ନୂଆଦିଲ୍ଲୀ,୧୭।୨: କୃଷକ ଆନ୍ଦୋଳନ ପୁଣି ଥରେ ଆରମ୍ଭ ହୋଇଛି। ଯେଉଁଥିପାଇଁ ସବୁ ସ୍ଥାନରେ ସୁରକ୍ଷା ବ୍ୟବସ୍ଥାକୁ ପୋଲିସ କଡାକଡି କରିଛି। କୃଷକମାନଙ୍କର ଦିଲ୍ଲୀ ଅଭିମୁଖେ ଯାତ୍ରାକୁ ଦୃଷ୍ଟିରେ ରଖି ପୋଲିସ ରାଜଧାନୀ ଦିଲ୍ଲୀ ସହିତ ସୀମାକୁ ସିଲ କରିଛି। କିନ୍ତୁ ସେପଟେ, କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡର ଦଶମ ଏବଂ ଦ୍ୱାଦଶ ଶ୍ରେଣୀ ପରୀକ୍ଷାର ସ୍ଥଗିତାଦେଶ ବିଷୟରେ ସୂଚନା ଅତି ଦ୍ରୁତ ଗତିରେ ବ୍ୟାପିବାରେ ଲାଗିଛି। ଯାହାକୁ ନେଇ ବୋର୍ଡ ସ୍ପଷ୍ଟ କରିଛି ଯେ ସେପରି କିଛି ନାହିଁ। ପରୀକ୍ଷା ନିର୍ଦ୍ଧାରିତ ସମୟରେ ଅନୁଷ୍ଠିତ ହେବ।
କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ କହିଛି, କୌଣସି ପରୀକ୍ଷା ସ୍ଥଗିତ ରଖାଯାଇ ନାହିଁ। ସୋସିଆଲ ମିଡିଆରେ ଏକ ବିଜ୍ଞପ୍ତି ଭାଇରାଲ ହେଉଛି ଯାହା ନକଲି ଏବଂ ଦ୍ୱନ୍ଦ୍ୱ ସୃଷ୍ଟି କରୁଛି। ବୋର୍ଡ ଛାତ୍ର ଏବଂ ସେମାନଙ୍କ ପିତାମାତାଙ୍କୁ ଏପରି ନୋଟିସ ଉପରେ ବିଶ୍ୱାସ ନ କରିବାକୁ ନିବେଦନ କରିଛି।
#CBSE FACT CHECK!
Beware! The following letter under circulation is FAKE and misleading. The board has not taken any such decision. pic.twitter.com/30CKR3VffO— CBSE HQ (@cbseindia29) February 16, 2024
