରୀକ୍ଷା ପାଇଁ ଉଚ୍ଚ ମାଧ୍ୟମିକ ଶିକ୍ଷା ପରିଷଦ (ସିଏଚ୍‌ଏସ୍‌ଇ) ନୂଆ ପଦ୍ଧତି ଆପଣାଇଛି। ସିଏଚ୍‌ଏସ୍‌ଇର ଏହି ପରୀକ୍ଷା ସଂସ୍କାର ନୀତିରେ ସରକାରଙ୍କ ମୋହର ବି ଲାଗିସାରିଛି। ତେବେ ଏଥିରେ ସ୍ବଚ୍ଛତାକୁ ନେଇ ଛାତ୍ରୀଛାତ୍ର ଓ ଶିକ୍ଷାବିତ୍‌ମାନେ ଆଶଙ୍କା ପ୍ରକାଶ କରିବା ସହ ପ୍ରଶ୍ନ ଉଠାଇଛନ୍ତି।
ନୂଆ ପଦ୍ଧତି ଅନୁସାରେ, ଦୁଇବର୍ଷ ମଧ୍ୟରେ ୬ଟି ଇଣ୍ଟରନାଲ ଓ ୨ଟି ଆନୁଆଲ ପରୀକ୍ଷା ହେବ। ତିନିମାସକୁ ଥରେ ହେବାକୁ ଥିବା ୨୦ ମାର୍କ ବିଶିଷ୍ଟ ଇଣ୍ଟରନାଲ ପରୀକ୍ଷାଗୁଡ଼ିକରେ କିପରି ପ୍ରଶ୍ନ ଆସିବ ତାହା ବି ସ୍ପଷ୍ଟ କରାଯାଇଛି। ୬ଟି ୧ମାର୍କ ବିଶିଷ୍ଟ ଅତି ସଂକ୍ଷିପ୍ତ ପ୍ରଶ୍ନ ଆସିବ। ସେହିପରି ୪ଟି ୨ମାର୍କ ବିଶିଷ୍ଟ ସଂକ୍ଷିପ୍ତ ପ୍ରଶ୍ନ ରହିବ, ଯେଉଁଥିରୁ ପରୀକ୍ଷାର୍ଥୀ ୩ଟିର ଉତ୍ତର ଦେବେ। ୪ ମାର୍କ ବିଶିଷ୍ଟ ୩ଟି ପ୍ରଶ୍ନରୁ ୨ଟିର ଉତ୍ତର ଦେବାକୁ ପଡ଼ିବ। ଏହି ପଦ୍ଧତିରେ ପରୀକ୍ଷା କରିବା ପାଇଁ କଲେଜଗୁଡ଼ିକୁ ନିର୍ଦ୍ଦେଶ ଦିଆଯାଇଛି। ଏଥିସହ ପ୍ରଥମବର୍ଷ ଆନୁଆଲ ପରୀକ୍ଷା ମଧ୍ୟ କଲେଜ ସ୍ତରରେ ହେବ ଓ ସିଏଚ୍‌ଏସ୍‌ଇ କେବଳ ଯୁକ୍ତ୨ ବୋର୍ଡ ପରୀକ୍ଷା ପରିଚାଳନା କରିବ। ତେବେ କଲେଜ ସ୍ତରରେ ହେଉଥିବା ପରୀକ୍ଷା ଫଳକୁ ଅନ୍‌ଲାଇନ୍‌ ଜରିଆରେ କର୍ତ୍ତୃପକ୍ଷ ସିଏଚ୍‌ଏସ୍‌ଇକୁ ପଠାଇବେ, ଯାହାକୁ ରେକର୍ଡ ଭାବେ ରଖାଯିବ। ଭବିଷ୍ୟତରେ ମହାମାରୀ ପାଇଁ ଯଦି ପରୀକ୍ଷା ବାତିଲ ହୁଏ, ଏସବୁ ପରୀକ୍ଷାର ମାର୍କ ଆଧାରରେ ବିକଳ୍ପ ମୂଲ୍ୟାୟନ କରାଯିବ। ସେହିପରି ଗତବର୍ଷ ଭଳି ଏଥର ମଧ୍ୟ ୩୦ପ୍ରତିଶତ କମ୍‌ ସିଲାବସ୍‌ରେ ଶିକ୍ଷାଦାନ ହେବ। ସିଏଚ୍‌ଏସ୍‌ଇର ଏହି ନୂତନ ପଦ୍ଧତିକୁ ନେଇ ଶିକ୍ଷାବିତ୍‌ ଓ ପିଲାଙ୍କ ଭିତରେ ନାନା ପ୍ରତିକ୍ରିୟା ପ୍ରକାଶ ପାଇଛି।
ଯୁକ୍ତ୨ ପ୍ରଥମ ବର୍ଷର ଛାତ୍ରୀ ପ୍ରିୟଙ୍କା ପ୍ରିୟଦର୍ଶିନୀ ରାଉତରାୟ କହିଛନ୍ତି, ପରିଷଦ ଭଲ ପଦକ୍ଷେପ ନେଇଛି। ସବୁ ପରୀକ୍ଷା ଅଫ୍‌ଲାଇନ୍‌ରେ ହେବା ଦରକାର। ଏଥିସହିତ ଘରୋଇ କଲେଜଗୁଡ଼ିକ କିପରି ଇଣ୍ଟର୍‌ନାଲ ପରୀକ୍ଷାରେ ତାଙ୍କ ପିଲାଙ୍କ ନମ୍ବର ବଢ଼ାଇକି ନ ଦେବେ ସେଥିପ୍ରତି ବିଶେଷ ଧ୍ୟାନ ଦେବା ଉଚିତ। ଶିକ୍ଷାବିତ୍‌ ପବିତ୍ର ମହଲା କହିଛନ୍ତି, ଏହା ନିଶ୍ଚିତ ଭାବେ ସ୍ବାଗତଯୋଗ୍ୟ। ଆମେ ଏହାକୁ ଲାଗୁ କରିବା ପାଇଁ ପୂର୍ବରୁ ଦାବି କରି ଆସୁଥିଲୁ। ସିବିଏସ୍‌ଇ ପ୍ରତିବର୍ଷ ଏଭଳି ପରୀକ୍ଷା କରୁଛି। ତେଣୁ ଚଳିତବର୍ଷ ବିନା ପରୀକ୍ଷାରେ ବି