ଏକ କଥା ନିଶ୍ଚିତ ଜାଣିଥିବେ, ଯଦି ପ୍ରେମ କରିବ ଡରିବନି, ଯଦି ଡରିବ ପ୍ରେମ କରିବନି। ଦୁନିଆରେ ବହୁତ କମ୍ ଲୋକ ଅଛନ୍ତି, ଯେଉଁମାନେ ସମସ୍ତଙ୍କ ସାମ୍ନାରେ ନିଜ ପ୍ରେମକୁ ପ୍ରକାଶ ଏବଂ ସ୍ବୀକାର କରିବାକୁ ସାହସ କରିଥାନ୍ତି। ଭଲ ପାଇବା ସହଜ କିନ୍ତୁ ସମସ୍ତଙ୍କ ସାମ୍ନାରେ ଗ୍ରହଣ କରିବା କଷ୍ଟକର। ଆମେରିକାର ସାନ ଫ୍ରାନ୍ସିସ୍କୋରୁ ଜଣେ ବ୍ୟକ୍ତି ସାହସ ଦେଖାଇ ଲାଇଭ୍ ଶୋ’ ଚାଲିଥିବା ସମୟରେ ତାଙ୍କ ନ୍ୟୁଜ୍ ଆଙ୍କର୍ ଗର୍ଲଫ୍ରେଣ୍ଡକୁ ପ୍ରପୋଜ କରିଥିଲେ। ସେତେବେଳେ ସେ ଜାଣିବାକୁ ପାଇଲେ ଯେ, ସେ ତାଙ୍କୁ କେତେ ଭଲ ପାଆନ୍ତି। କାରଣ ଦୁନିଆ ସାମ୍ନାରେ ପ୍ରେମକୁ ପ୍ରକାଶ କରିବା ପାଇଁ ତାଙ୍କର ସାହସ ଥିଲା।
ଆଜିକାଲି ସୋସିଆଲ ମିଡିଆରେ ଜଣେ ନ୍ୟୁଜ୍ ଆଙ୍କରର ଏକ ଭିଡିଓ ଭାଇରାଲ ହେବାରେ ଲାଗିଛି। ଏହି ଯୁବତୀଙ୍କ ନାମ ହେଉଛି ମେରି ଲି। ଯିଏ ଲୋକଙ୍କୁ ପାଣିପାଗ ସୂଚନା ସମ୍ପର୍କରେ ଜଣାଇଥାନ୍ତି। ଆମେରିକୀୟ ଏକ ଚ୍ୟାନେଲରେ ପାଣିପାଗ ସୂଚନା ଦେବାବେଳେ ମେରିୟମଙ୍କ ସହିତ ଏକ ଘଟଣା ଘଟିଥିଲା। ଯାହା ତାଙ୍କ ଜୀବନକୁ ବଦଳାଇ ଦେଇଥିଲା। ସେ ସାଧାରଣ ଦିନ ପରି ପାଗ ବିଷୟରେ କହୁଥିଲେ, ଯେତେବେଳେ ହଠାତ୍ ଦୁଇଜଣ ମହିଳା ଆସି ତାଙ୍କୁ ଗୋଲାପ ଦେଇଥିଲେ। ଏହା ପରେ ଜଣେ ବ୍ୟକ୍ତି ଆସିଲେ, ଯିଏ ତାଙ୍କ ପ୍ରେମିକ ଥିଲେ। ସେ ପ୍ରଥମେ ତାଙ୍କୁ ଫୁଲ ଦେଇଥିଲେ ଏବଂ ତା’ପରେ ଆଣ୍ଠୁମାଡି ବସି ତାଙ୍କୁ ପ୍ରପୋଜ କରିଥିଲେ।
ଭିଡିଓରେ ଦେଖାଯାଇଥିବା ବ୍ୟକ୍ତିଙ୍କ ନାମ ଅଜିତ ନିନାନ ଏବଂ ତାଙ୍କ ସହ ଦେଖାଯାଇଥିବା ଦୁଇ ଝିଅ ଅଜିତଙ୍କ ଝିଅ ଅଟନ୍ତି। ମେରିୟମ ତାଙ୍କୁ ଦେଖି ସେ ବହୁତ ଖୁସି ହେଲେ। କିନ୍ତୁ ଯେତେବେଳେ ତାଙ୍କ ପ୍ରେମିକ ତାଙ୍କୁ ପ୍ରସ୍ତାବ ଦେଲେ ସେତେବେଳେ ସେ ଆଶ୍ଚର୍ଯ୍ୟ ହୋଇଥିଲେ। ସେଠାରେ ଅଜିତ ଏକ ମୁଦି ମଧ୍ୟ ଦେଇଥିଲେ। ଏହା ଦେଖିବା ପରେ ନ୍ୟୁଜ୍ ଆଙ୍କରଙ୍କ ଆଖିରୁ ଲୁହ ଝରି ଆସିଥିଲା। ସେ ଜାଣିଲେ ଯେ, ତାଙ୍କ ପ୍ରେମିକ ତାଙ୍କୁ କେତେ ଭଲପାଆନ୍ତି। ସମସ୍ତଙ୍କ ସାମ୍ନାରେ କହିବାର ସାହସ ତାଙ୍କର ଅଛି। ସେ ଖୁସି ହୋଇ କାନ୍ଦି ପକାଇଥିଲେ।
