ଛତ୍ରପୁର,୬ା୪(ସନ୍ତୋଷ ପାଢ଼ୀ/ଦିଲ୍ଲୀପ ସାମଲ): ଗଞ୍ଜାମ ଜିଲା ହେଡ୍କ୍ୱାର୍ଟର ଛତ୍ରପୁରଠାରେ ଭାଜପା ପକ୍ଷରୁ ଶକ୍ତି ପ୍ରଦର୍ଶନ କରାଯାଇଛି। ଏଥିରେ ବ୍ରହ୍ମପୁର ଏମ୍ପି ଭାଜପା ପ୍ରାର୍ଥୀ ପ୍ରଦୀପ ପାଣିଗ୍ରାହୀ, ଚଳଚ୍ଚିତ୍ର ଅଭିନେତା ତଥା ଭାଜପା ନେତା ଅରିନ୍ଦମ ରାୟ ଏବଂ ଛତ୍ରପୁର ବିଧାୟକ ଭାଜପା ପ୍ରାର୍ଥୀ କୃଷ୍ଣ ଚନ୍ଦ୍ର ନାୟକଙ୍କ ସମେତ ଭାଜପା ନେତା ଓ କର୍ମୀ ଛତ୍ରପୁରରେ ଅନୁଷ୍ଠିତ ଏକ ବାଇକ୍ ରାଲିରେ ସାମିଲ ହୋଇଥିଲେ। ଓଡ଼ିଶାରେ ଅରେଞ୍ଜ ରିଭଲ୍ୟୁସନ ଆସିବ ଏବଂ ଏହା ମୁଖ୍ୟମନ୍ତ୍ରୀଙ୍କ ଗଞ୍ଜାମ ଜିଲାରୁ ଆରମ୍ଭ ହେବ ବୋଲି ଭାଜପା ନେତା ପ୍ରଦୀପ ପାଣିଗ୍ରାହୀ ଏଠାରେ ଖବରଦାତାଙ୍କୁ କହିଛନ୍ତି। ଏଥିସହ ସୁନାମି ଲହଡ଼ି ଆସିବ ଏଥିରେ ପଦ୍ମ ଫୁଟିବ ଏବଂ ଶଙ୍ଖ ହଟିବ ବୋଲି ସେ ଦୃଢ଼ୋକ୍ତି ବାଢ଼ିଛନ୍ତି। ଅଭିନେନା ତଥା ଭାଜପା ନେତା ଅରିନ୍ଦମ କହିଛନ୍ତି, ଡବଲ ଇଞ୍ଜିନ ସରକାର ନେଇ ସମସ୍ତେ ସଙ୍କଳ୍ପ କରିଛନ୍ତି। ଓଡ଼ିଶାରେ ପରିବର୍ତ୍ତନ ଦରକାର ଏବଂ ସମସ୍ତେ ଚାହୁଁଛନ୍ତି। ଏହି ରାଲି ହିଁ ଶୁଭ ଶଙ୍କେତ ଦେଇଥିବା ଅରିନ୍ଦମ କହିଥିଲେ। ଜିଲା ଭାଜପା ସଭାପତି ସୁବାସ ସାହୁ କହିଛନ୍ତି, ଗଞ୍ଜାମ ଜିଲାର ୨ ବ୍ରହ୍ମପୁର ଓ ଆସିକା ଏମ୍ପି ଆସନ ଏବଂ ୮ରୁ ୧୦ ବିଧାସନଭା ଆସନ ଭାଜପା ହାତେଇବ।
