ଇସଲାମାବାଦ,୪ା୨: ଉତ୍ତର ପଶ୍ଚିମ ପାକିସ୍ତାନର ଏକ ହ୍ରଦରେ ଡଙ୍ଗା ବୁଡ଼ିଯିବା ପରେ ଉଦ୍ଧାର କର୍ମଚାରୀମାନେ ଅନ୍ୟ ଜଣେ ଛାତ୍ରଙ୍କ ମୃତଦେହ ଉଦ୍ଧାର କରିଛନ୍ତି। ଏହା ସହିତ ଏହି ଦୁର୍ଘଟଣାରେ ମୃତ୍ୟୁସଂଖ୍ୟା ୫୨କୁ ବୃଦ୍ଧି ପାଇଥିବା ପୋଲିସ ସୂଚନା ଦେଇଛି।
ଜାନୁୟାରୀ ୨୯ରେ ଖାଇବର ପଖତୁନଖଓ୍ବା ପ୍ରଦେଶ କୋହଟ ଜିଲା ଅନ୍ତର୍ଗତ ତଣ୍ଡା ହ୍ରଦରେ ବୁଡ଼ିଯାଇଥିବା ସମସ୍ତ ୫୨ ଜଣଙ୍କ ମୃତଦେହକୁ ପାକିସ୍ତାନୀ ସେନା ପକ୍ଷରୁ ଉଦ୍ଧାର କରାଯାଇଛି ବୋଲି ପୋଲିସ କହିଛି।
ଅଧିକାରୀଙ୍କ ଅନୁଯାୟୀ, ଜାନୁୟାରୀ ୩୦ରେ ୪ ଛାତ୍ରଙ୍କୁ ଉଦ୍ଧାର କରାଯାଇଥିଲା। ସେ କହିଛନ୍ତି, ମଦ୍ରାସା ଛାତ୍ର ଓ କର୍ମଚାରୀଙ୍କୁ ନେଇ ଡଙ୍ଗାରେ କେତେ ଲୋକ ଥିଲେ, ତାହା ସ୍ପଷ୍ଟ ହୋଇନାହିଁ। ଖାଇବର ପଖତୁନଖଓ୍ବା ପ୍ରଦେଶର କାର୍ଯ୍ୟନିର୍ବାହୀ ମୁଖ୍ୟ ଆଜାମ ଖାନ୍ ପୀଡ଼ିତ ପରିବାରକୁ ଜରୁରିକାଳୀନ ସହାୟତା ପ୍ରଦାନ କରିବାକୁ ସ୍ଥାନୀୟ ପ୍ରଶାସନକୁ ନିର୍ଦ୍ଦେଶ ଦେଇଛନ୍ତି।
