ହାଟଡିହୀ/ନିରାକାର ପରିଡା,୨।୫(ଶୁଭକାନ୍ତ ନାୟକ/ନିରାକାର ପରିଡା): କେନ୍ଦୁଝର ଜିଲା ହାଟଡିହୀ ବ୍ଲକର ହରମୋହନ ଶାସିନୀ ଏବଂ ଯୁଧିଷ୍ଠିର ମଲ୍ଲିକଙ୍କୁ ଭାଜପା ତରଫରୁ ଗୁରୁ ଦାୟିତ୍ୱ ପ୍ରଦାନ କରାଯାଇଛି । ଜିଲାସ୍ତରୀୟ ଏକ ବୈଠକରେ ଏହି ଦାୟିତ୍ୱ ପ୍ରଦାନ ନେଇ ଘୋଷଣା କରାଯାଇଛି ।ବୈଠକରେ ଭାଜପା ଜିଲା ସଭାପତି ଶୁକଦେବ ମହାନ୍ତଙ୍କ ସମେତ ଅନ୍ୟ ବରିଷ୍ଠ ନେତା ଏବଂ କାର୍ଯ୍ୟକର୍ତ୍ତା ଉପସ୍ଥିତ ରହି ଉଭୟଙ୍କୁ ସମ୍ବର୍ଦ୍ଧନା ଏବଂ ଶୁଭେଚ୍ଛା ଜଣାଯାଇଥିଲା । ହରମୋହନଙ୍କୁ ବାଲିବରେଇ ଏବଂ ଯୁଧିଷ୍ଠିରଙ୍କୁ ଶାଳନିଆଁ ମଣ୍ଡଳ ପ୍ରଭାରୀ ଦାୟିତ୍ୱ ପ୍ରଦାନ କରାଯାଇଛି।
ହାଟଡିହୀ ଭାଜପା କାର୍ଯ୍ୟାଳୟ ତରଫରୁ ଏକ ବୈଠକରେ ଉଭୟଙ୍କୁ ଭାଜପା କାର୍ଯ୍ୟକର୍ତ୍ତାମାନେ ସ୍ବାଗତ ଏବଂ ଶୁଭେଚ୍ଛା ଜଣାଇଛନ୍ତି। ବରିଷ୍ଠ ନେତା ଆଲୋକ ସେଠୀ, ଜ୍ଞାନ ରଞ୍ଜନ ସାମନ୍ତ ସିଂହାର, ସୁଶାନ୍ତ ଜେନା, ସୁନୀଲ ନାୟକ ଏବଂ ଅନ୍ୟ ଭାଜପା କାର୍ଯ୍ୟକର୍ତ୍ତାମାନେ ଉପସ୍ଥିତ ଥିଲେ। ଦଳ ତରଫରୁ ମିଳିଥିବା ଦାୟିତ୍ୱକୁ ସୂଚାରୁ ରୂପେ ତୁଲାଇବା ସହ ତୃଣମୂଳସ୍ତରରେ ଦଳକୁ ଅଧିକରୁ ଅଧିକ ମଜବୁତ କରାଯିବ ବୋଲି ଉଭୟ କହିଛନ୍ତି।
ସୂଚନା ଯୋଗ୍ୟ, ହରମୋହନ ଜଣେ ଦକ୍ଷ ଏବଂ ଶୃଙ୍ଖଳିତ କାର୍ଯ୍ୟକର୍ତ୍ତା ଭାବେ ପୂର୍ବରୁ ଅନେକ ଦାୟିତ୍ୱ ନିର୍ବାହ କରିଛନ୍ତି। ସେ ଏବେ ଜିଲା କାର୍ଯ୍ୟକାରିଣୀ ସଦସ୍ୟ ଅଛନ୍ତି। ପୂର୍ବରୁ ଜିଲା କୃଷକ ମୋର୍ଚ୍ଚା ସାଧାରଣ ସମ୍ପାଦକ, ହାଟଡିହୀ ମଣ୍ଡଳ ଏବଂ ଯୁବ ମୋର୍ଚ୍ଚା ସଭାପତି, କଟକ ଜିଲା ମାହାଙ୍ଗାରେ ବିସ୍ତାରକ, ଝାଡଖଣ୍ଡ, ପଶ୍ଚିମବଙ୍ଗ, ବାଲେଶ୍ୱର, ପାଟକୁରାରେ ପ୍ରଭାରୀ ଦାୟିତ୍ୱ ତୁଲାଇଛନ୍ତି । ଏଥିସହ ମରୈଗାଁ ସମବାୟ ସମିତିର ସଭାପତି ଦାୟିତ୍ୱ ମଧ୍ୟ ତୁଲାଇ ଥିଲେ।
