ବନ୍ତ,୨୦ା୮(ହରିନାରାୟଣ ମହାନ୍ତି): ଭଦ୍ରକ ଜିଲା ବନ୍ତ ଥାନା ଅଧିନ ହାଟଡିହୀ ଶାଖା କେନାଲର ଜଗନ୍ନାଥପୁର ଫଲ ଠାରେ ରବିବାର ଜଣେ ଯୁବକଙ୍କ ମୃତଦେହ ଭାସୁଥିବା ବେଳେ ଉଦ୍ଧାର କରାଯାଇଛି ା ମୃତ ଯୁବକ ଜଣକ ବନ୍ତ ଥାନା ପଧାନପଡା ଆଦିବାସୀ ସାହିର ଟାଙ୍ଗୁର ମୁଣ୍ଡାଙ୍କ ପୁଅ ରଙ୍ଗାଧର(୨୪)
ସୂଚନାଯୋଗ୍ୟ, ଗତ ୪ ଦିନ ହେବ ରଙ୍ଗାଧର ଘରୁ ନିଖୋଜ ଥିଲେ ା ପରିବାର ଲୋକେ ବହୁ ଖୋଜାଖୋଜି କରିଥିଲେ ମଧ୍ୟ ତାଙ୍କର ସନ୍ଧାନ ମିଳି ନ ଥିଲା ା ରବିବାର ସକାଳେ ସ୍ଥାନୀୟ ଲୋକେ ବିଲକୁ ଚାଷ କାର୍ଯ୍ୟ ପାଇଁ ଯାଉଥିବା ବେଳେ କେନାଲ ଭିତରେ ଏକ ଶବ ଭାସୁଥିବା ଦେଖି ଖବର ଦେଇଥିଲେ ା ଆଦିବାସୀ ସାହିର ଲୋକମାନେ ସେଠାରେ ପହଞ୍ଚି ପାଣିରୁ ଯୁବକଙ୍କ ମୃତଦେହକୁ ଉଦ୍ଧାର କରିଥିଲେ ା ଏନେଇ ରଙ୍ଗାଧରଙ୍କ ପତ୍ନୀ ଥାନାରେ ଅଭିଯୋଗ କରିବା ପରେ ପୋଲିସ ପହଞ୍ଚି ଶବକୁ ଜବତ କରି ଏକ ଅପମୃତ୍ୟୁ ମାମଲା ରୁଜୁ କରି ଜିଲା ମୁଖ୍ୟ ଚିକିତ୍ସାଳୟକୁ ବ୍ୟବଚ୍ଛେଦ ପାଇଁ ପଠାଇଛି ା ରଙ୍ଗାଧରଙ୍କ ମୃତ୍ୟୁରେ ପତ୍ନୀ ଓ ଏକମାତ୍ର ପୁଅ ବେସାହାରା ହୋଇପଡିଛନ୍ତି ା
