ବନ୍ଦ କରିଦେଲେ ପ୍ରେସ୍‌ ବିଜ୍ଞପ୍ତି

ଭୁବନେଶ୍ବର,୧।୯(ବ୍ୟୁରୋ): ରାଜ୍ୟ ସରକାରଙ୍କ ପକ୍ଷରୁ ଆରମ୍ଭ ହୋଇଥିବା ମୋ ସ୍କୁଲ ଅଭିଯାନ ଏବେ ଯେଉଁ ସ୍ଥିତିରେ ପହଞ୍ଚିଛି ତାହାର ବାସ୍ତବ ଚିତ୍ର କେହି ଦେଖିପାରୁନାହାନ୍ତି। ୨୦୧୭ ନଭେମ୍ବର ୧୪ ଶିଶୁଦିବସ ଉପଲକ୍ଷେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦ୍ୱାରା ଆରମ୍ଭ କରାଯାଇଥିବା ଏହି ଅଭିଯାନ ପ୍ରଥମରୁ ବହୁଳମାତ୍ରାରେ ପ୍ରଚାର କରାଗଲା। ହେଲେ ଧୀରେ ଧୀରେ ଗତ କେତେଗୁଡ଼ିଏ ମାସ ହୋଇଗଲାଣି ଏହି ଅଭିଯାନ ଯେପରି ଲୁଚିଯିବା ଭଳି ମନେହେଉଛି। ଏହାର ଯାହା ମୂଳ ଲକ୍ଷ୍ୟ ଥିଲା ତା’ର ଦିଗ ପରିବର୍ତ୍ତନ ହୋଇ ବର୍ତ୍ତମାନ କେଉଁଆଡେ ଚାଲିଗଲାଣି ତାହା ମଧ୍ୟ ଏବେ ଆଲୋଚନା ହେଉନାହିଁ। ପ୍ରତ୍ୟେକ ଦିନ ଖବରକାଗଜ ଏବଂ ଟେଲିଭିଜନରେ କେତେ ଲୋକ ଏଥିରେ ଯୋଡ଼ିହେଲେ ଏବଂ କେତେଜଣ କେତେ ଅର୍ଥ ପ୍ରଦାନ କଲେ ସବୁର ଟିକିନିକି ତଥ୍ୟ ରାଜ୍ୟ ସରକାର ପ୍ରେସ୍‌ ବିଜ୍ଞପ୍ତି ଜରିଆରେ ପ୍ରେରଣ କରୁଥିଲେ। ହେଲେ ଏବେ ସେଭଳି ବିବୃତି ଦିଆଯାଉ ନାହିଁ। ହଠାତ୍‌ ସେସବୁଥିରୁ ସରକାର ଦୂରେଇ ଯିବା ପରି ମନେହେଉଛି। ଲାଗୁଛି ଯେପରି ସରକାରଙ୍କ ଏହି ଯୋଜନା ଏକପ୍ରକାର ବିଫଳ ହୋଇଯିବା କାରଣରୁ ସବୁକିଛି ବନ୍ଦ ହୋଇଯାଇଛି।

