ଧାନ, ମାଛ ଓ ପରିବା ଚାଷୀଙ୍କୁ ବିକ୍ରି ଚିନ୍ତା

ଜଗତ୍‌ସିଂହପୁର ଅଫିସ,୨୪।୮: ଜଗତ୍‌ସିଂହପୁର ଜିଲାର ଅଧିକାଂଶ ଚାଷୀ ମାଛ, ପନିପରିବା, ଧାନ, ମୁଗ, ବିରି ଆଦି ଚାଷ ଉପରେ ନିର୍ଭରଶୀଳ। ପ୍ରତି ବର୍ଷ ଜିଲାରେ ପ୍ରାକୃତିକ ବିପର୍ଯ୍ୟୟ ସାଙ୍ଗକୁ ବିକ୍ରି ସମସ୍ୟା ଚାଷୀର ମେରୁଦଣ୍ଡ ବଙ୍କା କରି ଦେଉଛି। ଏ ପରିସ୍ଥିତିରେ ସରକାର ମାଛ, ପନିପରିବା, ମୁଗ, ବିରି ଆଦି ବିକ୍ରି ପାଇଁ ସୁବନ୍ଦୋବସ୍ତ ନ କଲେ ଆଗାମୀ ଦିନରେ ଚାଷୀ ଓ ଚାଷ ଅଧିକ କ୍ଷତିଗ୍ରସ୍ତ ହେବ। ସମ୍ଭାବ୍ୟ ପରିସ୍ଥିତିକୁ ଏଡାଇବା ପାଇଁ ସରକାର ସ୍ବୟଂ ସହାୟକ ଗୋଷ୍ଠୀ(ଏସ୍‌ଏଚ୍‌ଜି)ଗୁଡିକୁ କିଣାବିକାରେ ସାମିଲ କରିବାକୁ ସାଧାରଣରେ ଦାବି ହେଉଛି। ଏହା ହେଲେ ଜିଲାରେ ୧୯୫୦୦ରୁ ଅଧିକ ଏସ୍‌ଏଚ୍‌ଜି ଉପକୃତ ହୋଇପାରିବେ। ଚାଷୀଙ୍କ ସମସ୍ୟା ମଧ୍ୟ ସମାଧାନ ହୋଇପାରିବ।
ଜିଲାରେ ମଧୁରଜଳ କ୍ଷେତ୍ରରୁ ବାର୍ଷିକ ପାଖାପାଖି ୧୬,୦୦୦ ମେଟ୍ରିକ୍‌ ଟନ୍‌ (ଏମ୍‌ଟି) ମାଛ ଉତ୍ପାଦନ ହେଉଛି। ଖାରିଆ ପାଣି (ଚିଙ୍ଗୁଡି ଚାଷ)ରୁ ୧୪,୦୦୦ ଓ ସାମୁଦ୍ରିକ କ୍ଷେତ୍ରରୁ ୨୫,୦୦୦ ଏମ୍‌ଟି ମାଛ ସଂଗ୍ରହ କରାଯାଉଛି। ଉତ୍ପାଦିତ ଚିଙ୍ଗୁଡି ମଧ୍ୟରୁ ପାଖାପାଖି ୯୦% ବାହାରକୁ ରପ୍ତାନି ହେଉଛି। ମାଛ ମଧ୍ୟରୁ କିଛି ଜିଲା ଭିତରେ ବିକ୍ରି ହୋଇଯାଉଛି। ଅଧିକାଂଶ କିନ୍ତୁ ଅନ୍ୟ ଜିଲା, ରାଜ୍ୟ, ଦେଶ ଓ ବିଦେଶକୁ ରପ୍ତାନି ହେଉଛି। ବିକ୍ରି ସମସ୍ୟା ଯୋଗୁ ଅନେକ ସମୟରେ କମ ଦାମର ମାଛ ଶୁଖୁଆ କରି ଦିଆଯାଉଛି। ଏସବୁକୁ ବିଚାରକୁ ନେଇ ଏସ୍‌ଏଚ୍‌ଜିଗୁଡିକୁ ବ୍ୟବସାୟରେ ସାମିଲ କରାଗଲେ ପ୍ରତ୍ୟେକେ ଉପକୃତ ହେବେ ବୋଲି ଅନେକ ବୁଦ୍ଧିଜୀବୀ ମତପ୍ରକାଶ କରିଛନ୍ତି। ସେମାନଙ୍କ କହିବା କଥା ହେଲା ବିକ୍ରି ସମସ୍ୟାର ସମାଧାନ ପାଇଁ ଏକ ସମୟରେ ଚାଷ ନ କରି ୧୦ରୁ ୧୫ ଦିନ ଅନ୍ତରରେ ଚାଷ କରାଯିବା