କୁଜଙ୍ଗ,୨୩ା୨(ଡି.ଏନ୍.ଏ.): ଆସନ୍ତା ୨୪ ତାରିଖରେ ଢିଙ୍କିଆ ପଞ୍ଚାୟରେ ସମିତି ସଭ୍ୟ ଓ ଜିଲା ପରିଷଦ ଆସନ ପାଇଁ ନିର୍ବାଚନ ହେବ। ମାତ୍ର ଏହି ସମୟରେ ଅବାଧ ନିରପେକ୍ଷ ନିର୍ବାଚନ ହେବା ନେଇ ଆଶଙ୍କାବ୍ୟକ୍ତ କରାଯାଇଛି। ଚଳିତ ତ୍ରିସ୍ତରୀୟ ପଞ୍ଚାୟତ ନିର୍ବାଚନରେ ପ୍ରଶାସନ ପକ୍ଷରୁ ଢିଙ୍କିଆ ଗ୍ରାମରେ କୌଣସି ବୁଥ୍ କରାଯାଇନାହିଁ। ଢିଙ୍କିଆ ପଞ୍ଚାୟତରେ ମୋଟ ୨୩ ୱାର୍ଡଥିବା ବେଳେ ସେଥିରୁ ଢିଙ୍କିଆ ଗ୍ରାମର ୬ଟି ୱାର୍ଡ ରହିଛି। ଏହି ଗ୍ରାମରେ ଥିବା ଓ୍ବାର୍ଡ ଗୁଡ଼ିକର ବୁଥ୍ ଅନ୍ୟ ଗ୍ରାମରେ କରାଯାଇଛି। ସେଥିରୁ ମାହଳରେ ଗୋଟିଏ, ପାଟଣାରେ ୩ ଓ ତ୍ରିଲୋଚନପୁରରେ ୨ଟି ବୁଥ୍ କରାଯାଇଛି ା ଢିଙ୍କିଆବାସୀ ଏସବୁ ବୁଥ୍କୁ ଯାଇ ମତଦାନ କରିବା ପାଇଁ ବ୍ୟବସ୍ଥା ହୋଇଛି। ଏରସମା ବ୍ଲକ ଅନ୍ତର୍ଗତ ଢିଙ୍କିଆ ଗ୍ରାମରେ ପୋଲିସ ଓ ଗ୍ରାମବାସୀଙ୍କ ମଧ୍ୟରେ ଜାନୁୟାରୀ ୧୪ ଘଟିଥିବା ସଂଘର୍ଷକୁ ଦୃଷ୍ଟିରେ ରଖି ଏପରି ନିଷ୍ପତ୍ତି ନିଆଯାଇଛି। ପୋଲିସ ଭୟ ଗ୍ରାମବାସୀଙ୍କ ମନରୁ ଯାଇ ନଥିବା ବେଳେ ଅନ୍ୟ ଗାଁକୁ ଯାଇ ଭୋଟ ଦେବାନେଇ ଆଶଙ୍କା କରାଯାଉଛି।
ଏ ସମ୍ପର୍କରେ ଅଭୟଚାନ୍ଦପୁର ଥାନା ଅଧିକାରୀ ଜୀବନାନନ୍ଦ ଜେନା କହିଛନ୍ତି, ମତଦାନ ବେଳେ ପୋଲିସ ହସ୍ତକ୍ଷେପ କରିବ ନାହିଁ। ଏହି ସମୟରେ କାହାକୁ ଗିରଫ କରାଯିବନାହିଁ।
