ଶୀତଳଭଣ୍ଡାର ବିକିବାକୁ ଗରାଖ ଖୋଜା

ଭୁବନେଶ୍ୱର,୧୦ା୭(ବ୍ୟୁରୋ): ରାଜ୍ୟରେ ଆଳୁ ଚାଷ ଦିନକୁ ଦିନ ହ୍ରାସ ପାଇବାରେ ଲାଗିଛି। ଆଳୁ ରଖିବା ଏବଂ ଉପଯୁକ୍ତ ବଜାର ସୁବିଧା ମିଳୁ ନ ଥିବାରୁ ଚାଷୀମାନେ ଏଥିପ୍ରତି ଆଗ୍ରହ ଦେଖାଉନାହାନ୍ତି । କେବଳ ଖାଇବା ଆଳୁ ନୁହେଁ, ମଞ୍ଜି ପାଇଁ ମଧ୍ୟ ଓଡ଼ିଶାକୁ ପଞ୍ଜାବ ଓ ହରିୟାଣା ଭଳି ରାଜ୍ୟ ଉପରେ ନିର୍ଭର କରିବାକୁ ପଡୁଛି। ଚାଷୀଙ୍କୁ ଠିକ୍‌ ସମୟରେ ବିହନ, ସାର, ବଜାର ସୁବିଧା ଓ ଉପଯୁକ୍ତ ଦର ମିଳୁ ନ ଥିବାରୁ ଆଳୁ ଉତ୍ପାଦନ ହ୍ରାସ ପାଇବାରେ ଲାଗିଛି। ଏପରି କି ଏହାର ଉତ୍ପାଦନ ବଢ଼ାଇବାକୁ ସରକାର କରିଥିବା ରାଜ୍ୟ ଆଳୁ ମିଶନ ବାଟବଣା ହୋଇଛି । ସ୍ଥିତି ଏଭଳି ହେଲାଣି ଯେ ଆଳୁ ମିଶନ ହେବା ପରଠୁ କୃଷି ଉଦ୍ୟୋଗୀଙ୍କ ଦ୍ୱାରା ଯେଉଁ ଶୀତଳଭଣ୍ଡାର ପ୍ରତିଷ୍ଠା ହୋଇଥିଲା ସେଗୁଡ଼ିକୁ ଏବେ ସେମାନେ ବିକିବା ଲାଗି ଗରାଖ ଖୋଜୁଛନ୍ତି। ଆଳୁ ଉତ୍ପାଦନ କମିବା, ସରକାରୀ ପ୍ରୋତ୍ସାହନ ଅଭାବ ଏବଂ ବ୍ୟାଙ୍କ ଋଣ ଶୁଝି ନ ପାରି ଏମାନେ ଦେବାଳିଆ ସ୍ତରକୁ ଚାଲିଗଲେଣି। ଏଭଳି ସ୍ଥଳେ ସେମାନଙ୍କ ପକ୍ଷେ ଶୀତଳଭଣ୍ଡାର ଚଳାଇବା ସମ୍ଭବ ହେଉ ନ ଥିବାରୁ ସେଗୁଡ଼ିକୁ ସରକାର ନିଅନ୍ତୁ ବୋଲି ନିବେଦନ କରିଛନ୍ତି।
ରାଜ୍ୟରେ ଦୈନିକ ୨୫୦୦ ଟନ୍‌ରୁ ୩ ହଜାର ଟନ୍‌ ଆଳୁର ଆବଶ୍ୟକତା ରହିଛି। ମାତ୍ର ୨ ଲକ୍ଷ ମେଟ୍ରିକ ଟନ୍‌ ଆଳୁ ଉତ୍ପାଦନ ହେଉଥିବା ବେଳେ ବାର୍ଷିକ ଚାହିଦା ରହିଛି ୧୨ ଲକ୍ଷ ମେଟ୍ରିକ ଟନ୍‌। ରାଜ୍ୟର ଆଳୁ ଚାହିଦା ମେଣ୍ଟାଇବା ସହ ଉପତ୍ାଦନ ବଢ଼ାଇବା ପାଇଁ ରାଜ୍ୟ ସରକାର ୨୦୧୫ରେ ରାଜ୍ୟ ଆଳୁ ମିଶନ ଆରମ୍ଭ କରିଥିଲେ। ଏଥିରେ ଆଳୁ ଚାଷୀଙ୍କୁ ପ୍ରୋତ୍ସାହନ ଦେବା ସହ ପ୍ରତ୍ୟେକ ବ୍ଲକରେ ଶୀତଳଭଣ୍ଡାର ନିର୍ମାଣ କରିବାକୁ ବ୍ୟବସ୍ଥା ରହିଛି । ୨୦୧୬-୧୭ରେ ରାଜ୍ୟର ୬୦ ହଜାର ହେକ୍ଟରରେ ଆଳୁ ଚାଷ କରିବାକୁ ନିଷ୍ପତ୍ତି ହୋଇଥିଲା। ୧୧୨ଟି ଶୀତଳଭଣ୍ଡାର ସ୍ଥାପନ କରିବାକୁ ଏଥିରେ ବ୍ୟବସ୍ଥା ରହିଥିବା ବେଳେ ଆଳୁ ଉପତ୍ାଦନକୁ ୭ ଲକ୍ଷ ମେଟ୍ରିକ ଟନ୍‌ରେ ପହଞ୍ଚାଇବାକୁ ଲକ୍ଷ୍ୟ ରଖାଯାଇଥିଲା। ରାଜ୍ୟରେ ଆଳୁ ଉପତ୍ାଦନ ୨ ଲକ୍ଷ ମେଟ୍ରିକ ଟନ୍‌ ଉପରକୁ ଛୁଇଁପାରିଲା ନାହିଁ। ଏହି ଅତ୍ୟାବଶ୍ୟକ ସାମଗ୍ରୀ ରଖିବା ପାଇଁ ମିଶନ ଜରିଆରେ ଶୀତଳଭଣ୍ଡାର ନିର୍ମାଣ କରିବାକୁ ସରକାରୀ ପ୍ରୋତ୍ସାହନ ଆଶାରେ ଯୁବ କୃଷି ଉଦ୍ୟୋଗୀମାନେ ଆଗେଇ ଆସିଥିଲେ। ୨୦୧୫ରୁ ୨୦୧୯ ମଧ୍ୟରେ ୨୬ଟି ଶୀତଳଭଣ୍ଡାର ନିର୍ମାଣ ହେଲା । ଯେଉଁ ଉଦ୍ୟୋଗୀମାନେ ପ୍ରାୟ ୮ କୋଟି ଟଙ୍କା ବ୍ୟୟରେ ଶୀତଳଭଣ୍ଡାର ନିର୍ମାଣ କରିଥିଲେ, ସେମାନେ ଏବେ ନିଜ ସଂସ୍ଥାକୁ ବିକ୍ରିି କରିବାକୁ ବସିଛନ୍ତି । ମିଶନ ଚାଷୀଙ୍କୁ ଆକୃଷ୍ଟ କରିପାରି ନ ଥିବା ବେଳେ ଶୀତଳଭଣ୍ଡାର କରିଥିବା କୃଷି ଉଦ୍ୟୋଗୀମାନଙ୍କୁ ମଧ୍ୟ ତଳିତଳାନ୍ତ କରିଛି। ଆଳୁ ରଖିବା ପାଇଁ ନିର୍ମାଣ ହୋଇଥିବା ଶୀତଳଭଣ୍ଡାର ଖର୍ଚ୍ଚ ବୋଝ ଏତେ ବଢ଼ିଗଲାଣି ଯେ ଉଦ୍ୟୋଗୀମାନେ ଏହାକୁ ବିକ୍ରି କରିବାକୁ ଗରାଖ ପାଉନାହାନ୍ତି। ଶେଷରେ ବାଧ୍ୟ ହୋଇ ସେମାନଙ୍କ ଶୀତଳଭଣ୍ଡାର ବୋଝ ସରକାର ନିଅନ୍ତୁ ବୋଲି ଏହାର ମାଲିକମାନେ କହିଲେଣି।
ରାଜ୍ୟରେ ଥିବା ୧୪୦ଟି ଶୀତଳଭଣ୍ଡାର ମଧ୍ୟରୁ ମାତ୍ର ୪୦ଟି କାର୍ଯ୍ୟକ୍ଷମ ରହିଛି। ଋଣ ଛାଡ଼ କରିବା ସହ ପରିବହନ ଓ ବିଦ୍ୟୁତ୍‌ ବିଲ୍‌ ଉପରେ ରିହାତି ଏବଂ ଷ୍ଟୋରେଜ ସବ୍‌ସିଡି ଦେବାକୁ ଉଦ୍ୟୋଗୀମାନେ ଦାବି କରିଛନ୍ତି । ପ୍ରତ୍ୟେକ ଶୀତଳଭଣ୍ଡାରରେ ୫ ହଜାର ମେଟ୍ରିକ ଟନ୍‌ ଆଳୁ ଗଚ୍ଛିତ ରଖିବା ଭଳି କ୍ଷମତା ରହିଛି। ଏଥିରେ ପ୍ରତ୍ୟକ୍ଷ ଓ ପରୋକ୍ଷ ଭାବେ ୩୦୦ ଲୋକଙ୍କୁ ନିଯୁକ୍ତି ସୁଯୋଗ ମିଳିଛି। ଏହାଛଡ଼ା ୧୦ ହଜାର ଚାଷୀ ସେମାନଙ୍କର ଉପତ୍ାଦିତ ଦ୍ରବ୍ୟକୁ ଏଠାରେ ସାଇତି ରଖିପାରିବେ । ସମଗ୍ର ରାଜ୍ୟରେ ପ୍ରାୟ ୪ ଲକ୍ଷ କୃଷକ ପରିବାର ଏଥିରେ ଉପକୃତ ହେଉଛନ୍ତି । ରାଜ୍ୟ ସରକାର ଶୀତଳଭଣ୍ଡାର କରିଥିବା ଉଦ୍ୟୋଗୀଙ୍କୁ ସହାୟତା ନ କଲେ ଶୀତଳଭଣ୍ଡାର ସହ ବ୍ୟାଙ୍କରେ ବନ୍ଧା ପଡ଼ିଥିବା ଘରଦ୍ୱାର ମଧ୍ୟ ନିଲାମ ହୋଇଯିବ ବୋଲି ସଂଘର ସମ୍ପାଦକ ଜନାର୍ଦ୍ଦନ ସାହୁ କହିଛନ୍ତି।
ଅନ୍ୟପକ୍ଷରେ ରାଜ୍ୟ ସରକାର ଏବେ ଶୀତଳଭଣ୍ଡାରଗୁଡ଼ିକ ପାଇଁ ଥିବା ଗାଇଡ୍‌ଲାଇନକୁ ସଂଶୋଧନ କରିବାକୁ ଯାଉଛନ୍ତି । ବିଦ୍ୟୁତ୍‌ ବିଲ୍‌ ଛାଡ଼ କରିବା ସହିତ ସ୍ଥାନୀୟ ମାର୍କେଟରୁ ୫୦% ଦ୍ରବ୍ୟ ରଖିବାକୁ ଥିବା ସର୍ତ୍ତକୁ କୋହଳ କରିବା ଲାଗି ନିଷ୍ପତ୍ତି ହୋଇଛି। ଏ ନେଇ ସରକାରଙ୍କ ସ୍ବୀକୃତି ମିଳିବା ପରେ ଗାଇଡ୍‌ଲାଇନକୁ ସଂଶୋଧନ କରାଯିବ। ଫଳରେ ଶୀତଳଭଣ୍ଡାରଗୁଡ଼ିକ ସରକାରଙ୍କ ସୁବିଧା ପାଇପାରିବେ ବୋଲି କୃଷି ଉପତ୍ାଦନ କମିଶନର ଆର.କେ. ଶର୍ମା କହିଛନ୍ତି ।


