ତ୍ରିଶୁର, ୪।୧୧ (ପି.ଟି.): କେନ୍ଦ୍ର ପେଟ୍ରୋଲିୟମ, ପ୍ରାକୃତିକ ଗ୍ୟାସ୍ ଏବଂ ପର୍ଯ୍ୟଟନ ରାଷ୍ଟ୍ର ମନ୍ତ୍ରୀ ସୁରେଶ ଗୋପୀଙ୍କ ପାଇଁ ଅଡ଼ୁଆ ବଢ଼ିଛି। ଆମ୍ବୁଲାନ୍ସର ଦୁରୁପଯୋଗ କରୁଥିବା ଅଭିଯୋଗରେ କେରଳ ପୋଲିସ ତାଙ୍କ ବିରୋଧରେ ରବିବାର ଏଫ୍ଆଇଆର୍ ରୁଜୁ କରିଛି। ଭାରତୀୟ କମ୍ୟୁନିଷ୍ଟ ପାର୍ଟି(ସିପିଆଇ)ର ଜିଲାସ୍ତରୀୟ ନେତା ସୁମେଶ କେପିଙ୍କ ଅଭିଯୋଗ ଆଧାରରେ ଆଇପିସିର ଧାରା ୨୭୯ ଏବଂ ମୋଟର ଭେଇକିଲ ଆକ୍ଟର ଧାରା ୧୭୯, ୨୮୮, ୧୯୨ ଅନୁଯାୟୀ, ତ୍ରିଶୁର ଇଷ୍ଟ ପୋଲିସ ଏହି ମାମଲା ରୁଜୁ କରିଛି। ସୁମେଶଙ୍କ ଅଭିଯୋଗ ଅନୁଯାୟୀ, ଗତ ଏପ୍ରିଲରେ ତ୍ରିଶୁର ପୁରମମ ଉତ୍ସବ ଚାଲିଥିବାବେଳେ ଗୋପୀ ଆମ୍ବୁଲାନ୍ସରେ ଯାତ୍ରା କରି ଏହାର ଅପବ୍ୟବହାର କରିଥିଲେ।
