ନକଲି ଚାଷୀଙ୍କଠାରୁ ଧାନକିଣା

ନୟାଗଡ଼ ଅଫିସ,୫।୨: ନୟାଗଡ଼ ଜିଲାର ବିଭିନ୍ନ ଧାନମଣ୍ଡିରେ ନକଲି ଚାଷୀ ଧାନ ବିକ୍ରି କରୁଛନ୍ତି। ଏଭଳି ଅଭିଯୋଗ ବହୁ ପୁରୁଣା ହୋଇଥିଲେ ହେଁ ପ୍ରଶାସନର ଲଗାମ ନାହିଁ। ସେଥିପାଇଁ ପ୍ରତିବର୍ଷ ଏପରି ଚାଷୀଙ୍କ ସଂଖ୍ୟା ବଢ଼ିବାରେ ଲାଗିଛି। ପ୍ରକୃତ ଚାଷୀଙ୍କ ଟାର୍ଗେଟ ପୂରଣ ହେଉ ନ ଥିଲା ବେଳେ ନକଲି ଚାଷୀ ଅତି ସହଜରେ ଫାଇଦା ଉଠାଉଥିବା ଅଭିଯୋଗ ହୋଇଛି।
୨୦୨୦-୨୧ ଖରିଫ ଋତୁରେ ଜିଲାର ଓଡ଼ଗାଁ  ବ୍ଲକ କଜଳାଇପଲ୍ଲୀ ଓ ଗୋଲଗାଁ  ପ୍ରାଥମିକ କୃଷି ସମବାୟ ସମିତିରେ ଖୋଲିଥିବା ଧାନମଣ୍ଡିରେ ଏପରି ଅନିୟମିତତାର ପ୍ରମାଣ ମିଳିଛି। ତଦନ୍ତ ରିପୋର୍ଟ ଆଧାରରେ ଉପରୋକ୍ତ ଦୁଇ ପ୍ରାଥମିକ କୃଷି ସମବାୟ ସମିତି ସମ୍ପାଦକଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ସ୍ଥାନୀୟ ସଭାପତିଙ୍କୁ ସୁପାରିସ କରାଯାଇଛି। ଅନ୍ୟପକ୍ଷେ ଜିଲାର ମାନ୍ଧତାପୁର, ନୋତ୍ତର, ରଙ୍କଦେଉଳି ପ୍ରାଥମିକ କୃଷି ସମବାୟ ସମିତିରେ ନକଲି ଚାଷୀଙ୍କ ଧାନକିଣା ଅଭିଯୋଗର ତଦନ୍ତ ହେଉ ନ ଥିବାରୁ ଚାଷୀଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି।
ମାନ୍ଧତାପୁରରେ ୧୦ରୁ ଊର୍ଦ୍ଧ୍ୱ ନକଲି ଚାଷୀଙ୍କ ନାଁରେ ଧାନ ବିକ୍ରି କରାଯାଇଛି। ମାନ୍ଧତାପୁର ପ୍ରାଥମିକ କୃଷି ସମବାୟ ସମିତିରେ ନକଲି ଚାଷୀ ମମତା ସାହୁଙ୍କ ନାଁରେ ୪୯.୧୨ କୁଇଣ୍ଟାଲ ଓ ୪୬ .୯୦ କୁଇଣ୍ଟାଲ ପତିତ ଜମି ଧାନ କିଣାଯାଇଛି। କାଗଜାତରେ ଏହି ଜମି ସାରଦ-୧ ରହିଛି। ସେହିଭଳି ଲିପୁ ମହାପାତ୍ରଙ୍କନାଁରେ ୪୯.୯୩ କୁଇଣ୍ଟାଲ ଓ ୪୯.୪୭ କୁଇଣ୍ଟାଲ, ଲକ୍ଷ୍ମୀଧର ବାରିକଙ୍କ ନାଁରେ ୫୦ କୁଇଣ୍ଟାଲ, ଝୁନି ମହାପାତ୍ରଙ୍କ ନାଁରେ ୪୯.୯୮ କୁଇଣ୍ଟାଲ ଓ ୫୦ କୁଇଣ୍ଟାଲ ଧାନ କିଣାଯାଇଛି। ଏହି ସମିତିରେ ପ୍ରାୟ ୨୫ ନକଲି ଚାଷୀଙ୍କଠାରୁ ଧାନ କିଣା ସରିଛି ବୋଲି ଅଭିଯୋଗ ହୋଇଛି। ଅନ୍ୟପକ୍ଷେ ନୋତ୍ତର ପ୍ରାଥମିକ କୃଷି ସମବାୟ ସମିତିରେ ନକଲି ଚାଷୀ ନାରାୟଣ ସାହୁଙ୍କ ନାଁରେ ୪୮.୧୨ କୁଇଣ୍ଟାଲ ଓ ୪୭.୨୬ କୁଇଣ୍ଟାଲ, ମହମ୍ମଦ ଅନସରଙ୍କ ନାଁରେ ୫୦ କୁଇଣ୍ଟାଲ, ଗଦାଧର ପ୍ରଧାନଙ୍କ ନାଁରେ ୪୮.୦୪ ଓ ୪୯.୨୬ କୁଇଣ୍ଟାଲ ଧାନ ବିକ୍ରି ହୋଇଛି। ଏଠାରେ ବି ୨୦ରୁ ଊର୍ଦ୍ଧ୍ୱ ନକଲି ଚାଷୀଙ୍କ ନାଁରେ ଧାନ ବିକ୍ରି ହୋଇଛି। ଏହି ନକଲି ଚାଷୀଙ୍କ କାଗଜପତ୍ର ଯାଞ୍ଚ କରାଗଲେ ଲକ୍ଷାଧିକ ଟଙ୍କା ଦୁର୍ନୀତିର ପର୍ଦ୍ଦାଫାଶ ହେବ ବୋଲି ଚାଷୀ କହିଛନ୍ତି।