Enter your email to get our daily news in your inbox.

All Right Reserved By Dharitri.Com

ରାଶନ ପାଇଁ ଆଧାର ବାଧ୍ୟତାମୂଳକ: ସବୁ ପିଡିଏସ୍‌ରୁ ନେଇପାରିବେ ଖାଦ୍ୟ ସାମଗ୍ରୀ

ଭୁବନେଶ୍ୱର,୨୦।୮(ବ୍ୟୁରୋ): ରଜାତୀୟ ଖାଦ୍ୟ ନିରାପତ୍ତା ଯୋଜନା ଏବଂ ରାଜ୍ୟ ଖାଦ୍ୟ ନିରାପତ୍ତା ସ୍କିମ୍‌ ହିତାଧିକାରୀମାନେ ଏଣିକି ରାଜ୍ୟର ଯେକୌଣସି ସାଧାରଣ ଖାଉଟି ବଣ୍ଟନ କେନ୍ଦ୍ର(ପିଡିଏସ୍‌)ରୁ ଚାଉଳ,...

ସୁପରଭାଇଜରଙ୍କ ମୃତ୍ୟୁକୁ ନେଇ କଣିହାଁ ଏନ୍‌ଟିପିସିରେ ଉତ୍ତେଜନା, ନିଯୁକ୍ତି ସହ କ୍ଷତିପୂରଣ ଦାବି

ତାଳଚେର,୬।୫(ନି.ପ୍ର.): ଅନୁଗୋଳ ଜିଲା କଣିହାଁ ଏନ୍‌ଟିପିସି ବିଦ୍ୟୁତ୍‌ ପ୍ରକଳ୍ପର ପାଉଁଶ ପୋଖରୀରେ ଶନିବାର ଜଣେ ବ୍ୟକ୍ତିଙ୍କ ମୃତଦେହର କିଛି ଅଂଶ ସହ ଚପଲ ପଡ଼ିଥିବା ଦେଖିବାକୁ...

