ନୂଆଦିଲ୍ଲୀ,୧୬।୧୧ : ଦିଲ୍ଲୀର ଉପମୁଖ୍ୟମନ୍ତ୍ରୀ ତଥା ଏଏପି ନେତା ମନୀଷ ସିସୋଡିଆ ଭାଜପା ବିରୋଧରେ ଗୁରୁତର ଅଭିଯୋଗ ଆଣିଛନ୍ତି। ମନୀଷ ସିସୋଡିଆ ବୁଧବାର କହିଛନ୍ତି ଯେ ଗୁଜରାଟରେ ନିର୍ବାଚନରେ ଭାଜପା ହାରିବାକୁ ଯାଉଛି। ଭାଜପା ଆମ ଆଦମୀ ପାର୍ଟିର ସୁରଟ ପୂର୍ବ ପ୍ରାର୍ଥୀ କାଞ୍ଚନ ଜରିୱାଲାଙ୍କୁ ଅପହରଣ କରିଛି। ଗତକାଲି ଠାରୁ କାଞ୍ଚନ ଏବଂ ତାଙ୍କ ପରିବାର ନିଖୋଜ ଥିବା ମନୀଷ ସିସୋଡିଆ ଅଭିଯୋଗ କରିଛନ୍ତି। ଗତକାଲି ସେ ତାଙ୍କ ନାମାଙ୍କନପତ୍ର ଯାଞ୍ଚ ପାଇଁ କାର୍ଯ୍ୟାଳୟକୁ ଯାଇଥିଲେ। ଯାଞ୍ଚ ଶେଷ ହେବା ମାତ୍ରେ ଭାଜପା ଗୁଣ୍ଡମାନେ ତାଙ୍କୁ ସେଠାରୁ ନେଇ ଯାଇଥିଲେ। ସେବେଠାରୁ ତାଙ୍କର କୌଣସି ଖୋଜ ଖବର ନାହିଁ।
ମନୀଷ ସିସୋଡିଆ ଆହୁରି କହିଛନ୍ତି, ଏହା ଅତ୍ୟନ୍ତ ବିପଦଜନକ। ନିର୍ବାଚନ ଆୟୋଗ ନିରପେକ୍ଷ ନିର୍ବାଚନ କରିଥାନ୍ତି। ଏଭଳି ପରିସ୍ଥିତିରେ ପ୍ରାର୍ଥୀଙ୍କୁ ଅପହରଣ କରାଯାଇଛି, ତେଣୁ ନ୍ୟାୟ କେଉଁଠାରେ ଅଛି? ଗଣତନ୍ତ୍ରକୁ ଏଏପି ପ୍ରାର୍ଥୀ ନୁହେଁ ଭାଜପା ଅପହରଣ କରିଛି। ଏଥି ସହ ମନୀଷ ସିସୋଡିଆ ନିର୍ବାଚନ ଆୟୋଗଙ୍କ କାର୍ଯ୍ୟାଳୟକୁ ଯିବେ। ଯେଉଁଠାରେ ସୁରଟ ପୂର୍ବ ପ୍ରାର୍ଥୀ ତାଙ୍କ ଉପରେ ଚାପ ପକାଇ ନାମାଙ୍କନ ପ୍ରତ୍ୟାହାର କରାଯାଉଥିବା ନେଇ ନିର୍ବାଚନ ଆୟୋଗରେ ଅଭିଯୋଗ କରିବେ।
ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ ଏହି ବିଷୟରେ ଟୁଇଟ କରି ଲେଖିଛନ୍ତି ଯେ ସୁରଟ ପୂର୍ବ ପ୍ରାର୍ଥୀ କାଞ୍ଚନ ଜରିୱାଲା ଏବଂ ତାଙ୍କ ପରିବାର ଗତକାଲି ଠାରୁ ନିଖୋଜ ଅଛନ୍ତି। ପ୍ରଥମେ ଭାଜପା ତାଙ୍କ ନାମାଙ୍କନ ବାତିଲ କରିବାକୁ ଚେଷ୍ଟା କରିଥିଲା। କିନ୍ତୁ ତାଙ୍କ ନାମାଙ୍କନପତ୍ର ଗ୍ରହଣ କରାଯାଇଥିଲା। ପରେ ତାଙ୍କ ନାମାଙ୍କନ ପ୍ରତ୍ୟାହାର କରିବାକୁ ତାଙ୍କ ଉପରେ ଚାପ ପ୍ରୟୋଗ କରାଯାଉଥିଲା। ଏନେଇ ତାଙ୍କୁ ଅପହରଣ କରାଯାଇଛି କ ବୋଲି ସେ ପ୍ରଶ୍ନ କରିଛନ୍ତି।
