କୋରାପୁଟ,୮ା୮(ସ୍ବ.ପ୍ର.): ଗଞ୍ଜେଇ ଚୋରାଚାଲାଣ କରିବା ଲାଗି ଚାଲାଣକାରୀମାନେ ଭିନ୍ନଭିନ୍ନ ତରିକା ଆପଣାଉଛନ୍ତି। କେତେବେଳେ ମୁଢିବସ୍ତା ଭିତରେ ତ କେବେ ଅଦା, ପଣସ ଅଖା ଭିତରେ ଗଞ୍ଜେଇ ଚାଲାଣ କରୁଥିବା ନଜିର ରହିଛି। ବର୍ତ୍ତମାନ ଚାଲାଣକାରୀମାନେ ଗଞ୍ଜେଇ ଚାଲାଣ ପାଇଁ ଏକ ନୂଆ କୌଶଳ ବାହାର କରିଛନ୍ତି। ଆଲମାରି କିଣି ତା’ ଭିତରେ ଗଞ୍ଜେଇ ଚାଲାଣ କରୁଥିବା ବେଳେ ରବିବାର ପୋଲିସ ହାତରେ ଧରାପଡିଛନ୍ତି। ଏପରି ଏକ ଘଟଣା ଦେଖିବାକୁ ମିଳିଛି କୋରାପୁଟ ଜିଲାରେ। ଜିଲାର ଲମତାପୁଟ ପୋଲିସ ଏକ ଟ୍ରକରୁ ୯ କୁଇଣ୍ଟାଲ ଗଞ୍ଜେଇ ଜବତ କରିଛି। ଘଟଣାରେ ସମ୍ପୃକ୍ତ ୨ ଜଣକୁ ପୋଲିସ ଗିରଫ କରିଛି। ସେମାନେ ହେଲେ ଉତ୍ତର ପ୍ରଦେଶ ଆଲିଗଡ ଅଞ୍ଚଳର ଯଶୱନ୍ତ ସିଂ ଓ ଆଗ୍ରା ଅଞ୍ଚଳର ହରେନ୍ଦ୍ର ସିଂ । ଜବତ ଗଞ୍ଜେଇର ବଜାର ମୂଲ୍ୟ ୯୦ ଲକ୍ଷ ଟଙ୍କା ହେବ ବୋଲି ପୋଲିସ କହିଛି।
ମିଳିଥିବା ସୂଚନା ମୁତାବକ, ରବିବାର ଏକ ଆଲମାରି ବୋଝେଇ ଟ୍ରକ(ୟୁପି୮୦ସିପି-୬୦୭୪)ରେ ଗଞ୍ଜେଇ ଚୋରାଚାଲାଣ ହେଉଥିବ ସୂଚନା ପାଇ ଏସ୍ପି ବରୁଣ ଗୁଣ୍ଟୁପାଲି ଯାଞ୍ଚ ପାଇଁ ନିର୍ଦ୍ଦେଶ ଦେଇଥିଲେ। ନନ୍ଦପୁର ଏସ୍ଡିପିଓଙ୍କ ନେତୃତ୍ୱରେ ସ୍ଥାନୀୟ ଚାଙ୍ଗୁଡିପଡା ଛକ ନିକଟରେ ଲମତାପୁଟ ପୋଲିସ ପାଟ୍ରୋଲିଂ କରୁଥିବା ବେଳେ ପାଡୁଆ ଅଞ୍ଚଳରୁ ଏକ ଟ୍ରକ ଦ୍ରୁତଗତିରେ ଆସୁଥିବା ଦେଖି କର୍ମଚାରୀମାନେ ଟ୍ରକକୁ ଅଟକାଇ ଯାଞ୍ଚ କରିଥିଲେ। ଫଳରେ ୮ଟି ଆଲମାରି ଭିତରୁ ଛୋଟ ଛୋଟ ପ୍ୟାକେଟରେ ରଖାଯାଇଥିବା ଉପରୋକ୍ତ ପରିମାଣର ଗଞ୍ଜେଇ ମିଳିଥିଲା। ଅଭିଯୁକ୍ତଙ୍କୁ ପଚରାଉଚୁରା ବେଳେ ସେମାନେ ଗଞ୍ଜେଇ ଚାଲାଣ ଲାଗି ଆନ୍ଧ୍ରର ବିଜୟନଗରମ ଅଞ୍ଚଳରୁ ୮ଟି ଆଲମାରି କିଣିଥିବା ପୋଲିସ ନିକଟରେ ପ୍ରକାଶ କରିଛନ୍ତି। ପୋଲିସ ଏକ ମାମଲା( ନଂ.୬୧/୨୧) ରୁଜୁ କରି
