ଦେଶ ପାଇଁ ଆଣିଲେ ଗୌରବ

ବାଲେଶ୍ୱର ଅଫିସ, ୬।୩: ବାଲେଶ୍ୱର ରେମୁଣା ଥାନା ମନ୍ଦାରପୁର ପଞ୍ଚାୟତ ଜଗନ୍ନାଥପୁର ଗ୍ରାମର ୨୨ବର୍ଷୀୟା ପଦ୍ମାବତୀ ସିଂ ଭାରତୀୟ ଟେନିସ୍‌ କ୍ରିକେଟ ଟିମ୍‌ରେ ସାମିଲ ହୋଇ ଦେଶ, ରାଜ୍ୟ ତଥା ଜିଲା ପାଇଁ ଗୌରବ ଆଣି ଦେଇଛନ୍ତି। ଫେବୃୟାରୀ ୨୧ରୁ ୨୮ ତାରିଖ ପର୍ଯ୍ୟନ୍ତ ନେପାଳ ପୋଖରାଠାରେ ଅନୁଷ୍ଠିତ ଅନ୍ତର୍ଜାତୀୟ ପ୍ରଥମ ଦକ୍ଷିଣ ଏସୀୟ ଟେନିସ୍‌ କ୍ରିକେଟ୍‌ ଚାମ୍ପିୟନଶିପରେ ଭାରତ ପାଇଁ ଗଠିତ ଟିମ୍‌ରେ ଓଡ଼ିଶାର ୪ ଖେଳାଳିଙ୍କ ମଧ୍ୟରେ ପଦ୍ମାବତୀ ଚୟନ ହୋଇଥିଲେ। ଏଥିରେ ନେପାଳ ଚାମ୍ପିୟନ ହୋଇଥିବା ବେଳେ ଭାରତ ରନର୍ସଅପ୍‌ ହୋଇଛି।
ବାପା ହାଡ଼ିବନ୍ଧୁ ଓ ମା’ ମଞ୍ଜୁ ଦିନମଜୁରିଆ କାମ କରି ଘର ଚଳାନ୍ତି। ତାଙ୍କର ଆଉ ୩ ଭଉଣୀଭାଇ ଅଛନ୍ତି। ପଦ୍ମାବତୀ ରେମୁଣା ହାଇସ୍କୁଲରୁ ମାଟ୍ରିକ୍‌ ପାସ୍‌ କରି ବାରିପଦା ମା’ ଦ୍ୱାରଶୁଣୀ କଲେଜରେ ଯୁକ୍ତ ୨ ପଢିଥିଲେ। ଏବେ ସେ ଡିଭାଇନ୍‌ କଲେଜରେ ଡିପ୍ଲୋମା (ଇଲେକ୍ଟ୍ରିକାଲ ଟ୍ରେଡ୍‌)ର ତୃତୀୟ ବର୍ଷ ଛାତ୍ରୀ। ପିଲାଟି ଦିନରୁ ତାଙ୍କର କ୍ରିକେଟ୍‌ ପ୍ରତି ରୁଚି ରହିଥିଲା। ଟେନିସ୍‌ ବଲ୍‌ରେ ଖେଳିବା ସହିତ ଡ୍ୟୁଜ୍‌ ବଲ୍‌ରେ ବି କ୍ରିକେଟ୍‌ ଖେଳ ଅଭ୍ୟାସ ଜାରି ରଖିଥିଲେ। ସ୍କୁଲ ଓ କଲେଜସ୍ତରରେ କ୍ରିକେଟ୍‌ ସହିତ ବିଭିନ୍ନ ଖେଳରେ ଭାଗ ନେଇ ଚାମ୍ପିୟନ ହୋଇଛନ୍ତି। ପୂର୍ବରୁ ପଦ୍ମାବତୀ ଜାତୀୟସ୍ତରରେ ଖେଳି ବ୍ରୋଞ୍ଜ ମେଡ଼ାଲ ଜିତିଛନ୍ତି। ସେଭଳି ରାଜ୍ୟସ୍ତରରେ ଡ୍ୟୁଜ୍‌ ବଲ୍‌ରେ କ୍ରିକେଟ୍‌ ବି ଖେଳିଛନ୍ତି। ପଦ୍ମାବତୀଙ୍କ ଦକ୍ଷତାକୁ ଦେଖି ଭୁବନେଶ୍ୱର ଟେନିସ୍‌ କ୍ରିକେଟ୍‌ ଆସୋସିଏଶନ୍‌ର ସମ୍ପାଦକ ରାଗିଣୀ ମିତ୍ରା ତାଙ୍କୁ ବହୁ ସହଯୋଗ କରିଥିବା କଥା ସେ କୁହନ୍ତି। ସେହିପରି ବାଲେଶ୍ୱର ଡ୍ୟୁଜ୍‌ ବଲ୍‌ର କୋଚ୍‌ ଜଗତରଞ୍ଜନ ଦାସଙ୍କଠାରୁ ପଦ୍ମାବତୀ ପ୍ର୍ରଶିକ୍ଷଣ ନେଉଛନ୍ତି।
