ମିଆମି,୬।୧୦: ଫ୍ଲୋରିଡା ମିଡଲ ସ୍କୁଲର ୩୧ ବର୍ଷୀୟା ଡ୍ରାମା ଶିକ୍ଷୟିତ୍ରୀ ବ୍ରିଟନି ଲୋପେଜ ମୁରେଙ୍କୁ ସୋମବାର ଗିରଫ କରାଯାଇଛି। ତାଙ୍କ ବିରୋଧରେ ଆସିଛି ଛାତ୍ରଙ୍କ ସହ ସେକ୍ସ କରିବାର ଅଭିଯୋଗ।
ମିଆମି ହେରାଲ୍ଡରେ ପ୍ରକାଶ ପାଇଥିବା ରିପୋର୍ଟ ଅନୁଯାୟୀ, ଶିକ୍ଷୟିତ୍ରୀ ଜଣକ ଗତ ଅଗଷ୍ଟରେ ନାବାଳକ ଛାତ୍ରଙ୍କୁ ଏକ ମେସେଜ ପଠାଇଥିଲେ। ତା’ ପରେ ଦୁହିଁଙ୍କ ମଧ୍ୟରେ ଆରମ୍ଭ ହୋଇଥିଲା ଅନୈତିକ ସମ୍ପର୍କ। ଦିନେ ଛାତ୍ରଙ୍କ ଫୋନରେ ତାଙ୍କ ଭଉଣୀ ଶିକ୍ଷୟତ୍ରୀଙ୍କ ଅଶ୍ଳୀଳ ଫଟୋ ଦେଖିବା ପରେ ଘଟଣାଟି ପଦାକୁ ଆସିଥିଲା। ଏ ନେଇ ଛାତ୍ରଙ୍କ ବାପା ଥାନାରେ ଅଭିଯୋଗ କରିଥିଲେ। ଏହାକୁ ଭିତ୍ତି କରି ମୁରେଙ୍କୁ ନିର୍ଯାତନା ଓ ନାବାଳକଙ୍କ ସହ ଯୌନ ସମ୍ପର୍କ ରଖିବା ପାଇଁ ଗିରଫ କରାଯାଇଛି।
