ବୌଦ୍ଧ/ତଳଗାଁ,୭ା୩, ବୌଦ୍ଧ ଜିଲାର ସଂରକ୍ଷିତ ଜଙ୍ଗଲଗୁଡିକ ଏବେ ନିଆଁ ଘେରରେ। କଣ୍ଟାମାଳ, ମନମୁଣ୍ଡା, ବୌଦ୍ଧ, ପୁରୁଣାକଟକ ଓ ମାଧପୁର ରେଞ୍ଜର ବିଭିନ୍ନ ସ୍ଥାନରେ ନିଆଁ ଲାଗିଛି। ଜିଲା ସାରା ଜଙ୍ଗଲ ଜଳୁଥିବା ବେଳେ ବନ ବିଭାଗ ନିଆଁକୁ ଆୟତ୍ତ କରିବାରେ ବିଫଳ ହୋଇଛି। ମୁଣ୍ଡେଶ୍ୱର ସଂରକ୍ଷିତ ଜଙ୍ଗଲର ମାଧପୁର ରେଞ୍ଜ କାର୍ଯ୍ୟାଳୟଠାରୁ ମାତ୍ର ୨ କି.ମି ଦୂର ଜାତୀୟ ରାଜପଥ କଡ ଜଙ୍ଗଲଗୁଡିକ ଜଳୁଥିବା ବେଳେ ଜିଲାର ଆଭ୍ୟନ୍ତରୀଣ ଅଞ୍ଚଳ ଜଙ୍ଗଲ ପରିସ୍ଥିତ କିପିରି ଥିବ ଏହା ସହଜରେ ଅନୁମେୟ। ଜିଲାର ଅଧିକାଂଶ ଅଞ୍ଚଳ ବଣ ପାହାଡ ଘେରା ଓ ଆଦିବାସୀ ବହୁଳ ଅଞ୍ଚଳ। ଏଠାକାର ଅଧିକାଂଶ ଅଧିବାସୀ ବନଜାତ ଦ୍ରବ୍ୟ ସଂଗ୍ରହ କରି ପରିବାର ପୋଷଣ କରନ୍ତି। ହେଲେ ଜଙ୍ଗଲରେ ନିଆଁ ଲାଗିବାରୁ ଜଙ୍ଗଲଜାତ ଦ୍ରବ୍ୟ ପୋଡିବା ସହ ବନ୍ୟଜନ୍ତୁଙ୍କ ପ୍ରତି ବିପଦ ସୃଷ୍ଟି ହୋଇଛି। ଏହାଛଡା ପରିବେଶ ଧୂଅଁାମୟ ହେବା ସହ ରାସ୍ତାରେ ଯାଉଥିବା ପଥଚାରୀମାନେ ହଇରାଣ ହେଉଛନ୍ତି। ପବନ ହେଲେ ନିଆଁ ଉଡି ଗାଁ ପୋଡିବାର ଭୟ ରହିଛି। ଏକକାଳୀନ ୫ଟି ରେଞ୍ଜରେ ଜଙ୍ଗଲ ଜଳୁଥିଲେ ମଧ୍ୟ ବନ ବିଭାଗ ନିକଟରେ ନିଅଁା ଲିଭାଇବା ପାଇଁ ଆବଶ୍ୟକ ସୁବିଧା ଓ କର୍ମଚାରୀ ନ ଥିବା ଚିନ୍ତା ବଢାଇଛି। ବିଭାଗୀୟ ଉଚ୍ଚ କର୍ତ୍ତୃପକ୍ଷ ଏଥିପ୍ରତି ଦୃଷ୍ଟି ଦେଇ ବିହିତ ପଦକ୍ଷେପ ନେବାକୁ ସାଧାରଣରେ ଦାବି ହେଉଛି ା