ପଦ୍ମାବତୀ କହନ୍ତି, ସେ ପ୍ରଥମେ ଆଥଲେଟିକ୍‌ ଖେଳୁଥିଲେ। ରେମୁଣା ହାଇସ୍କୁଲରେ ପଢୁଥିବା ବେଳେ ଆଥଲେଟିକ୍‌ ଛାଡ଼ି କ୍ରିକେଟ୍‌ ଖେଳିବା ଆରମ୍ଭ କଲେ। ବ୍ଲକରୁ ଜିଲାସ୍ତରରେ କ୍ରିକେଟ୍‌ ଖେଳିବା ପରେ ରାଜ୍ୟରେ ଖେଳିବାର ସୁଯୋଗ ମିଳିବା କଷ୍ଟକର ଥିଲା। କଲେଜରେ ପଢ଼ିବା ବେଳେ ପୁଣି କ୍ରିକେଟ୍‌ ଖେଳ ଆରମ୍ଭ କରିଥିଲେ। ବାରିପଦାର ଖେଳାଳି ସଞ୍ଜିତା ଦାସ, ଅଞ୍ଜନା ମୁଖି, ଝିଲି ମହାନ୍ତଙ୍କ ସହ ଦେଖାହେବା ପରେ ତାଙ୍କର ପରାମର୍ଶ ନେଇ ବୟସ କମ୍‌ ଥିବାରୁ କ୍ରିକେଟ୍‌ ଖେଳିଥିଲେ। ପ୍ରଥମେ ସେ ମୟୂରଭଞ୍ଜ ତରଫରୁ ଜିଲାସ୍ତରରେ ଖେଳିଥିଲେ। ସେଠାରେ ଭୁବନେଶ୍ୱର ଟେନିସ୍‌ କ୍ରିକେଟ୍‌ ଆସୋସିଏଶନ୍‌ର ସମ୍ପାଦକ ରାଗିଣୀ ମିତ୍ରାଙ୍କ ସହ ସାକ୍ଷାତ୍‌ ହୋଇଥିଲା। ଖେଳ ଦେଖି ସେ ମୋତେ ଜାତୀୟସ୍ତର ପାଇଁ ଚୟନ କରିଥିଲେ। ଜାତୀୟସ୍ତରରେ ଭଲ ପ୍ରଦର୍ଶନ କରିବାରୁ ଜାତୀୟରୁ ଅନ୍ତର୍ଜାତୀୟ ସ୍ତରରେ ଟେନିସ୍‌ କ୍ରିକେଟ୍‌ ଖେଳିବା ପାଇଁ ଚୟନ ହେବା ସହ ଦଳର ଉପଅଧିନାୟକ ଦାୟିତ୍ୱ ମିଳିଥିଲା। ବହୁ ଅର୍ଥ ଆବଶ୍ୟକ ଥିବାରୁ ଦେଇପାରି ନ ଥିଲେ। କିନ୍ତୁ ରାଗିଣୀ ମାଡାମ୍‌ଙ୍କ ସହାୟତାରେ ନେପାଳ ଖେଳିବାକୁ ଯାଇଥିଲି। ସେଠାରେ ଶ୍ରୀଲଙ୍କା, ବାଂଲାଦେଶ ଓ ନେପାଳ ସହ ଖେଳ ହୋଇଥିଲା। ଉଭୟ ବ୍ୟାଟିଂ ଓ ବୋଲିଂରେ ଭଲ ପ୍ରଦର୍ଶନ କରି ରନର୍ସଅପ୍‌ ହୋଇଥିଲୁ। ତେବେ ଏହି ଖେଳରେ ରୁଚି ରହିଥିଲେ ବି ସେଭଳି କିଛି ସହଯୋଗ ନାହଁି। ଡ୍ୟୁଜ୍‌ ବଲ୍‌ରେ ଯେମିତି ବିଭିନ୍ନ ଚାମ୍ପିଅନ୍‌ଶିପ୍‌ ରହିଛି, କ୍ରିକେଟ୍‌ ଟେନିସ୍‌ ବଲ୍‌ରେ ସେମିତି ପ୍ରତିଯୋଗିତା ଅନୁଷ୍ଠିତ ହେଉନାହଁି। ତେଣୁ ମହିଳା କ୍ରିକେଟ୍‌ ଟେନିସ୍‌ ପାଇଁ ଯଦି ବିଭିନ୍ନ ଚାମ୍ପିୟନଶିପ୍‌ର ବ୍ୟବସ୍ଥା ହୋଇପାରନ୍ତା ବହୁ ଖେଳାଳି ଏଥିରେ କ୍ୟାରିୟର୍‌ କରିପାରନ୍ତେ। ତଥାପି ସେ ଦୁଇଟି (ଟେନିସ୍‌ ଓ ଡ୍ୟୁଜ୍‌ ବଲ୍‌)ରେ ଖେଳ ଅଭ୍ୟାସ ସେ ଜାରି ରଖିଛନ୍ତି। ଭବିଷ୍ୟତରେ ଖେଳ ସହିତ ସେନାରେ ଯିବାକୁ ଇଚ୍ଛା ରଖିଥିବା ପଦ୍ମାବତୀ ପ୍ରକାଶ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ମୁମ୍ବାଇ ଷ୍ଟେଶନରେ ଅଟକିଲା ଚେନ୍ନାଇ ଏକ୍ସପ୍ରେସ୍‌