ଏନେଇ ମାନ୍ଧତାପୁର, ନୋତ୍ତର ଅଞ୍ଚଳର ଦୁଇଚାଷୀ କହିଛନ୍ତି, ଧାନମଣ୍ଡିରେ ଚାଷୀଙ୍କୁ ନୁହେଁ ଧାନ ବ୍ୟବସାୟୀଙ୍କୁ ଗୁରୁତ୍ୱ ଦିଆଯାଉଛି। ଚାଷୀ ଆଣିଥିବା ଧାନରେ ଗୋଡ଼ି, ପଥର, ଅଳିଆ ରହିଥିବା କହି ବସ୍ତା ପିଛା ୫ରୁ ୮ କେଜି କଟାଯାଉଛି। ଧାନ ବିକ୍ରି ପାଇଁ ବହୁ ସମୟ ଅପେକ୍ଷା କରିବାକୁ ପଡୁଛି। ଏପରି ପରିସ୍ଥିତିରେ ଚାଷୀ ଧାନ ବିକ୍ରି କରିବାକୁ ପ୍ରତିବର୍ଷ ହଟହଟା ହେଉଛନ୍ତି। ଫଳରେ ବହୁ ଚାଷୀ ମଣ୍ଡିକୁ ଆସୁନାହାନ୍ତି, ଯାହାର ଫାଇଦା ବ୍ୟବସାୟୀ ନେଉଛନ୍ତି ।
ବ୍ୟବସାୟୀମାନେ ନିଜର ଅନୁଗତ ଲୋକଙ୍କ ନାଁରେ ବ୍ୟାଙ୍କ୍‌ ଆକାଉଣ୍ଟ ଖୋଲୁଛନ୍ତି। ସେମାନଙ୍କୁ ଚାଷୀ ଦର୍ଶାଯାଉଛି। ଫଳରେ ଧାନ ବିକ୍ରି ଟଙ୍କା ତାଙ୍କ ଆକାଉଣ୍ଟ ନଂ.କୁ ଯାଉଛି। ଏଥିପାଇଁ ନକଲି କାଗଜପତ୍ରର ସାହାରା ନିଆଯାଉଛି। ସ୍ଥାନୀୟ ସମିତି ସମ୍ପାଦକଙ୍କ ସହଯୋଗରେ ଧାନ ବିକ୍ରି କରାଯାଉଛି। ଏଥିରେ ମିଲ ମାଲିକ ସହଯୋଗ କରୁଥିବାବେଳେ ବିଭାଗୀୟ ଅଧିକାରୀ ଓ କର୍ମଚାରୀଙ୍କ ସମର୍ଥନ ରହୁଛି। ଫଳରେ ଏହି ଅନିୟମିତତାକୁ ସହଜରେ ଧରିବା ସମ୍ଭବ ହେଉ ନାହିଁ। କାରଣ ତଳୁ ଉପରସ୍ତର ଯାଏ ମିଳିମିଶି ଚାଷୀଙ୍କ ନାଁରେ ଧାନ ଟଙ୍କା ଲୁଟୁଛନ୍ତି। ଏ ସଂକ୍ରାନ୍ତରେ ଏଆରସିଏସ୍‌ ଭାସ୍କର ପାଣିଗ୍ରାହୀ କୁହନ୍ତି, ଧାନକିଣାରେ ଅନିୟମିତତା ସାମ୍‌ନାକୁ ଆସିଲେ ଆମେ ତୁରନ୍ତ ତଦନ୍ତ କରାଇ କାର୍ଯ୍ୟାନୁଷ୍ଠାନ ଗ୍ରହଣ କରୁଛୁ। ଚଳିତବର୍ଷ ୫ଟି ଧାନମଣ୍ଡିରେ ଅନିୟମିତତା ଅଭିଯୋଗ ଆସିଛି। ଏହାର ତଦନ୍ତ ଚାଲିଛି। କଜଳାଇପଲ୍ଲୀ ଓ ଗୋଲଗାଁ  ପ୍ରାଥମିକ କୃଷି ସମବାୟ ସମିତିର ତଦନ୍ତ ରିପୋର୍ଟ ମିଳିବା ପରେ ସମ୍ପାଦକଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ସ୍ଥାନୀୟ ସଭାପତିଙ୍କୁ ସୁପାରିସ କରାଯାଇଛି ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ହାଇକୋର୍ଟଙ୍କ ଗୁରୁତ୍ୱପୂର୍ଣ୍ଣ ରାୟ, କହିଲେ ମା’ଙ୍କ ସମ୍ପତ୍ତିରେ ନାହିଁ ପୁଅଙ୍କ ଅଧିକାର!

