ବେଜିଂ,୩ ।୫: ନୂଆବର୍ଷ ଅବସରରେ ଚାଇନା ଯଦିଓ ଭାରତୀୟ ସେନା ସହ ମିଠାଇ ଆଦାନ ପ୍ରଦାନ କରିଛି, ହେଲେ ଡ୍ରାଗନ ତା’ର ପୂର୍ବ ପ୍ରକୃତି ଛାଡି ପାରୁ ନାହିଁ । ମିଳଥିବା ସୂଚନା ଅନୁଯାୟୀ, ପୂର୍ବ ଲଦ୍ଦାଖରେ ପ୍ୟାଙ୍ଗଙ୍ଗ ହ୍ରଦରେ ଚାଇନାର ପିଏଲଏ ସେନା ଏକ ପୋଲ ନିର୍ମାଣ କରୁଛି । ଓପନ ସୋର୍ସ ସାଟେଲାଇଟ ଇମେଜରୁ ଏହି ବ୍ରିଜ ନିର୍ମାଣ ହେଉଥିବା ଜଣାପଡିଛି । ଓପନ ସୋର୍ସ ସାଟେଲାଇଟ, ‘ଇଣ୍ଟେଲ ଲ୍ୟାବ’ ଅନୁଯାୟୀ, ଚାଇନା ପ୍ୟାଙ୍ଗଙ୍ଗ ଲେକ ଉପରେ ଏହି ପୋଲ ନିର୍ମାଣ କରୁଛି । ଏହାଦ୍ୱାରା ଚାଇନାର ସେନା ହ୍ରଦ ଉତ୍ତର ପଟ ଓ ଦକ୍ଷିଣ ପଟକୁ ଆରାମରେ ଯା’ଆସ କରିପାରିବେ । ଇଣ୍ଟେଲ ଲ୍ୟାବରେ ପୋଲର ସାଟେଲାଇଟ ଚିତ୍ର ଜାରି କରାଯାଇଛି ।