୨୦୧୭ ମସିହା ଶିଶୁଦିବସରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପରୀକ୍ଷାରେ ଭଲ ମାର୍କ ରଖିଥିବା ପିଲାଙ୍କୁ ଆର୍ଥିକ ପୁରସ୍କାର ପ୍ରଦାନ କରିବାକୁ ଘୋଷଣା କରିଥିଲେ। ଏହାସହ ସେ ମୋ ସ୍କୁଲ ଅଭିଯାନ କାର୍ଯ୍ୟକ୍ରମ ଘୋଷଣା କରି ବିଦ୍ୟାଳୟର ବିକାଶରେ ପୁରାତନ ଛାତ୍ରୀଛାତ୍ର ଏବଂ ଜନସାଧାରଣଙ୍କୁ ସାମିଲ କରିବା ଲାଗି କହିଥିଲେ। ଏହି କାର୍ଯ୍ୟକ୍ରମ ଜରିଆରେ ଯଦି କୌଣସି ବ୍ୟକ୍ତି ନିଜେ ପଢୁଥିବା ବିଦ୍ୟାଳୟର ବିକାଶ ପାଇଁ କିଛି ଅର୍ଥ ପ୍ରଦାନ କରୁଛନ୍ତି, ତେବେ ତାକୁ ସ୍ବୀକୃତି ଦେଇ ତାହାର ଦୁଇ ଗୁଣା ଅର୍ଥ ସରକାର ଦାନ କରିବେ ବୋଲି କହିଥିଲେ। ଏଥିଲାଗି ୧୦୦ କୋଟି ଟଙ୍କାର ଏକ କର୍ପସ ପାଣ୍ଠି ଗଠନ ମଧ୍ୟ ହୋଇଥିଲା। ହେଲେ ସରକାରଙ୍କ ୧୦୦ କୋଟିକୁ ମିଶାଇ ଦାନ ଆକାରରେ ମିଳିଥିବା ଅର୍ଥରାଶିର ବ୍ୟବହାର କିପରି ହେଲା ତାହା ବର୍ତ୍ତମାନ ଆଉ ଲୋକଙ୍କୁ ଜାଣିବାର କୌଣସି ବାଟ ନାହିଁ। ଏହି କାର୍ଯ୍ୟକ୍ରମକୁ ମୁଖ୍ୟମନ୍ତ୍ରୀଙ୍କ ଦ୍ୱାରା ଅତ୍ୟଧିକ ଗୁରୁତ୍ୱ
ଦିଆଯାଉଥିବାରୁ ଜଣେ ଅଣଅଧିକାରୀଙ୍କୁ ରାଷ୍ଟ୍ରପାହ୍ୟା ମନ୍ତ୍ରୀ ପଦ ପ୍ରଦାନ କରି ମୋ ସ୍କୁଲ କାର୍ଯ୍ୟକ୍ରମ ପରିଚାଳନାର ଦାୟିତ୍ୱ ଦିଆଯାଇଛି। ଏତେ ମାତ୍ରାରେ ଦାତାମାନେ ଅର୍ଥ ଲଗାଇଥିବା ବେଳେ ସରକାର ଏ ବାବଦରେ ସର୍ବସାଧାରଣରେ ତଥ୍ୟ ନ ରଖିଥିବା ବିଷୟ ସନ୍ଦେହ ସୃଷ୍ଟି କରୁଛି। କାରଣ ମୋ ସ୍କୁଲ ଅଭିଯାନରେ ସାମିଲ ହେବାକୁ ମୁଖ୍ୟମନ୍ତ୍ରୀ କହିବା ପରେ ବିଭିନ୍ନ ବିଭାଗରେ କାର୍ଯ୍ୟରତ ଥିବା ବହୁ ଏସ୍‌ଓ(ସେକ୍ସନ ଅଫିସର), ଏଏସ୍‌ଓ(ଆସିଷ୍ଟାଣ୍ଟ ସେକ୍ସନ ଅଫିସର) ମଧ୍ୟ ଅଛନ୍ତି। ତେଣୁ ସରକାରୀ କର୍ମଚାରୀମାନେ ଏହି ଯୋଜନାରେ ବ୍ୟବହୃତ ହୋଇଥିବା ଅର୍ଥ ସମ୍ପର୍କରେ ନ ଜାଣିପାରିବା ଯୋଗୁ ବହୁ ମାତ୍ରାରେ ପ୍ରତିକ୍ରିୟାଶୀଳ ରହୁଛନ୍ତି।

