ଚାନ୍ଦବାଲି,୩।୧୧(ଡି.ଏନ୍.ଏ.): ଭଦ୍ରକ-ଚାନ୍ଦବାଲି ମୁଖ୍ୟ ରାସ୍ତା ଚନ୍ଦନପୁର ଛକ ନିକଟରେ ଏକ ସଡକ ଦୁର୍ଘଟଣା ଘଟିଛି l ଏହି ଦୁର୍ଘଟଣାରେ ବାଇକ ଆରୋହୀଜଣଙ୍କ ଗୁରୁତର ହୋଇଥିବା ଜଣାପଡିଛି। ସେ ହେଲେ ବିଶ୍ରାମପୁର ଗ୍ରାମର ବିକାଶ ପରିଡ଼ା।
ଚାନ୍ଦବାଲିରୁ ମତୋ ଅଭିମୁଖେ ଯାଉଥିବା ଏକ କାର ସହିତ ମତୋରୁ ଚାନ୍ଦବାଲି ଆସୁଥିବା ଏକ ବାଇକ ସହିତ ଚନ୍ଦନପୁର ଛକ ନିକଟରେ ମୁହାଁମୁହିଁ ଧକ୍କା ହୋଇଥିଲା ଯାହା ଫଳରେ ବାଇକ ଆରୋହୀଜଣକ ଗୁରୁତର ହୋଇଯାଇଥିଲେ। ଗୁରୁତର ଅବସ୍ଥାରେ ସ୍ଥାନୀୟ ଲୋକେ ଯୁବକ ଜଣଙ୍କୁ ଚାନ୍ଦବାଲି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ। କିନ୍ତୁ ଅବସ୍ଥା ଗୁରୁତର ହେବାରୁ ତାଙ୍କୁ କଟକ ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି। ଅପରପକ୍ଷେ ବାଇକକୁ ଧକ୍କା ଦେଇଥିବା କାର ଚାଳକ ସହିତ କାରରେ ଥିବା ୩ ଜଣ ଯୁବକ ଗାଡିକୁ ଛାଡି ଫେରାର ହୋଇଯାଇବା ଜଣାପଡିଛି। ତେବେ ଘଟଣାସ୍ଥଳରେ ଚାନ୍ଦବାଲି ପୋଲିସ ପହଞ୍ଚି କାରକୁ ଜବତ କରି ଅଧିକ ତଦନ୍ତ କରୁଛି ।