ଉଚିତ। ୫/୬ଟି ଏସ୍‌ଏଚ୍‌ଜିକୁ ମାଛ କ୍ରୟ ଦାୟିତ୍ୱ ଦିଆଯାଉ। ଏହି ଏସ୍‌ଏଚ୍‌ଜିଗୁଡିକ ବୈଷୟିକ ତାଲିମପ୍ରାପ୍ତ ଓ ଆଧୁନିକ ମତ୍ସ୍ୟ ପ୍ରକ୍ରିୟାକରଣ କରି ପାରୁଥିବା ଅନ୍ୟ ଏକ ଏସ୍‌ଏଚ୍‌ଜିରେ ମାଛ ବିକ୍ରି କରନ୍ତୁ। ଏହାଦ୍ୱାରା ମାଛଚାଷ ପ୍ରତି ମଧ୍ୟ ଲୋକଙ୍କ ଆକର୍ଷଣ ବଢିବ ବୋଲି ସେମାନେ କହିଛନ୍ତି। ଅନୁରୂପ ଭାବେ ଜିଲାରେ ୨୭୮୦ ହେକ୍ଟର ଜମିରେ ନଡିଆ ଚାଷ ହୋଇଛି। ଏଥିରୁ ବାର୍ଷିକ ୧୯୫ ଲକ୍ଷ ନଡ଼ିଆ ଉତ୍ପାଦନ ହେଉଛି। ୨୭୫ ହେକ୍ଟର ପାନ ଚାଷ ହେଉଥିବା ବେଳେ ୨୪,୨୧୪ ଲକ୍ଷ ପାନ ପତ୍ର ଉତ୍ପାଦନ ହେଉଛି। ଟମାଟୋ ୩୧୭୮ ହେକ୍ଟରରୁ ୪୩,୧୯୦ ଏମ୍‌ଟି ମିଳୁଛି। ବାଇଗଣ ୨୮୪୦ ହେକ୍ଟରରୁ ୪୨,୪୩୫ ଏମ୍‌ଟି ଉତ୍ପାଦନ ହେଉଛି। ସିଜନ୍‌ରେ ଏହି ପରିବାଗୁଡିକ ଶାଗମୁଗ ଦରରେ ବିକ୍ରି ହେଉଥିବାରୁ ଚାଷୀ ପ୍ରଭୂତ କ୍ଷତିର ସମ୍ମୁଖୀନ ହେଉଛି। ଉତ୍ପାଦିତ ପାନପତ୍ର ମେଶିନ ସାହାଯ୍ୟରେ ସେକା ସହ ବନାରଶୀ ଭଳି ମିଠା ପାନ ଚାଷ କରାଗଲେ ଅଧିକ ଲାଭ ମିଳିବ।
ଜିଲା କୃଷି ବିଭାଗ ସୂଚନା ଅନୁଯାୟୀ, ୨୦୧୯-୨୦ରେ ଜିଲାରେ ୮୬,୨୨୦ ହେକ୍ଟର ଜମିରେ ଧାନ ଚାଷ ହୋଇଥିବା ବେଳେ ୨,୮୨,୩୭୬ ଏମ୍‌ଟି ଧାନ ସଂଗ୍ରହ ହୋଇଛି। ସେହିପରି ୪୫,୨୫୮ ହେକ୍ଟର ଜମିରୁ ୧୫,୪୮୨ ଏମ୍‌ଟି ମୁଗ, ୧୪,୯୯୨ ହେକ୍ଟର ଜମିରୁ ୩୨୧୮ଏମ୍‌ଟି ବିରି, ୩୮୯୧ ହେକ୍ଟର ଜମିରୁ ୧୧,୮୧୪ ଏମ୍‌ଟି ଚିନାବାଦାମ ଉତ୍ପାଦନ ହୋଇଛି। ଏ ସମ୍ପର୍କରେ ଉଦ୍ୟାନ କୃଷି ସହକାରୀ ନିର୍ଦ୍ଦେଶକ ମିହିର ସାମନ୍ତରାୟ, ଜିଲା ମୁଖ୍ୟ କୃଷି ଅଧିକାରୀ ରବିନାରାୟଣ ମହାପାତ୍ର ଓ ଜିଲା ମତ୍ସ୍ୟ ଅଧିକାରୀ ସୁବ୍ରତ ଦାଶ କହିଛନ୍ତି, ଏସଏଚ୍‌ଜିଗୁଡ଼ିକୁ କିଣାବିକାରେ ସାମିଲ କରାଗଲେ ଅଧିକ ଫଳପ୍ରଦ ହେବ ବୋଲି ଚିନ୍ତା କରାଯାଉଛି। ତେବେ ଆଗାମୀ ଦିନରେ ଏହା କାର୍ଯ୍ୟକାରୀ ହେବାକୁ ଯୋଜନା ରହିଛି।


Enter your email to get our daily news in your inbox.

All Right Reserved By Dharitri.Com

ଧସିଲା ବୈତରଣୀ ନଦୀବନ୍ଧ

ଆରଡ଼ି,୨।୨(ଡି.ଏନ.ଏ.) ଭଦ୍ରକ ଜିଲା ଚାନ୍ଦବାଲି ବ୍ଲକର ବୋଡ଼କ ନିକଟରେ ବୈତରଣୀ ନଦୀ ମଧ୍ୟକୁ ମଙ୍ଗଳବାର ପ୍ରାୟ ୧୦୦ ଫୁଟ ଲମ୍ବର ମାଟି ଅତଡ଼ା ଧସି ଯାଇଛି।...

ଭିଜିଲାନ୍ସ ହାତରେ ମହିଳା କଲେଜର କିରାଣି

କଟକ ଅଫିସ,୧୮ା୮: କଟକ କଲ୍ୟାଣୀ ସ୍ଥିତ କୁସୁମଦେବୀ ସତସଙ୍ଗ ମହିଳା କଲେଜର କନିଷ୍ଠ କିରାଣୀ ଜ୍ୟୋତ୍ସ୍ନା ପରିଡ଼ା ବୁଧବାର ୯ ହଜାର ଟଙ୍କା ଲାଞ୍ଚ ନେଉଥିବା...

ବ୍ୟକ୍ତିଗତ ସ୍ବାର୍ଥରେ ଲାଗୁଛି ବିଧାୟକ ପାଣ୍ଠି

ଯାଜପୁର ଅଫିସ,୬।୨: ବ୍ୟକ୍ତିଗତ ବ୍ୟବସାୟିକ ଅନୁଷ୍ଠାନକୁ ବିଧାୟକ ପାଣ୍ଠି(ଏମଏଲଏ ଲ୍ୟାଡ) ଖର୍ଚ୍ଚ ହେବା ଘଟଣାକୁ ନେଇ ଦଶରଥପୁର ବ୍ଲକ ବିରିପଟା ପଞ୍ଚାୟତବାସୀଙ୍କ ମଧ୍ୟରେ ଉଦ୍‌ବେଗ ପ୍ରକାଶ...