ଜଣେ ସରକାରୀ ଅଧିକାରୀଙ୍କ ତଥ୍ୟ ଅନୁଯାୟୀ, ରାଜ୍ୟରେ ମୋଟ ୩୫,୦୦୦ରୁ ଅଧିକ ବିଦ୍ୟାଳୟ ମୋ ସ୍କୁଲ ଅଭିଯାନ ଅଧୀନରେ ଯୋଡ଼ି ହୋଇଛି। ମୋଟ ୨୦ ଲକ୍ଷ ପୁରାତନ ଛାତ୍ର ସହାୟତାର ହାତ ବଢ଼ାଇଛନ୍ତି। ସେଥିମଧ୍ୟରୁ ୭ ଲକ୍ଷ ପୁରାତନ ଛାତ୍ରୀଛାତ୍ର ତାଙ୍କ ସ୍କୁଲ ପାଇଁ ଆର୍ଥିକ ସହାୟତା ପ୍ରଦାନ କରିଥିବା ବେଳେ ବାକି ୧୩ ଲକ୍ଷ ବିଭିନ୍ନ କାମ ନିଜେ ଦାୟିତ୍ୱ ନେଇ ତୁଲାଇଛନ୍ତି। ହେଲେ ଉକ୍ତ ୭ ଲକ୍ଷ ପୁରାତନ ଛାତ୍ରୀଛାତ୍ର କେତେ ଟଙ୍କା ପ୍ରଦାନ କରିଛନ୍ତି ତାହାର କୌଣସି ତଥ୍ୟ ବାହାରକୁ ଦିଆଯାଉ ନାହିଁ। ଅନ୍ୟପଟେ ବିଭିନ୍ନ ପ୍ରକାର ମରାମତି କାର୍ଯ୍ୟ କରିଥିବା ପୁରାତନ ଛାତ୍ରୀଛାତ୍ର ଏଥିରୁ କେତେ ବକେୟା ଅର୍ଥ ଖର୍ଚ୍ଚ କରିଛନ୍ତି ତାହାର ମଧ୍ୟ ବିସ୍ତୃତ ତଥ୍ୟ ସରକାର ଏ ପର୍ଯ୍ୟନ୍ତ ପ୍ରଦାନ କରିନାହାନ୍ତି। ସରକାର ଗଠନ କରିଥିବା କର୍ପସ ପାଣ୍ଠିରୁ କେତେ ଅର୍ଥ ଖର୍ଚ୍ଚ କରାଗଲାଣି ଏବଂ ଏ ପର୍ଯ୍ୟନ୍ତ କେତେ ରହିଛି ସେନେଇ ତଥ୍ୟ ଜାଣିବାକୁ ଚାହିଁିଲେ ମଧ୍ୟ ସରକାରଙ୍କ ପକ୍ଷରୁ ଜାଣିଶୁଣି ବାହାରକୁ କିଛି ଛଡାଯାଉନାହିଁ। ତେବେ ଆଗରୁ କେତେଜଣ ଏହି ଅଭିଯାନରେ ସାମିଲ ହେଲେ ନ ହେଲେ ସେକଥା ସରକାର ଜଣାଉଥିବା ବେଳେ ଏବେ ସେତକ ବି ତଥ୍ୟ ରଖାଯାଉନି।


Enter your email to get our daily news in your inbox.

All Right Reserved By Dharitri.Com

ଏନ୍‌ଟିଏସ୍‌, ଏନ୍‌ଏମ୍‌ଏମ୍‌ଏସ୍‌ ପରୀକ୍ଷା ପାଇଁ ଆବେଦନ ଅବଧି ବୃଦ୍ଧି

ଭୁବନେଶ୍ୱର,୨୯। ୧୦ (ବ୍ୟୁରୋ): ୨୦୨୦-୨୦୨୧ର ନ୍ୟାଶନାଲ ଟ୍ୟାଲେଣ୍ଟ ସର୍ଚ୍ଚ (ଏନ୍‌ଟିଏସ୍‌) ଓ ନ୍ୟାଶନାଲ ମିନ୍ସ କମ୍‌ ମେରିଟ୍‌ ସ୍କଲାରସିପ୍‌ (ଏନ୍‌ଏମ୍‌ଏମ୍‌ଏସ୍‌) ପରୀକ୍ଷା ପାଇଁ ଫର୍ମ ପୂରଣ ଅବଧି...

ପୂର୍ଣ୍ଣାଙ୍ଗ ହେଉନି ପାନୀୟ ଜଳ ପ୍ରକଳ୍ପ

ଖଇରା, ୧୬।୭(ଡି.ଏନ.ଏ.) ବାଲେଶ୍ୱର ଜିଲା ଖଇରା ବ୍ଲକ ଶ୍ୟାମସୁନ୍ଦରପୁର ପଞ୍ଚାୟତ ଅଧୀନ ଶହୀଦ ନଗର ଗ୍ରାମବାସୀଙ୍କୁ ପାଣି ଯୋଗାଇବାକୁ ନିର୍ମାଣାଧୀନ ସୋଲାର ପମ୍ପ୍‌ ହାଉସ ଏବେ...

