କୁଜଙ୍ଗ,୨୫।୨(ଡି.ଏନ୍,ଏ.): ତୈଳ ବିଶୋଧନାଗାର ପ୍ରକଳ୍ପରୁ ଡ୍ୟୁଟିସାରି ଘରକୁ ଫେରୁଥିବାବେଳେ ଜଣେ ଶ୍ରମିକଙ୍କ ଅସ୍ବାଭାବିକ ଭାବେ ଶୁକ୍ରବାର ମୃତ୍ୟୁ ହୋଇଛି। ସେ ହେଲେ କୁଜଙ୍ଗ ଥାନା ଅନ୍ତର୍ଗତ ଗଣ୍ଡକିପୁର ଗ୍ରାମର ରବୀନ୍ଦ୍ର ବେହେରାଙ୍କ ପୁଅ ସୁବାସ ବେହେରା। ଏହାପରେ କ୍ଷତିପୂରଣ ଦାବି କରି ଗ୍ରାମବାସୀ ଓ କେତେଜଣ ଶମ୍ରିକ ଆଇଓସିଓଲ୍ର ମୁଖ୍ୟ ଫାଟକ ସମ୍ମୁଖରେ ମୃତଦେହ ରଖି ଅବରୋଧ କରିଥିଲେ। ଏନେଇ ସେଠାରେ ଉତ୍ତେଜନା ପ୍ରକାଶ ପାଇଥିଲା ା ପ୍ରକାଶ ଯେ, ସୁବାସ ଆଇଓସିଏଲରେ କାର୍ଯ୍ୟରତ ମେଘା ଇଞ୍ଜିନିୟରିଂରେ ଶ୍ରମିକ ଭାବେ କାର୍ଯ୍ୟ କରୁଥିଲେ ା ଶୁକ୍ରବାର ଭୋରୁ କାର୍ଯ୍ୟସାରି ଘରକୁ ଫେରୁଥିବାବେଳେ ବାଟରେ ଅସୁସ୍ଥ ହୋଇ ତଳେ ପଡ଼ିଯାଇଥିଲେ। ଖବରପାଇ ପରିବାର ସଦସ୍ୟ ଓ ଗ୍ରାମବାସୀ ଘଟଣାସ୍ଥଳରେ ପହଞ୍ଚତ୍ ତାଙ୍କୁ ଉଦ୍ଧାର କରି ଆମ୍ବୁଲାନ୍ସ ଯୋଗେ କୁଜଙ୍ଗ ଡାକ୍ତରଖାନାରେ ଭର୍ତ୍ତି କରିଥିଲେ ା ସେଠାରେ ସୁବାଷଙ୍କୁ ଡାକ୍ତର ମୃତ ଘୋଷଣା କରିଥିଲେ। ଏନେଇ ମୃତକଙ୍କ ପରିବାରକୁ ୧୦ ଲକ୍ଷ ଟଙ୍କା କ୍ଷତିପୁରଣ ଓ ବିଧବା ସ୍ତ୍ରୀଙ୍କୁ ଥଇଥାନ ଦାବି କରି ଆଇସିଏଲ ମୁଖ୍ୟ ଫାଟକକୁ ଗ୍ରାମବାସୀ ଓ ପରିବାର ସଦସ୍ୟ ଅବରୋଧ କରିଥିଲେ। ବିପିନ ପ୍ରଧାନ ଓ ବିଶ୍ୱଜିତ ମହାପାତ୍ର ଏହାର ନେତୃତ୍ୱ ନେଇଥିଲେ। ଫଳରେ ଉକ୍ତ ବାଟଦେଇ ଯାତୟାତ ଠପ୍ ହୋଇଯାଇଥିଲା। ସନ୍ଧ୍ୟାରେ ମେଘା ଇଞ୍ଜିନିୟରିଂ କର୍ତ୍ତୃପକ୍ଷ, ଆଇଓସିଏଲ୍ କର୍ତ୍ତୃପକ୍ଷ ଏବଂ ଆନ୍ଦୋଳନକାରୀଙ୍କ ମଧ୍ୟରେ ଆଲୋଚନା ହୋଇଥିଲା। କ୍ଷତିପୂରଣ ରାଶି ବାବଦରେ ୨ଲକ୍ଷ ୮୦ ହଜାର ଟଙ୍କା ଓ ମୃତକଙ୍କ ସ୍ତ୍ରୀଙ୍କୁ ନିଯୁକ୍ତି ନିମନ୍ତେ ପ୍ରତିଶ୍ରୁତି ମିଳିବା ପରେ ଅବରୋଧ ହଟିଥିଲା ା
