ଛତ୍ରପୁର,୪।୭(ସନ୍ତୋଷ ପାଢ଼ୀ ): ଧରିତ୍ରୀ ଖବରକାଗଜର ୫୦ ବର୍ଷ ପାଳନ ଅବସରରେ ଗଞ୍ଜାମ ଜିଲା ବ୍ରହ୍ମପୁରସ୍ଥିତ ଖଲିକୋଟ ଏକକ ବିଶ୍ୱବିଦ୍ୟାଳୟ ପରିସରରେ ଛାତ୍ରୀଛାତ୍ର ମାନଙ୍କ ମଧ୍ୟରେ ବକୃତା ପ୍ରତିଯୋଗିତା ମଙ୍ଗଳବାର ଆୟୋଜନ କରାଯାଇଥିଲା। ଗଣମାଧ୍ୟମ, ଗଣତନ୍ତ୍ର ଓ ଯୁବପିଢୀ ବିଷୟ ଉପରେ ଅନୁଷ୍ଠିତ ଉକ୍ତ ପ୍ରତିଯୋଗୀତାରେ ବିଶବିଦ୍ୟାଳୟର ବହୁ ଛାତ୍ରୀଛାତ୍ର ଅଂଶ ଗ୍ରହଣ କରିଥିଲେ। ଏହି ପ୍ରତିଯୋଗିତାକୁ ବିଶବିଦ୍ୟାଳୟ ପିଜି କାଉନସିଲ ଚେୟାରମ୍ୟାନ ଡକ୍ଟର ଇଲା ରାଣୀ ପଟ୍ଟନାୟକ ଶୁଭାରମ୍ଭ କରିବା ସହ ଧରିତ୍ରୀର ପ୍ରଶଂସା କରିଥିଲେ । ଡେପୁଟି ନିୟୁଜ ଏଡିଟର ଲାଲା ସୁନୀଲ କୁମାର ରଥ ଏଥିରେ ଯୋଗଦେଇ ଧରିତ୍ରୀ ସମ୍ପର୍କରେ ସୂଚନା ଦେଇ ୫୦ ବର୍ଷ ପାଳନର ଆଭିମୁଖ୍ୟ ସମ୍ପର୍କରେ କହିଥିଲେ। ଉକ୍ତ ପ୍ରତିଯୋଗିତାରେ ପ୍ରଥମ ଭାବେ ଶ୍ରୀମନ୍ତ ବେହେରା, ଦ୍ୱିତୀୟ ଯୁଗ୍ମ ଭାବେ ସିଏଚ୍ ମାନଭି ଓ ଅନମୋଲ ଆଚାର୍ଯ୍ୟ, ତୃତୀୟ ଭାବେ ଶ୍ରୀତମ କୁମାର ଜେନାଙ୍କୁ ଚୟନ କରାଯାଇଥିଲା। ଏହି ପ୍ରତିଯୋଗିତାରେ ବିଚାରକ ଭାବେ ଅବସରପ୍ରାପ୍ତ ପ୍ରଫେସର ଡକ୍ଟର ଲମ୍ବୋଦର ପାଣିଗ୍ରାହୀ, ଖଲିକୋଟ ଏକକ ବିଶ୍ୱବିଦ୍ୟାଳୟର ଓଡ଼ିଆ ବିଭାଗର ମୁଖ୍ୟ ଡକ୍ଟର ବିଦୂତ ପ୍ରଭା ସାହୁ ଯୋଗଦେଇଥିଲେ। ବ୍ରହ୍ମପୁର ସଂସ୍କରଣ ଡେସ୍କ ମୁଖ୍ୟ ସରୋଜ ପଟ୍ଟନାୟକ, ବରିଷ୍ଠ ଖବରଦାତା ନରସିଂହ ସାହୁ, ଖବରଦାତା ସ୍ମୃତି ରଞ୍ଜନ ମହାଲିକ, ଗଞ୍ଜାମ ଜିଲା ପ୍ରତିନିଧି ସନ୍ତୋଷ କୁମାର ପାଢ଼ୀ, ପ୍ରସାରଣ ବିଭାଗର ମ୍ୟାନେଜର ମଳୟ କୁମାର ସାହୁ, ଖବରଦାତା ସୁବାସ ପାଢ଼ୀ, ତନୁଶ୍ରୀ ନାହାକ, ଖବରଦାତା ବିଦ୍ୟାଧର ସାହୁ, ବ୍ରହ୍ମପୁର ଫଟୋଗ୍ରାଫର ସମୀର କୁମାର ରଥ ପ୍ରମୁଖ ଉପସ୍ଥିତଥିଲେ।
