ଆଜିର ସମୟରେ ଲୋକମାନେ ଅନ୍ଲାଇନ୍ ଶପିଂକୁ ଅଧିକ ପସନ୍ଦ କରୁଛନ୍ତି। ଏମିତିରେ କରୋନା ଯୋଗୁ ଲୋକମାନେ ଭିଡ଼ରେ ଶପିଂ କରିବା ପରିବର୍ତ୍ତେ ଘରେ ବସି ଶପିଂ କରିବାକୁ ପସନ୍ଦ କରୁଛନ୍ତି। ଅଧିକାଂଶ କ୍ଷେତ୍ରରେ ଲୋକମାନେ ଆଶା କରୁଥିବା ସାମଗ୍ରୀଠାରୁ ବେଶ୍ ଭଲ ପାଇଥାନ୍ତି। ମାତ୍ର ବେଳେବେଳେ ଅନ୍ଲାଇନ୍ରେ ଠକାମୀରେ ପଡ଼ିଥାନ୍ତି। ସେମିତି ଜଣେ ଯୁବତୀଙ୍କ କ୍ଷେତ୍ରରେ ଘଟିଛି। ଅନ୍ଲାଇନ୍ରେ ବିବାହ ପାଇଁ ଡ୍ରେସ୍ କିଣି ଅଡୁଆରେ ପଡ଼ିଛନ୍ତି ଏହି ଯୁବତୀ ଜଣକ।
ଲିଲି ନାମକ ଏହି ଯୁବତୀ ଅନ୍ଲାଇନ୍ରେ ଲୋକଙ୍କ ସହ ଏହି ଘଟଣା ଶେୟାର କରିଛନ୍ତି। ଲିଲି ଶୀଘ୍ର ବିବାହ କରିବାକୁ ଯାଉଛନ୍ତି। ଏଭଳି ପରିସ୍ଥିତିରେ ସେ ଅନ୍ଲାଇନ୍ରେ ତାଙ୍କ ବିବାହ ଡ୍ରେସ୍ ସର୍ଚ୍ଚ କରିଥିଲେ। ଅନେକ ଓ୍ବେବ୍ସାଇଟ ସର୍ଚ୍ଚ କରିବା ପରେ, ଶେଷରେ ସେ ଏକ ଡ୍ରେସ୍ ଦେଖିଥିଲେ। ଯାହାକି ଲିଲିଙ୍କର ବହୁତ ପସନ୍ଦ ଆସିଥିଲା। ସେ ଅନ୍ଲାଇନ୍ରେ ଡ୍ରେସ୍ଟିକୁ ଅର୍ଡର କରିଥିଲେ। ମାତ୍ର ପରେ ଯେତେବେଳେ ଡ୍ରେସ୍ ଆସିଲା ଏହା ଦେଖି ତାଙ୍କ ପାଦତଳୁ ମାଟି ଖସିଗଲା।
ଲିଲି ଏହି ଡ୍ରେସ୍କୁ ସୋଡ଼ା କ୍ଲବ ଓ୍ବେବ୍ସାଇଟରୁ ଅର୍ଡର କରିଥିଲେ। ଡ୍ରେସ୍ଟି କଳା ରଙ୍ଗ ସହ ଫ୍ଲୋରାଲ ଥିଲା। ତଳେ ଲେସ୍ ଲାଗିଥିଲା। ପୋଷାକ ଦେଖି ଲିଲି ନିଜକୁ ସେହି ବିବାହ ଗାଉନ ସ୍ବପ୍ନର ଗାଉନ୍ ଭାବି ନେଇଥିଲେ। ସଙ୍ଗେ ସଙ୍ଗେ ଏହାକୁ ଅର୍ଡର କରିଥିଲେ। ଏହି ପୋଷାକ ଡେଲିଭର ହେବାକୁ ପ୍ରାୟ ତିନିମାସ ସମୟ ଲାଗିଲା। କିନ୍ତୁ ଯେତେବେଳେ ଲିଲି ସେହି ଡ୍ରେସ୍ ପ୍ୟାକେଟ୍ ଖୋଲି ଯାଞ୍ଚ କରିଥିଲେ ସେତେବେଳେ ତାଙ୍କର ସମସ୍ତ ସ୍ବପ୍ନ ଭାଙ୍ଗି ଚୂର୍ମାର ହୋଇଯାଇଥିଲା। ଲିଲି ଯେଉଁ ଡ୍ରେସ୍ ପସନ୍ଦ କରିଥିଲେ ଡ୍ରେସ୍ଟି ସେପରି ନ ଥିଲା।
ଲିଲି ଏହାକୁ ପିନ୍ଧିବା ପରେ ଦୁଃଖିତ ହୋଇଥିଲେ। ସେ ଭାବିଥିଲେ ଅର୍ଡର ଫେରାଇବେ କିନ୍ତୁ ଯେତେବେଳେ ସେ ଫେରାଇବା ପାଇଁ ସାଇଟ୍ ଖୋଲିଲେ ସେହି ସାଇଟ୍ ଡିଲିଟ୍ ହୋଇଯାଇଥିଲା।
ଏହା ପରେ ଲିଲି ତାଙ୍କ ସହ ଘଟଣାର ଏକ ଭିଡିଓ ପ୍ରସ୍ତୁତ କରି ଲୋକଙ୍କ ସହ ଶେୟାର କରିଥିଲେ। ସେ ଅନ୍ୟ ଲୋକଙ୍କୁ ଚେତାବନୀ ଦେଇଛନ୍ତି ଯେ, ଯଦି ସେମାନେ ଏହି ସାଇଟ୍ କେବେ ଦେଖନ୍ତି, ତେବେ ସେମାନେ ଭୁଲ୍ରେ ମଧ୍ୟ ଏହାର ଜାଲରେ ପଡ଼ିବା ଉଚିତ୍ ନୁହେଁ। ଲିଲିଙ୍କ ଏହି ପୋଷ୍ଟ ପରେ ଅନେକ ଲୋକ ଏହା ଉପରେ ମନ୍ତବ୍ୟ ଦେଇଛନ୍ତି। ଜଣେ ୟୁଜର କହିଛନ୍ତି, ମୁଁ ଏମିତି ଏକ ଡ୍ରେସ୍ ମଗାଇବାକୁ ଚାହୁଁଥିଲି। ସେହିପରି ଅନେକ ୟୁଜର ଭିନ୍ନ ଭିନ୍ନ ମତ ଦେଇଛନ୍ତି।