ନୂଆଦିଲ୍ଲୀ,୧।୫ : ଲଗାତାର ୫ ବିଜୟ ହାସଲ କରିବା ପରେ ଅଟକିଛି ଚେନ୍ନାଇ ଏକ୍ସକ୍ରେସ୍‌। କେହି ଅଟକାଇ ପାରିଲେ ନାହିଁ କିରନ ପୋଲାର୍ଡଙ୍କ ଝଡ଼କୁ। ସାମ୍ନାରେ...

୩୪୬ ରନ୍‌ରେ ଆଗୁଆ ଭାରତ, ତଥାପି ବ୍ୟାଟିଂ ଛାଡ଼ିନି

ଲଣ୍ଡନ,୫।୯: ଇଂଲଣ୍ଡ ବିପକ୍ଷ ଚଳିତ ଓଭାଲ ଟେଷ୍ଟରେ ଚତୁର୍ଥ ଦିନର ଟି ବ୍ରେକ ସୁଦ୍ଧା ଭାରତୀୟ ଦଳ ୮ ଉଇକେଟ କ୍ଷତିରେ ୪୪୫ ରନ୍‌ କରି...

ଇନିଂସ ବିଜୟ ସହ ବିଦାୟ ନେଲେ

ଖ୍ରୀଷ୍ଟଚର୍ଚ୍ଚ,୧୧।୧: ଏଠାରେ ଖେଳାଯାଇଥିବା ଦ୍ୱିତୀୟ ଟେଷ୍ଟରେ ବାଂଲାଦେଶକୁ ୩ ଦିନ ମଧ୍ୟରେ ଏକ ଇନିଂସ ଓ ୧୧୭ ରନ୍‌ରେ ହରାଇ ଦେଇଛି ନ୍ୟୁଜିଲାଣ୍ଡ। ଏଭଳି ଫଳାଫଳ...