ଯୁକ୍ତ୨ ବିକଳ୍ପ ମୂଲ୍ୟାୟନ ଠିକ୍‌ ହୋଇପାରିଲା। କିନ୍ତୁ ଆମର ସେହି ବ୍ୟବସ୍ଥା ନ ଥିବାରୁ ଏଥର ପିଲାଙ୍କର ଦଶମ ପରୀକ୍ଷାଫଳକୁ ଆଧାର କରି ମାର୍କ ଦିଆଗଲା। ତେଣୁ ଆମେ ଚାହୁଁଛୁ ଏହି ନୂତନ ପରୀକ୍ଷା ପଦ୍ଧତି ଲାଗି ରହୁ। ପ୍ରଥମତଃ ପିଲାଙ୍କର ପଢ଼ିବା ପାଇଁ ଆଗ୍ରହ ବଢ଼ିବ। ପିଲା ଓ ଶିକ୍ଷକ ସବୁବେଳେ ଏଥିରେ ସମ୍ପୃକ୍ତ ରହିବେ। ତେଣୁ ଏହା ଭଲ ପ୍ରଭାବ ପକାଇବ। ତେବେ ରେସିଡେନ୍‌ସିଆଲ କଲେଜଗୁଡ଼ିକରେ ପିଲାଙ୍କୁ ଅଧିକ ମାର୍କ ଦିଆଯାଉଛି ବୋଲି ଅନ୍ୟ ପିଲାମାନେ ଅଭିଯୋଗ କରୁଛନ୍ତି। ମୋ ପାଖରେ ଏହାର ପ୍ରମାଣ ନାହିଁ କି ଏହା ସତ୍ୟ କି ନୁହେଁ ଜାଣିନି। କିନ୍ତୁ ଏପରି ନିଶ୍ଚୟ ହେଉଥିବ ବୋଲି ମୁଁ ବି ଆଶା କରୁଛି। ପରିଷଦ ଏହା ତଦାରଖ କରିବା ଉଚିତ। ପରିଷଦ ପାଖରେ ଆମେ ଯେଉଁ ମାର୍କ ଦାଖଲ କରିବୁ, ତାହା କିପରି ସ୍ବଚ୍ଛ ଓ ନିର୍ମଳ ହେବ ସେଥିପାଇଁ ସବୁ ସରକାରୀ, ସରକରୀ ଅନୁଦାନପ୍ରାପ୍ତ, ରେସିଡେନ୍‌ସିଆଲ କଲେଜର ସେହି ମାର୍କକୁ ପରିଷଦ ତଦାରଖ କରିବା ଆବଶ୍ୟକ। ସେହିପରି ପରିଷଦ ଏସବୁ ପରୀକ୍ଷା ପାଇଁ ସ୍ବତନ୍ତ୍ର ଖସଡ଼ା ତିଆରି କରୁ। ଯେପରିକି ନିର୍ଦ୍ଦିଷ୍ଟ ମାସରେ ସବୁ କଲେଜରେ ଏକ ସମୟରେ ପରୀକ୍ଷା ହେବ। ପରୀକ୍ଷା କିପରି ହେଉଛି ପରିଷଦ ଚାହିଁଲେ ସବୁ କଲେଜକୁ ସ୍କ୍ବାଡ୍‌ ମଧ୍ୟ ପଠାଇପାରିବ ବୋଲି ସେ ପରାମର୍ଶ ଦେଇଛନ୍ତି।
ଅନ୍ୟପକ୍ଷରେ ବହୁ ପୂର୍ବରୁ ଯୁକ୍ତ୨ରେ ଦୁଇଟି ବୋର୍ଡ ପରୀକ୍ଷା କରିବାକୁ ଯୋଜନା ହୋଇଥିଲା। କିନ୍ତୁ ପ୍ରଥମ ବର୍ଷରେ ବୋର୍ଡ ପରୀକ୍ଷା ଏଯାଏ ଲାଗୁ ହୋଇପାରିଲା ନାହିଁ। ପରିଷଦର ଏହି ଅଦୂରଦର୍ଶିତା ଯୋଗୁ ଚଳିତବର୍ଷ ଦଶମ ଆଧାରରେ ଯୁକ୍ତ୨ ପିଲାଙ୍କୁ ମାର୍କ ଦିଆଗଲା। ଏ ସମ୍ପର୍କରେ ଶିକ୍ଷାବିତ୍‌ ମହଲା କହିଛନ୍ତି, ଯୁକ୍ତ୨ରେ ପ୍ରଥମ ବର୍ଷ ବୋର୍ଡ ପରୀକ୍ଷା ହେଲେ ପିଲାଙ୍କ ପାଇଁ ଭଲ ହେବ। ଦ୍ୱିତୀୟ ବର୍ଷରେ ବୋର୍ଡ ପରୀକ୍ଷାରେ କେବଳ ଦ୍ୱିତୀୟ ବର୍ଷର ପାଠ ପଡ଼ୁଛି। ତେଣୁ ଅନେକ ପିଲା ପ୍ରଥମ ବର୍ଷର ପାଠକୁ ଭୁଲିଯାଉଛନ୍ତି। ଉଚ୍ଚ ଶିକ୍ଷା ପାଇଁ ପ୍ରବେଶିକା ପରୀକ୍ଷା ଦେଲା ବେଳେ ଆମ ସିଏଚ୍‌ଏସ୍‌ଇ ପିଲାମାନେ ପଛରେ ପଡ଼ିଯାଉଛନ୍ତି ଓ ଅସଫଳ ହେଉଛନ୍ତି। ତେଣୁ ଯୁକ୍ତ୨ ପ୍ରଥମ ବର୍ଷକୁ ବି ବୋର୍ଡ ପରୀକ୍ଷା କରାଗଲେ ଭଲ ହୁଅନ୍ତା ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଭୁବନେଶ୍ୱରରୁ ଆଉ ୩୪୨ କରୋନା ପଜିଟିଭ ଚିହ୍ନଟ, ସୁସ୍ଥ ହେଲେ ୩୨୧

