ଲୋଇସିଂହା,୨୩।୩(ସୁଶାନ୍ତ ବାରିକ):ଗତ ୫ବର୍ଷ ପୂର୍ବେ ବଲାଙ୍ଗୀର ଜିଲା ଲୋଇସିଂହା ବ୍ଲକର ବୁର୍ଡା-୨୬ ନଂ ଜାତୀୟ ରାଜପଥରୁ ସିଆଲବାହାଲି ପର୍ଯ୍ୟନ୍ତ ରାସ୍ତା କାମ କରାଯାଇଥିଲା। ସେତେବେଳେ ନିମ୍ନମାନର କାମ ଯୋଗୁ ମାସେ ନ ପୂରୁଣୁ ରାସ୍ତା ଶୋଚନୀୟ ହୋଇ ପଡିଥିଲା। ଫଳରେ ସରକାରଙ୍କ ଲକ୍ଷାଧିକ ଟଙ୍କା ପାଣିରେ ପଡିଥିଲା। ରାସ୍ତାର ୫ ବର୍ଷିଆ ମିଆଦ ପୁରି ଯିବା ପରେ ନୂତନ ଟେଣ୍ଡର କରାଯାଇ ଉକ୍ତ ରାସ୍ତା କାମ ପୁଣି ଆରମ୍ଭ ହୋଇଛି ା ସେହି ପୁରୁଣା ରାସ୍ତା ଉପରେ ମୋରମ ବିଛାଇ ମେଟାଲିଂ କାମ ଆରମ୍ଭ କରାଯାଇଛି। କେଉଁ ସ୍ବାର୍ଥରେ ଆରଡି ବିଭାଗ ପକ୍ଷରୁ ରାସ୍ତା କାମ ସମ୍ପର୍କରେ ଅଦ୍ୟାବଧି ସୂଚନା ଫଳକ ଲଗାଯାଇନାହିଁ ତାକୁ ନେଇ ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇଛି। ଆରଡି ବିଭାଗ ପକ୍ଷରୁ ବୁର୍ଡା ପଞ୍ଚାୟତ ସଦର ଗ୍ରାମ ବୁର୍ଡାରୁ ସିଆଲବାହାଲିକୁ ଉକ୍ତ ପିଚୁ ରାସ୍ତା ନିର୍ମାଣ କରାଯାଉଛି ା କାମ ଆରମ୍ଭରୁ ସୂଚନା ଫଳକ ଲାଗିବାର ନିୟମ ରହିଛି। କିନ୍ତୁ ବିଭାଗ ପକ୍ଷରୁ ଏହାର ଖୋଲା ଉଲ୍ଲଂଘନ କରାଯାଇ କାମ ଆରମ୍ଭ ହୋଇଛି। ସ୍ଥାନୀୟ ଲୋକଙ୍କ କହିବା ଅନୁଯାୟୀ, ରାସ୍ତା ଖୋଳି ରୋଲର ଚଳାଇ ବାଲି ପକାଇବା କଥା। କିନ୍ତୁ ସେହି ପୁରୁଣା ରାସ୍ତାକୁ ନ ଖୋଳି ଶୋବନୀୟ ରାସ୍ତା ଉପରେ ଅଳ୍ପ ଅଳ୍ପ ମୋରମ ବିଛାଇ ତା ଉପରେ ମେଟାଲିଂ କରାଯାଉଛି ା କାମରେ ସ୍ବଚ୍ଛତା ଅଣା ନ ଗଲେ ଆନ୍ଦୋଳନ ପନ୍ଥା ଗ୍ରହଣ କରାଯିବ ବୋଲି ସ୍ଥାନୀୟ ଲୋକଙ୍କ ପକ୍ଷରୁ ଚେତାବନୀ ଦିଆଯାଇଛି।
Dharitri – Odisha’s No.1 Odia Daily