ଟି୨୦ ବିଶ୍ୱକପ୍‌ : ଇଂଲଣ୍ଡ ନୁହେଁ, ଭାରତ ଫେଭରାଇଟ୍‌

ୟୁଏଇ,୧୬।୭: ଚଳିତ ବର୍ଷ ଅକ୍ଟୋବର ଓ ନଭେମ୍ବରରେ ହେବାକୁ ଥିବା ଟି୨୦ ବିଶ୍ୱକପ୍‌ ଜିତିବା ପାଇଁ ଇଂଲଣ୍ଡ ନୁହେଁ ଟିମ୍‌ ଇଣ୍ଡିଆ ପ୍ରବଳ ଦାବିଦାର। ଏଭଳି...

ଜାତୀୟ ଏକଦା ଦିବସରେ ଗଣଦୌଡ଼

ସଜନାଗଡ଼,୩୧।୧୦(ଡି.ଏନ୍‌.ଏ.): ବାଲେଶ୍ୱର ଜିଲା ନୀଳଗିରି ନିର୍ବାଚନମଣ୍ଡଳିର ଭାଜପା ପକ୍ଷରୁ ସର୍ଦ୍ଦାର ବଲ୍ଲଭଭାଇ ପଟେଲଙ୍କ ୧୪୫ତମ ଜନ୍ମଦିବସ ପାଳିତ ହୋଇଯାଇଛି। ଏହି ଦିବସକୁ ଜାତୀୟ ଏକତା ଦିବସ...

ପ୍ରାକ୍ତନ ଖେଳାଳିଙ୍କ ଭବିଷ୍ୟବାଣୀ : ଏହି ଦଳ ପୁଣି ଥରେ ଚାମ୍ପିୟନ ହେବ

ଚେନ୍ନାଇ, ୭ା୪ : ବିଶ୍ୱର ସବୁଠୁ ବିତ୍ତଶାଳୀ କ୍ରିକେଟ ଲିଗ୍‌ ଆଇପିଏଲର ୧୪ତମ ସଂସ୍କରଣ ଶୁକ୍ରବାର ଠାରୁ ଆରମ୍ଭ ହେବାକୁ ଯାଉଛି। ଏଥି ପୂର୍ବରୁ ଆରମ୍ଭ...

ବିସିସିଆଇକୁ ଚିଠି ଲେଖିବ ଓସିଏ: ବାରବାଟୀକୁ ଟେଷ୍ଟ ଭେନ୍ୟୁ ମାନ୍ୟତା ଉଦ୍ୟମ

କଟକ ଅଫିସ,୬ା୧୧-ବାରବାଟୀ ଷ୍ଟାଡିୟମରେ ଅନ୍ତର୍ଜାତୀୟ ଟେଷ୍ଟ ମ୍ୟାଚ୍‌ କରାଯିବାକୁ ଚେଷ୍ଟା କରାଯାଉଛି। ରାଜ୍ୟର ଏହି ଏକମାତ୍ର ଅନ୍ତର୍ଜାତୀୟ କ୍ରିକେଟ ଷ୍ଟାଡିୟମକୁ ଟେଷ୍ଟ ଭେନ୍ୟୁ ମାନ୍ୟତା ଫେରାଇ...

ଫର୍ମରେ ଥାଇ ମଧ୍ୟ ଡବ୍ଲୁଟିସି ଫାଇନାଲରୁ ବାଦ୍‌ ପଡିଲେ ଏହି ୫ ଖେଳାଳି

ଲଣ୍ଡନ,୧୬।୬: ବିଶ୍ୱ ଟେଷ୍ଟ ଚାମ୍ପିୟନଶିପ୍‌ର ଫାଇନାଲ ପାଇଁ ଭାରତ ୧୫ ଜଣିଆ ଦଳ ଘୋଷଣା କରିଛି। ଦଳରେ ଇଂଲଣ୍ଡ ଗସ୍ତରେ ଯାଇଥିବା ୨୦ ଖେଳାଳିଙ୍କ ମଧ୍ୟରୁ...

Advertisement
Archives

Model This Week