ଭୁବନେଶ୍ୱର, ୨୮।୯(ବ୍ୟୁରୋ): ରାଜଧାନୀ ଭୁବନେଶ୍ୱରରୁ ସୋମବାର ଆଉ ୩୪୨ କରୋନା ପଜିଟିଭ ଚିହ୍ନଟ ହୋଇଛନ୍ତି। ସେମାନଙ୍କ ମଧ୍ୟରୁ ୧୧୧ ଜଣ କ୍ୱାରାଣ୍ଟାଇନ ସେଣ୍ଟରରୁ ଚିହ୍ନଟ ହୋଇଥିବା...

ଅବହେଳାରୁ ଖାଇବାତେଲ ଦର ବୃଦ୍ଧି

ଭୁବନେଶ୍ୱର, ୨୭।୫ (ବ୍ୟୁରୋ): ପେଟ୍ରୋଲ ଓ ଡିଜେଲ ପରେ ଏବେ ଖାଇବା ତେଲର ଲଗାତର ଦରବୃଦ୍ଧି ଖାଉଟିଙ୍କ ଚିନ୍ତା ବଢ଼ାଇଛି। କିଛି ମାସ ମଧ୍ୟରେ ଅନ୍ତର୍ଜାତୀୟ...

ଡ୍ରାଇଭରଙ୍କ ମୃତଦେହ ଉଦ୍ଧାର, ହତ୍ୟା ସନ୍ଦେହ

ଭୁବନେଶ୍ୱର, ୨।୧୨(ବ୍ୟୁରୋ): ଚନ୍ଦ୍ରଶେଖରପୁର ଥାନା ଶ୍ରୀବିହାର ଅଞ୍ଚଳରୁ ଜଣେ ଡ୍ରାଇଭରଙ୍କ ମୃତଦେହ ପୋଲିସ ଉଦ୍ଧାର କରିଛି। ମୃତକ ଜଣଙ୍କ ହେଲେ ପୁରୀ ବ୍ରହ୍ମଗିରି ଅଞ୍ଚଳ ସୁନୀଲ...

