ଜେନାପୁର,୯ା୨(ଡି.ଏନ୍.ଏ.): ଯାଜପୁର ଜିଲା ଧର୍ମଶାଳା ବ୍ଲକ ଅନ୍ତର୍ଗତ ୫୩ ନମ୍ବର ଜାତୀୟ ରାଜପଥର ଭଡ଼ଙ୍ଗା ଛକ ନିକଟରେ ଗୁରୁବାର ଏକ ବସ୍ ସହ ହାଇଓ୍ବା ଧକ୍କା ହେବାରୁ ୧୦ରୁ ଅଧିକ ଗୁରୁତର ହୋଇଥିବା ଜଣାପଡ଼ିଛି।
ସୂଚନାଯୋଗ୍ୟ, ବସ୍ଟି ଡୁବୁରୀରୁ ଚଣ୍ଡିଖୋଲ ଅଭିମୁଖେ ଯାଉଥିବା ବେଳେ ହାଇଓ୍ବା ସହ ମୁହାଁମୁହିଁ ହୋଇଥିଲା। ବସ୍ରେ ୪୦ ଯାତ୍ରୀ ଥିବା ବେଳେ ୧୦ରୁ ଅଧିକ ଗୁରୁତର ହୋଇଥିବା ଜଣାପଡ଼ିଛି। ଘଟଣାସ୍ଥଳରେ ଚଣ୍ଡିଖୋଲ ଅଗ୍ନିଶମ ବାହିନୀ ପହଞ୍ଚି ଆହତଙ୍କୁ ବଡ଼ଚଣା ମେଡିକାଲରେ ଭର୍ତ୍ତି କରିବା ସହ ଧର୍ମଶାଳା ଥାନା ପୋଲିସ ତଦନ୍ତ ଜାରି ରଖିଛି। ଗୁରୁତରଙ୍କ ମଧ୍ୟରେ ଆନନ୍ଦପୁରର ମାଳତୀ ମାରାଣ୍ଡି (୪୫),ଜଗତସିଂହପୁରର ଲକ୍ଷ୍ମୀଧର ମଣ୍ଡଳ(୪୦), ସୁକିନ୍ଦାର ବାଇଧର ନାୟକ (୬୦), ବଡ଼ବିଲର ଗିରିଶ ପରିଡ଼ା (୪୬), ମୁକୁନ୍ଦପୁର ଜେନାପୁରର ବିକାଶ ପ୍ରଧାନ (୨୭), ସୁକିନ୍ଦାର ସତ୍ୟମ ସୁନ୍ଦର ସାହୁ (୪୨), ବାସନ୍ତୀ ସାହୁ (୫୦), ନୀଳ ସାହୁ (୭୦) ନିତ୍ୟାନନ୍ଦ ପୁର, କେନ୍ଦୁଝରର ସୁନିଆ ପାତ୍ର (୪୭) ବୋଲି ଜଣାପଡ଼ିଛି।
