ଭୁବନେଶର,୧୨।୪(ବ୍ୟୁରୋ) : ରାଜ୍ୟର ଆକାଂକ୍ଷୀ ଜିଲା ଗୁଡିକର ସ୍ଥିତି ପରଖିବେ କେନ୍ଦ୍ର ସରକାର। ତେବେ ଆକାଂକ୍ଷୀ ଜିଲାରେ ଉନ୍ନୟନମୂଳକ କାମ ଓ କେନ୍ଦ୍ରୀୟ ଅନୁଦାନର କାର୍ଯ୍ୟକାରିତାକୁ କେନ୍ଦ୍ରମନ୍ତ୍ରୀ ସମୀକ୍ଷା କରିବେ ବୋଲି ଜଣାପଡିଛି। ଆସନ୍ତା ୨୦ ତାରିଖ ସୁଦ୍ଧା ଓଡ଼ିଶାର ୧୦ ଆକାଂକ୍ଷୀ ଜିଲା ଗସ୍ତ କରିବେ ୧୦ କେନ୍ଦ୍ର ମନ୍ତ୍ରୀ । ଗସ୍ତ ସମୟରେ ମନ୍ତ୍ରୀମାନେ ବିଭିନ୍ନ କାର୍ଯ୍ୟକ୍ରମର ସମୀକ୍ଷା କରି ଏହାର ରିପୋର୍ଟ କେନ୍ଦ୍ର ସରକାରଙ୍କୁ ପ୍ରଦାନ କରିବେ।
ସୂଚନାନୁଯାୟୀ, କେନ୍ଦ୍ରମନ୍ତ୍ରୀ ସଞ୍ଜୟ ବାଲିଆନ ମଙ୍ଗଳବାର କୋରାପୁଟରେ ଗସ୍ତରେ ଥିବାବେଳେ ୧୩ ଓ ୧୪ ତାରିଖରେ ଧର୍ମେନ୍ଦ୍ର ପ୍ରଧାନ ଢେଙ୍କାନାଳ ଜିଲା ଗସ୍ତ କରିବାର ସୂଚନା ରହିଛି । ପରେ ପରେ ଅଶିନୀ ବୈଷ୍ଣବ ମାଲକାନଗିରି ଜିଲା ଗସ୍ତ କରିବେ। ସେହିପରି ଅର୍ଜୁନ ମୁଣ୍ଡା କଳାହାଣ୍ଡି, ସାଧୀ ନିରଞ୍ଜନ ଜ୍ୟୋତି ବଲାଙ୍ଗୀର, ପ୍ରହଲ୍ଲାଦ ସିଂ ପଟେଲ ଗଜପତି, ଏସ.ପି ବଗେଲ ନୂଆପଡା, ଶୋଭାକରନ ନବରଙ୍ଗପୁର, ସୋନି ପ୍ରକାଶ ରାୟଗଡା, ସୁବାଷ ସରକାର କନ୍ଧମାଳ ଗସ୍ତ କରି ସମୀକ୍ଷା କରିବେ।