ପୁରୀ ଜିଲାପାଳଙ୍କ କାର୍ଯ୍ୟାଳୟ ସ୍ଥାନାନ୍ତର ପ୍ରସଙ୍ଗ: ଓକିଲ ସଂଘର ବିରୋଧ, ଆନ୍ଦୋଳନ ଚେତାବନୀ

ପୁରୀ ଅଫିସ, ୨୨ା୮: ପୁରୀ ଜିଲାପାଳଙ୍କ କାର୍ଯ୍ୟାଳୟ ସ୍ଥାନାନ୍ତର ନିଷ୍ପତ୍ତିକୁ ବିଭିନ୍ନ ମହଲରେ ବିରୋଧ କରାଯାଇଛି। ଏହି ନିଷ୍ପତ୍ତି କାର୍ଯ୍ୟକାରୀ ହେଲେ ସାଧାରଣ ଜନତା ଅସୁବିଧାର...

ନାହିଁ ନାହିଁରେ ଯୁଗପୁରା ପାସେଞ୍ଜର୍‌ ହଲ୍ଟ

ବୈଶିିଙ୍ଗା,୧୦।୮(ଡି.ଏନ.ଏ.)-ପୂର୍ବତଟ ରେଳପଥ ଅଧୀନ ରୂପ୍‌ସା- ବାଙ୍ଗିରିପୋଷୀ ରେଳପଥର ବୈଶିଙ୍ଗା ନିକଟସ୍ଥ ସର୍ବ ପୁରାତନ ଯୁଗପୁରା ପାସେଞ୍ଜର୍‌ ହଲ୍ଟ ଅଦ୍ୟାବଧି ଷ୍ଟେଶନର ମାନ୍ୟତା ପାଇପାରିନାହିଁ। ଏଠାରେ ପ୍ଲାଟ୍‌ଫର୍ମ...

ଆଜିଠୁ କାର୍ତ୍ତିକ ବ୍ରତ: ମହାପ୍ରସାଦ ପାଇଁ ସ୍ବତନ୍ତ୍ର ବ୍ୟବସ୍ଥା

ପୁରୀ ଅଫିସ,୧ା୧୧: ରବିବାରଠାରୁ କାର୍ତ୍ତିକ ମାସ ଆରମ୍ଭ ହେଉଛି। ପ୍ରତିବର୍ଷ କାର୍ତ୍ତିକ ମାସରେ ବହୁ ସଂଖ୍ୟାରେ ହବିଷିଆଳି ପୁରୀ ଆସି ମାସାଧିକ କାଳ ରହି କାର୍ତ୍ତିକ...

ଭକ୍ତ, ସେବାୟତଙ୍କ ମନରେ କ୍ଷୋଭ: ରଥଯାତ୍ରା ହେବା ଦାବିରେ ଆଜି ୬ଘଣ୍ଟିଆ ପୁରୀ ବନ୍ଦ

ପୁରୀ ଅଫିସ,୧୯ା୬: ଜୁନ୍‌ ୨୩ରେ ରଥଯାତ୍ରା। ଏହାକୁ ଦୃଷ୍ଟିରେ ରଖି ସମସ୍ତ ପ୍ରସ୍ତୁତି ଚାଲିଥିଲା। କରୋନା କଟକଣା ତଥା ଲକ୍‌ଡାଉନ ପାଇଁ ବିଳମ୍ବରେ ରଥ ନିର୍ମାଣ...

ସତ୍ୟ ଜାଣିବାର ଶକ୍ତି ରାଧାନାଥଙ୍କର ଥିଲା: ତଥାଗତ

କଟକ ଅଫିସ, ୭।୧୨: କେଉଁଟା ସତ କେଉଁଟା ମିଛ ତାହା ଜାଣିବାର ଶକ୍ତି ରାଧାନାଥ ରଥଙ୍କ ପାଖରେ ଥିଲା। ସେ ଜଣେ ବ୍ୟକ୍ତି ନ ଥିଲେ,...

ରଘୁନାଥପାଲି ବିଧାନସଭାରେ ବିଜେଡି ଆଗୁଆ

ରାଉରକେଲା,୨୩।୫: ରଘୁନାଥପାଲି ବିଧାନସଭା ଆସନରେ ବିଜେଡି ପ୍ରାର୍ଥୀ କିଶୋର ତରାଇ ଆଗରେ ଅଛନ୍ତି। କିଶୋର ୧୧୪୬୨ ଭୋଟ ପାଇଥିବାବେଳେ ତାଙ୍କ ନିକଟତମ ପ୍ରତିଦ୍ୱନ୍ଦ୍ୱୀ ଭାଜପାର ଜଗବନ୍ଧୁ...

Advertisement
Archives

Model This Week