ହାଇଦ୍ରାବାଦ,୨୪।୧୧ : ତେଲେଙ୍ଗାନା ପୋଲିସର ଏସଆଇଟି ଗୁରୁବାର ତେଲେଙ୍ଗାନାର ଶାସକ ତେଲେଙ୍ଗାନା ରାଷ୍ଟ୍ର ସମିତି (ଟିଆରଏସ)ର ଚାରିଜଣ ବିଧାୟକଙ୍କ କିଣାବିକା କାରବାର ମାମଲାରେ ଭାଜପା ଜାତୀୟ ସଂଗଠନର ମହାସଚିବ ବି.ଏଲ ସନ୍ତୋଷଶ ଏବଂ ଅନ୍ୟ ତିନିଜଣଙ୍କ ବିରୋଧରେ ଅଭିଯୋଗ ଆଣିଛି। ଏହା ସହିତ ଏହି ମାମଲାରେ ଅଭିଯୁକ୍ତଙ୍କ ସଂଖ୍ୟା ସାତକୁ ବୃଦ୍ଧି ପାଇଛି। ନଭେମ୍ବର ୨୬ କିମ୍ବା ୨୮ରେ ପଚରାଉଚରା ପାଇଁ ହାଜର ହେବାକୁ ପୋଲିସ ହାଇକୋର୍ଟଙ୍କ ନିର୍ଦ୍ଦେଶ ଅନୁସାରେ ସନ୍ତୋଷଙ୍କୁ ଆଉ ଏକ ନୋଟିସ ଜାରି କରିଛି।
ଏହାପୂର୍ବରୁ, ନଭେମ୍ବର ୨୧ରେ ପଚରାଉଚରା ପାଇଁ ହାଜର ହେବାକୁ ଏସଆଟି ସନ୍ତୋଷ ଏବଂ ଅନ୍ୟମାନଙ୍କୁ ନୋଟିସ ଜାରି କରିଥିଲା।
ଦୁର୍ନୀତି ନିବାରଣ ବ୍ୟୁରୋର ସ୍ବତନ୍ତ୍ର ଅଦାଲତରେ ଏସଆଇଟି ଏକ ମେମୋ ଦାଖଲ କରିଛି ଯେଉଁଥିରେ ବି.ଏଲ ସନ୍ତୋଷ, ଭାରତ ଧର୍ମ ଜନ ସେନା ମୁଖ୍ୟ ତୁଷାର ଭେଲାପାଲ୍ଲି, କେରଳର ଡାକ୍ତର ଗଗୁ କୋଟିଲିଲ ଏବଂ ଆଇନଜୀବୀ ଭୁସାରପୁ ଶ୍ରୀନିବାସଙ୍କୁ ଏହି ମାମଲାରେ ଅଭିଯୁକ୍ତ କରାଯାଇଛି। ସାଇବରବାଦ ସୀମାରେ ଥିବା ମୋଇନାବାଦ ପୋଲିସ ଷ୍ଟେଶନରେ ଏହି ମାମଲା ରୁଜୁ ହୋଇଛି। ମୁଖ୍ୟ ଅଭିଯୁକ୍ତଙ୍କ ତାଲିକାରେ ରାମଚନ୍ଦ୍ର ଭାରତୀ, କେ ନନ୍ଦ କୁମାର ଏବଂ ସିମହାଜୀ ସ୍ବାମୀ ସମ୍ପ୍ରତି ନ୍ୟାୟିକ ହେପାଜତରେ ରହିଛନ୍ତି।
କ୍ରାଇମବ୍ରାଞ୍ଚର ଧାରା ୪୧-ଏ ଅନୁଯାୟୀ ଓ୍ବାଇଏସଆର କଂଗ୍ରେସର ବିଦ୍ରୋହୀ ଏମ୍ପି କେ ରଘୁରାମ କୃଷ୍ଣ ରାଜୁଙ୍କୁ ଏକ ନୋଟିସପଠାଇବାକୁ ଏସଆଇଟି ଅଧିକାରୀମାନେ ଯୋଜନା କରୁଛନ୍ତି। ତେବେ ଏଥିରେ ଅସନ୍ତୁଷ୍ଟ ରାଜନେତା କିପରି ଜଡିତ ଅଛନ୍ତି ତାହା ସ୍ପଷ୍ଟ ହୋଇନାହିଁ। ଡାକ୍ତର ଜଗୁଙ୍କ ଭାଇ ମାନିଲାଲ ଏବଂ ତାଙ୍କର ତିନିଜଣ ବ୍ୟକ୍ତିଗତ ସହାୟକ ଶରତ, ପ୍ରଶାନ୍ତ ଏବଂ ଭିମଲ ତଥା ଅମୃତା ଡାକ୍ତରଖାନାର ମୁଖ୍ୟ ସୁରକ୍ଷା ଅଧିକାରୀ (ସିଏସଓ) କୁ ମଧ୍ୟ ଏସଆଇଟି ଧାରା ୪୧-ଏ ଅନୁଯାