ବେଜିଂ,୨୫।୩: ଚାଇନାରେ ଗତ ସୋମବାର ଘଟିଥିବା ବୋଇଂ ୭୩୭-୮୦୦ ଯାତ୍ରୀବାହି ବିମାନ ଦୁର୍ଘଟଣା ପଛର କାରଣ ଜାଣିବା ପାଇଁ ବିଶେଷଜ୍ଞମାନେ ତଦନ୍ତ ଚଲାଇଛନ୍ତି। ଏହା ମଧ୍ୟରେ ବିମାନର ଏକ ପାର୍ଟ ମିଳିଛି, ଯାହାକି ପାହାଡ଼ରେ ମାଡ଼ ହେବା ପୂର୍ବରୁ ଅଲଗା ହୋଇଯାଇଥିବା ମନେ ହେଉଛି।
ସନ୍ଦିଗ୍ଧ ବିମାନ ଭଗ୍ନାଂଶ ଚାଇନା ଇଷ୍ଟର୍ନ ଏୟାରଲାଇନ୍ସ କର୍ପ ଲିମିଟେଡ୍ର ବୋଲି ଜଣାପଡ଼ିଛି। ମୁଖ୍ୟ ଦୁର୍ଘଟଣାସ୍ଥଳଠାରୁ ଏହା ୧୦ କିଲୋମିଟର ଦୂରରେ ମିଳିଥିବା ଚାଇନିଜ ଅଧିକାରୀ କହିଛନ୍ତି। କିନ୍ତୁ ଉକ୍ତ ପାର୍ଟ ଦୁର୍ଘଟଣାଗ୍ରସ୍ତ ବିମାନର ଅଂଶ କି ନୁହେଁ ତାହା ସ୍ପଷ୍ଟ ହୋଇନାହିଁ। ଯଦି ଏହି ପାର୍ଟ ଦୁର୍ଘଟଣାଗ୍ରସ୍ତ ବିମାନ ଅଂଶ, ତେବେ ବିମାନ ଉଡୁଥିବା ବେଳେ ସେଥିରେ ଫାଟ ସୃଷ୍ଟି ହୋଇଥିଲା ବୋଲି ତଦନ୍ତରୁ ସ୍ପଷ୍ଟ ହେବ। ଆଉ ଏହି କାରଣରୁ ହିଁ ୨୯ହଜାର ଫିଟ୍ ଉପରେ ଉଡୁଥିବା ବିମାନ ସୁପରସୋନିକ୍ ବେଗରେ ତଳକୁ ଖସି ପଡ଼ିଥିଲା।
“ସବୁଠୁ ବଡ଼ ପ୍ରଶ୍ନ ହେଉଛି ଏହା ବିମାନର କେଉଁ ଅଂଶ ଏବଂ ଏହା କେତେବେଳେ ଆସିଲା ?“ ବୋଲି ୟୁଏସ୍ ଫେଡେରାଲ ଆଭିଏଶନ ଆଡମିନିଷ୍ଟ୍ରେଶନର ପୂର୍ବତନ ଦୁର୍ଘଟଣାଗ୍ରସ୍ତ ବିମାନ ତଦନ୍ତକାରୀ ଅଧିକାରୀ ଜେଫ ଗୁଜେଟି କହିଛନ୍ତି।