ରାଜ୍ୟରେ ନାହିଁ ବନ୍ୟା ଆଶଙ୍କା

ଭୁବନେଶ୍ୱର,୧୫।୯(ବ୍ୟୁରୋ): ରାଜ୍ୟବାସୀଙ୍କୁ ବୁଧବାର ଆଶ୍ୱସ୍ତିକର ସୂଚନା ଦେଇଛନ୍ତି ଜଳସଂପଦ ବିଭାଗ ସର୍ବୋଚ୍ଚ ଯନ୍ତ୍ରୀ ଧୀରେନ ସାମଲ। ସେ କହିଛନ୍ତି, ରାଜ୍ୟରେ ଗତ ୨୪ ଘଣ୍ଟା ମଧ୍ୟରେ...

ସଂକ୍ରମଣରେ ଲାଗୁନି ବ୍ରେକ୍‌: ଆଜି ଚିହ୍ନଟ ହେଲେ ୧୨,୮୫୨ ଆକ୍ରାନ୍ତ; ଖୋର୍ଦ୍ଧା-କଟକରୁ ସର୍ବାଧିକ

ଭୁବନେଶ୍ୱର,୨୩।୫(ବ୍ୟୁରୋ): ଲକ୍‌ଡାଉନ୍‌ ସତ୍ତ୍ୱେ ବେଲଗାମ ସ୍ଥିତିରେ କରୋନା। ଦୈନିକ ସଂକ୍ରମଣ ୧୦ ହଜାରରୁ କମିବାର ନା ନେଉନାହିଁ। ତେବେ ଗତ ୨୪ ଘଣ୍ଟା ମଧ୍ୟରେ ରାଜ୍ୟରେ...

ଖୋଳ ତାଳର ବାଜିଗର ନୟନ

ତେଲକୋଇ, ୧।୧୦(ଡି.ଏନ.ଏ.)-କଳା ସମର୍ପିତ ହୋଇଛନ୍ତି କଳାକାର ବାଜିଗର। ଅପହଞ୍ଚ ଅଞ୍ଚଳରେ ତାଙ୍କର ବେଶ ଆଦୃତ ତାଙ୍କ କଳାକୁ ନେଇ। ଛୋଟ ବୟସରୁ ଏହି କଳାକୁ ନେଇ...

‘ଶୃଙ୍ଖଳା, ତ୍ୟାଗ ସଫଳତାର ଚାବିକାଠି’

ଭୁବନେଶ୍ୱର, ୧।୫(ବ୍ୟୁରୋ): ଶୃଙ୍ଖଳା, ତ୍ୟାଗ ଓ ଉତ୍ସର୍ଗୀକୃତ ମନୋଭାବ ହିଁ ସଫଳତାର ଚାବିକାଠି। ଶ୍ରେଷ୍ଠ ପ୍ରଦର୍ଶନ ସହ ନିଜର ପ୍ରତିଭା ଓ ଦକ୍ଷତା ବିକାଶ ପାଇଁ...

ବିଗ୍‌ ବଜାରର ପବ୍ଲିକ ହଲିଡେ ସେଲ୍‌

ଭୁବନେଶ୍ୱର,୨୩।୧୨: ଦେଶର ପ୍ରମୁଖ ବ୍ୟବସାୟୀକ (ଓମିନ ଚେନ) ରିଟେଲର କମ୍ପାନୀ ବିଗ ବଜାର ପକ୍ଷରୁ ନିକଟରେ ଏକ ସ୍ବତନ୍ତ୍ର ସ୍କିମ ‘ପବ୍ଲିକ ହଲିଡେ ସେଲ’ ସମ୍ପର୍କରେ...

ପୂର୍ବତନ ଏମ୍‌ପି ନରେନ୍ଦ୍ର ସ୍ବାଇଁଙ୍କ ପରଲୋକ: ଶୋକ ପ୍ରକାଶ କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର,୭ା୯(ବ୍ୟୁରୋ): ପୂର୍ବତନ ରାଜ୍ୟସଭା ଏମ୍‌ପି ନରେନ୍ଦ୍ର ସ୍ବାଇଁଙ୍କ ସୋମବାର ପରଲୋକ ଘଟିଛି। ଚିକିତ୍ସାଧୀନ ଅବସ୍ଥାରେ ସେ ଶେଷ ନିଃଶ୍ୱାସ ତ୍ୟାଗ କରିଛନ୍ତି। ମୃତ୍ୟୁବେଳକୁ ତାଙ୍କୁ ୮୨...

Advertisement
Archives

Model This Week