‘ପିନାକ୍‌’ର ସଫଳ ପରୀକ୍ଷଣ

ବାଲେଶ୍ୱର ଅଫିସ,୨୫।୬: ବାଲେଶ୍ୱର ଜିଲା ଚାନ୍ଦିପୁରସ୍ଥିତ ସମନ୍ବିତ ପରୀକ୍ଷଣ କେନ୍ଦ୍ର (ଆଇଟିଆର୍‌)ରେ ଶୁକ୍ରବାର ମଲ୍ଟି ବ୍ୟାରେଲ ରକେଟ୍‌ ଲଞ୍ଚର (ଏମ୍‌ବିଆର୍‌ଏଲ୍‌)ରୁ ପରିବର୍ଦ୍ଧିତ ରେଞ୍ଜ ୧୨୨ଏମ୍‌ଏମ୍‌ କାଲିବର...

ବିଦ୍ୟୁତ୍‌ ଚାଳିତ ଯାନ କିଣିଲେ ସରକାର ଦେବେ ରିହାତି

ଭୁବନେଶ୍ୱର,୨୭।୮(ବ୍ୟୁରୋ): ବିଦ୍ୟୁତ୍‌ ଚାଳିତ ଗାଡ଼ି ତଥା ଇ-ଯାନ ପଲିସିକୁ ଶୁକ୍ରବାର ରାଜ୍ୟ କ୍ୟାବିନେଟ୍‌ ମଞ୍ଜୁରୀ ଦେଇଛି। ପ୍ରଦୂଷଣ ରୋକିବା ଏବଂ ବିଦ୍ୟୁତ୍‌ ଚାଳିତ ଯାନକୁ ଲୋକପ୍ରିୟ...

ଫେକ୍‌ ସିମ୍‌କାର୍ଡ ମାମଲା: ଅଭିଯୁକ୍ତଙ୍କୁ ୫ ଦିନିଆ ରିମାଣ୍ଡରେ ନେବ କ୍ରାଇମ୍‌ବ୍ରାଞ୍ଚ

ଭୁବନେଶ୍ୱର,୨।୫(ବ୍ୟୁରୋ): ଫେକ୍‌ ସିମ୍‌କାର୍ଡ ଜାଲିଆତି ମାମଲାରେ ଗିରଫ ହୋଇଥିବା ତିନି ଅଭିଯୁକ୍ତଙ୍କୁ ୫ ଦିନିଆ ରିମାଣ୍ଡରେ ନେବ କ୍ରାଇମ୍‌ବ୍ରାଞ୍ଚ। ଏଥିପାଇଁ କୋର୍ଟ ଅନୁମତି ଦେଇଛନ୍ତି। ବୁଧବାରଠାରୁ...

ବଳାତ୍କାରୀ ଶିକ୍ଷକଙ୍କୁ ୨୦ବର୍ଷ ଜେଲ

ଢେଙ୍କାନାଳ ଅଫିସ, ୩।୩-ଢେଙ୍କାନାଳ ପୋକ୍‌ସୋ ଅଦାଲତରେ ସୋମବାର ଏକ ଦୃଷ୍ଟିହୀନ ନାବାଳିକା ବଳାତ୍କାର ମାମଲାର ରାୟ ପ୍ରକାଶ ପାଇଛି। ବିଚାରପତି ରାଜକିଶୋର ମହାପାତ୍ର ଅଭିଯୁକ୍ତ ସ୍କୁଲ...

ଆଖଡ଼ାଶାଳିିିଠାରେ ନଦୀ ଭିତ୍ତିକ ବନ୍ଦର ନେଇ ସ୍ଥିତି ଅନୁଧ୍ୟାନ କଲେ ୫-ଟି ସଚିବ ଭି.କେ ପାଣ୍ଡିଆନ

ମହାକାଳପଡ଼ା,୨୦।୧୨(ଡି.ଏନ୍‌.ଏ.): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକର ସ୍ଥାନୀୟ ଆଖଡ଼ାଶାଳିଠାରେ ମହାନଦୀ ଶାଖା ଗୁପ୍ତିଗିରି ମଧ୍ୟରେ ଏକ ପ୍ରସ୍ତାବିତ ନଦୀ ଭିତ୍ତିକ ବନ୍ଦର ନିର୍ମାଣ ପାଇଁ କେନ୍ଦ୍ର...

Advertisement
Archives

Model This Week