କୋଲକାତା,୫ ।୪: ଦେଶରେ ମହଙ୍ଗା ମାଡରେ ବେହାଲ ହେଲେଣି ସାଧାରଣ ଜନତା । ପେଟ୍ରୋଲ – ଡିଜେଲର ଦାମ ଲଗାତାର ବଢି ଚାଲିଛି । ଗତମାସରେ ୧୧ ଦିନରେ ୧୩ଥର ବଢିଲାଣି ତୈଳ ଦର । ମହଙ୍ଗା ମାଡ ଓ ତୈଳଦର ବୃଦ୍ଧିକୁ ନେଇ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ କେନ୍ଦ୍ର ସରକାରଙ୍କୁ ଟାର୍ଗେଟ କରିଛନ୍ତି । ସେ କହିଛନ୍ତି ମହାଙ୍ଗା ମାଡ ଦ୍ୱାରା ଉପୁଜିଥିବା ଆର୍ଥିକ ସଙ୍କଟକୁ ସାମ୍ନା କରିବାକୁ ମୋଦି ସରକାରଙ୍କ ପାଖରେ କୌଣସି ଯୋଜନା ନାହିଁ । ସେଥିପାଇଁ ଉପୁଜିଥିବା ଆର୍ଥିକ ପରିସ୍ଥିତିକୁ ସୁଧାରିବା ପାଇଁ ସମାଧାନ ବାହାର କରିବାକୁ କେନ୍ଦ୍ର ସରକାର ସର୍ବଦଳୀୟ ବୈଠକ ଡାକିବା ଜରୁରୀ ।
ରାଜ୍ୟ ସଚିବାଳୟରେ ଖରଦାତାଙ୍କ ସହ କଥା ହେବା ସମୟରେ ତ୍ରୁଣମୂଳ କଂଗ୍ରେସ ମୁଖ୍ୟ ମମତା ବାନାର୍ଜୀ କେନ୍ଦ୍ରର ଭାଜପା ସରକାରଙ୍କୁ ଟାର୍ଗେଟ କରିଛନ୍ତି । ସେ କହିଛନ୍ତି ଉତ୍ତର ପ୍ରଦେଶ ବିଧାନସଭା ନିର୍ବାଚନରେ ମିଳିଥିବା ବିଜୟ ପରେ କେନ୍ଦ୍ର ସରକାର ଜନତାଙ୍କୁ ରିଟର୍ନ ଗିଫ୍ଟ ଦେଇଛନ୍ତି । ୧୧ ଦିନରେ ୧୩ ଥର ଦୈଳଦର ବୃଦ୍ଧି ସେଥିମଧ୍ୟରୁ ଗୋଟିଏ ।