ଗାଡ଼ି ଚଳାଚଳ ବନ୍ଦ, ଖୋଲା ରହିଛି ଦୋକାନ ବଜାର

ପାଟଣା,୮।୧(ସ୍ବ.ପ୍ର.): କେନ୍ଦ୍ରୀୟ ଟ୍ରେଡ୍‌ ୟୁନିୟନ ପକ୍ଷରୁ ୧୨ଦଫା ଦାବିରେ ବୁଧବାର ବନ୍ଦ ଡାକରା ଦିଆଯାଇଥିବା ପରିପ୍ରେକ୍ଷୀରେ କେନ୍ଦୁଝର ଜିଲା ପାଟଣା ଓ ତୁରୁମୁଙ୍ଗା ଥାନା ଅଞ୍ଚଳରେ...

ପୁରୀ: କାର୍ଯ୍ୟକ୍ଷମ ହେଲା କୋଭିଡ୍‌ ସ୍ବାସ୍ଥ୍ୟକେନ୍ଦ୍ର

ପୁରୀ ଅଫିସ,୧୫ା୪: କରୋନା ଆକ୍ରାନ୍ତଙ୍କ ଚିକିତ୍ସା ଲାଗି ମଙ୍ଗଳବାରଠାରୁ ପୁରୀରେ ୧୦୦ଶଯ୍ୟା ବିଶିଷ୍ଟ କୋଭିଡ୍‌ ସ୍ବାସ୍ଥ୍ୟକେନ୍ଦ୍ର କାର୍ଯ୍ୟକ୍ଷମ ହୋଇଛି। ଗୋପବନ୍ଧୁ ଆୟୁର୍ବେଦ ମହାବିଦ୍ୟାଳୟରେ ୬୦ ଶଯ୍ୟା...

ଲୁଣାଘେରି ବନ୍ଧ ଭାଙ୍ଗି ୩୦ ଫୁଟର ଘାଇ

ମହାକାଳପଡ଼ା,୨୬।୭ (ଡି.ଏନ୍‌.ଏ.): କେନ୍ଦ୍ରାପଡା ଜିଲା ମହାକାଳପଡା ବ୍ଲକ ଉପକୂଳ ଅଞ୍ଚଳ ନାଞ୍ଜୁରା ପଞ୍ଚାୟତର ସ୍ଥାନୀୟ ସାନ୍ତାଳୀପଡ଼ା ପଣିଖିଆ ଗାଁରେ ଶନିବାର ଲୁଣା ଘେରି ବନ୍ଧ ଭାଙ୍ଗିଯାଇଛି।...

ଗାନ୍ଧୀ ବିଶେଷାଙ୍କ ଲୋକାର୍ପିତ କଲେ ରାଜ୍ୟପାଳ

ପୁରୀ ଅଫିସ,୨୯।୨: ମହାତ୍ମା ଗାନ୍ଧୀଙ୍କ ୧୫୦ତମ ଜୟନ୍ତୀ ଉପଲକ୍ଷେ ତ୍ରୈମାସିକ ସାହିତ୍ୟ ପତ୍ରିକା ସୁଲେଖା ପକ୍ଷରୁ ଗାନ୍ଧୀ ବିଶେଷାଙ୍କ ପ୍ରସ୍ତୁତ କରାଯାଇଛି। ଓଡ଼ିଶାର ବିଭିନ୍ନ କବି...

ଲକ୍‌ଡାଉନ: ୨ଟା ଯାଏ ଖୋଲିବ ଆର୍‌ଟିଓ

କଟକ ଅଫିସ,୨୧।୭: ରାଜ୍ୟର ଖୋର୍ଦ୍ଧା, କଟକ, ଗଞ୍ଜାମ ଓ ଯାଜପୁର ଜିଲା ସହ ରାଉରକେଲା ସହରାଞ୍ଚଳରେ ରାଜ୍ୟ ସରକାର ଜୁଲାଇ ୩୧ ପର୍ଯ୍ୟନ୍ତ ଲକ୍‌ଡାଉନ ଜାରି...

Advertisement
Archives

Model This Week