ଚେନ୍ନାଇ,୧୭।୧୧: ଅନେକ ଲୋକଙ୍କର ଏପରି ଧାରଣା ଥାଏ ଯେ, ଆଇନଗତ ଉତ୍ତରାଧିକାରୀ ଭାବରେ ମାତାପିତାଙ୍କ ମୃତ୍ୟୁ ପରେ ସେମାନଙ୍କ ସନ୍ତାନମାନେ ସ୍ବତଃ ହିଁ ମାତାପିତାଙ୍କ ସମ୍ପତ୍ତି ଉପରେ…

ଡେବ୍ରିଗଡ଼ରେ ଠାବ ମହାବଳ ବାଘର ମଳିଲା ପରିଚୟ, ବୟସ ସ୍ପଷ୍ଟ କଲା ଏନଟିସିଏ

ସମ୍ବଲପୁର,୧୭।୧୧(ପ୍ରମୋଦ ବହିଦାର): ଓଡ଼ିଶାର ଡେବ୍ରିଗଡ଼ ଅଭୟାରଣ୍ୟରେ ଗତ ନଭେମ୍ବର ୯ ତାରିଖରେ ପ୍ରଥମ ଥର ପାଇଁ ଠାବ ହୋଇଥିବା ଅଣ୍ଡିରା ବାଘର ପରିଚୟ ଓ ବୟସ ଜାତୀୟ…

ମାଛ ଧରୁଥିଲେ ଧର୍ମପଦ: ଟାଣିନେଲା କୁମ୍ଭୀର, ଆଉ ତା’ପରେ ଯାହା ଘଟିଲା…

ମହାକାଳପଡ଼ା,୧୭।୧୧(ପ୍ରତାପ ଚନ୍ଦ୍ର ସ୍ବାଇଁ): କେନ୍ଦ୍ରାପଡ଼ା ଜିଲାରେ ପୁଣି କୁମ୍ଭୀର ଆତଙ୍କ। ନଦୀରେ ଡଙ୍ଗାରେ ଜାଲ ପକାଇ ମାଛ ଧରୁଥିବା ବେଳେ ଜଣେ ଯୁବ ମତ୍ସ୍ୟଜୀବୀଙ୍କୁ ଆକ୍ରମଣ କରିଛି…

ରିଟେନ୍ସନ ପୂର୍ବରୁ SRH ଫ୍ୟାନ୍‌ଙ୍କୁ ବଡ଼ ଝଟକା! IPL ୨୦୨୭ରୁ ବାଦ୍‌ ପଡ଼ିଲେ ଷ୍ଟାର୍‌ ଓପନର୍‌, ଜାଣନ୍ତୁ କାହିଁକି…

