ନୂଆଦିଲ୍ଲୀ,୧୫।୧: ଭାରତ ଏବଂ ମାଲଦ୍ୱୀପ ମଧ୍ୟରେ ବିବାଦ ପରେ ବହୁ ସଂଖ୍ୟକ ଭାରତୀୟ ପର୍ଯ୍ୟଟକ ମଧ୍ୟ ଲାକ୍ଷାଦ୍ୱୀପ ଯାତ୍ରା ପ୍ରତି ଆକର୍ଷିତ ହୋଇଥିଲେ। ଗୋଟିଏ ପଟେ ସୋସିଆଲ ମିଡିଆ ପ୍ଲାଟଫର୍ମରେ ‘ଚାଲୋ ଲାକ୍ଷାଦୀପ’ ଟ୍ରେଣ୍ଡ ହୋଇଥିଲା ଏବଂ ଅନେକ ଲୋକ ମଧ୍ୟ ଏହାକୁ ସମର୍ଥନ କରିଥିଲେ। ଅନ୍ୟପକ୍ଷରେ ଲାକ୍ଷାଦ୍ୱୀପ ସାଂସଦ ମହମ୍ମଦ ଫୈଜଲ ଦାବି କରିଛନ୍ତି ଯେ ଯଦି ଲାକ୍ଷାଦ୍ୱୀପକୁ ଅଧିକ ପର୍ଯ୍ୟଟକ ଆସନ୍ତି ତେବେ ଅସୁବିଧା ହେବ। ଏହା ପଛରେ କିଛି କାରଣ ମଧ୍ୟ ସେ ଗଣନା କରିଛନ୍ତି।
ଇଂରାଜୀ ନ୍ୟୁଜ ଚ୍ୟାନେଲ ‘ଏନଡିଟିଭି’ ରିପୋର୍ଟ କରିଛି ଯେ ସାଂସଦ ଫୈଜଲ କହିଛନ୍ତି ଯେ ବହୁ ସଂଖ୍ୟାରେ ପର୍ଯ୍ୟଟକଙ୍କୁ ପରିଚାଳନା କରିବା ପାଇଁ ଲାକ୍ଷାଦ୍ୱୀପର କ୍ଷମତା ନାହିଁ। ସେ କହିଛନ୍ତି ଯେ ବର୍ତ୍ତମାନ ଲାକ୍ଷାଦ୍ୱୀପ ହୋଟେଲ ସଂଖ୍ୟା ବହୁତ କମ ଅଟେ। ଏହା ବ୍ୟତୀତ ସିଧାସଳଖ ବିମାନ ଉଡ଼ାଣର ବହୁତ ଅଭାବ ରହିଛି। ଯଦିଓ ଏହି ପ୍ରତିବନ୍ଧକଗୁଡିକ ହଟାଯାଏ, ଦ୍ୱୀପର ଦୁର୍ବଳ ଇକୋସିଷ୍ଟମକୁ ବିଚାର କରି ପର୍ଯ୍ୟଟକଙ୍କ ସଂଖ୍ୟାକୁ ନିୟନ୍ତ୍ରଣ କରିବାକୁ ପଡିବ।
