ଭୋପାଳ,୨୪ ।୧: ନେତାଜୀ ସୁଭାଷ ଚନ୍ଦ୍ର ବୋଷଙ୍କ ୧୨୫ତମ ଜୟନ୍ତି ଅବସରରେ ସାରା ଦେଶରେ ବିଭିନ୍ନ କାର୍ଯ୍ୟକ୍ରମମାନ ଅନୁଷ୍ଠିତ ହୋଇଯାଇଛି । ପଶ୍ଚିମବଙ୍ଗରେ ଆଗକୁ ବିଧାନସଭା ନିର୍ବାଚନ ଥିବାରୁ ଭାରତୀୟ ଜନତା ପାର୍ଟି(ଭାଜପା) ବହୁ କାର୍ଯ୍ୟକ୍ରମରେ ଯୋଗ ଦେଇଥିବା ଦେଖାଯାଇଥିଲା । ଅନ୍ୟପଟେ ମୁଖ୍ୟମନ୍ତ୍ରୀ ମମତା ବାନାର୍ଜୀ ମଧ୍ୟ ଏହି ଅବସରରେ ରୋଡ ଶୋ’ରେ ଯୋଗ ଦେଇଥିଲେ । ନେତାଜୀଙ୍କ ଜୟନ୍ତିକୁ ନେଇ ମଧ୍ୟପ୍ରଦେଶ ଇନ୍ଦୋରରେ ଭାଜପା ଏମ୍ପି ଶଙ୍କର ଲାଲୱାନି ଏକ କାର୍ଯ୍ୟକ୍ରମରେ ଯୋଗ ଦେବାକୁ ପହଞ୍ଚିଥିଲେ । ସେଠାରେ ସେ ଜନତାଙ୍କୁ ସମ୍ବୋଧନ କରିବା ସମୟରେ ମଞ୍ଚ ଉପରେ ‘ନେତାଜୀ’ଙ୍କ ନାଁ ଭୁଲି ଯାଇଥିଲେ । ସେଠାରେ ସେ ନେତାଜୀଙ୍କ ନାମ ପରିବର୍ତ୍ତେ ଅମର ଶହୀଦ ଚନ୍ଦ୍ରଶେଖର ଆଜାଦଙ୍କ ନାଁ ନେଇଥିଲେ । ହେଲେ ସେ ଏହା ଜାଣି ପାରିବା ପରେ ତୁରନ୍ତ ଭ୍ରମ ସଂଶୋଧନ କରି ଦେଇଥିଲେ । କିନ୍ତୁ ଏହାକୁ ନେଇ କଂଗ୍ରେସ ଲାଲୱାନିଙ୍କୁ ଟାର୍ଗେଟ କରିଥିଲା । ଦଳର ଟୁଇଟର ଆକାଉଣ୍ଟରେ ଏମ୍ପି ଲାଲୱାନିଙ୍କର ଏକ ଭିଡିଓ ଅପଲୋଡ କରି ଲେଖିଛନ୍ତି କି ଏମ୍ପିଙ୍କୁ ନେତାଜୀଙ୍କ ନାମ ଜଣାନାହିଁ ।
ये हैं इंदौर के बीजेपी सांसद,
—इन्हें नेता जी सुभाष चन्द्र बोस का नाम तक नहीं मालूम। pic.twitter.com/RsJLbrh5fo— MP Congress (@INCMP) January 23, 2021