ନୂଆଦିଲ୍ଲୀ,୧୭।୧୧: ଅଷ୍ଟ୍ରେଲିଆର ବିସ୍ଫୋରକ ବ୍ୟାଟର୍‌ ଟ୍ରାଭିସ ହେଡ୍‌ IPL ୨୦୨୭ରେ ଖେଳିବେ ନାହିଁ। ଏହାର ଅର୍ଥ ଆଗାମୀ ସିଜିନରେ ସନରାଇଜର୍ସ ହାଇଦ୍ରାବାଦ (SRH) ପକ୍ଷରୁ ଅଭିଷେକ ଶର୍ମା…

ମୃତ୍ୟୁକୁ ଆମନ୍ତ୍ରଣ କରୁଛି ଖୋଲା ଟ୍ରାନ୍ସଫର୍ମର, ତେଜୁଛି ଜନଅସନ୍ତୋଷ

କର୍ଲାମୁଣ୍ଡା:୧୭।୧୧(ସୁଶାନ୍ତ ମଲ୍ଲିକ): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକ ଅଧୀନ ଗଜବାହାଲ ପଞ୍ଚାୟତ ଅବୁଜବାହାଲ ଗାଁ ବସ୍ତିକୁ ସଂଯୋଗ କରୁଥିବା ମୁଖ୍ୟ ରାସ୍ତାରେ ଏକ ବିଦ୍ୟୁତ୍‌ ଟ୍ରାନ୍ସଫର୍ମର ବିନା…

ବରଗଡ଼ରେ କିଷାନ୍ ମହାପଞ୍ଚାୟତ: ରାଲିରେ ସାମିଲ ହେଲେ ରାଷ୍ଟ୍ରୀୟ କୃଷକ ନେତା

ବରଗଡ଼,୧୭।୧୧(ପ୍ରେମାନନ୍ଦ ଖମାରୀ):କୃଷକଙ୍କ ହକ୍, ଅଧିକାର ପାଇଁ ମଙ୍ଗଳବାର ବରଗଡ଼ ସହରରେ କିଷାନ୍ ମହାପଞ୍ଚାୟତ ଆୟୋଜିତ ହୋଇଛି। ଏଥିରେ ଅନେକ ରାଷ୍ଟ୍ରୀୟ କୃଷକ ନେତାଙ୍କ ସମେତ ହଜାର ହଜାର…

‘ଆଜି ବିଶ୍ୱକୁ ଅଧିକ ଶାନ୍ତି, ସ୍ଥିରତା ଏବଂ ନିଶ୍ଚିତତାର ଆବଶ୍ୟକତା ରହିଛି,’ ୨୩ତମ ଆସିଆନ-ଭାରତ ଶିଖର ସମ୍ମିଳନୀରେ ମୋଦି

ମନିଲା,୧୭।୧୧: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୨୩ତମ ଆସିଆନ-ଭାରତ ଶିଖର ସମ୍ମିଳନୀରେ ଅଂଶଗ୍ରହଣ କରୁଛନ୍ତି। ମଙ୍ଗଳବାର (ନଭେମ୍ବର ୧୭) ସମ୍ମିଳନୀର ଆରମ୍ଭରେ ସେ କହିଲେ ଯେ ଆମ ପାଖରେ…

ଇକୋ ରିଟ୍ରିଟ ବୁଲିଲେ କନ୍ଧମାଳ ସାଂସଦ: ଶୁଣିଲେ ଲୋକଙ୍କ ଅଭିଯୋଗ, ଦେଲେ ବଡ଼ ପ୍ରତିଶ୍ରୁତି

ଦାରିଙ୍ଗବାଡ଼ି, ୧୭।୧୧ (ଅରୁଣ ସାହୁ): ଓଡ଼ିଶାର କଶ୍ମୀର ଭାବେ ପରିଚିତ ଦାରିଙ୍ଗବାଡ଼ିର ପର୍ଯ୍ୟଟନ ଭିତ୍ତିଭୂମି ଓ ବିକାଶ ସମ୍ଭାବନାକୁ ନେଇ ଆଲୋଚନା କରିଛନ୍ତି କନ୍ଧମାଳ ସାଂସଦ ସୁକାନ୍ତ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?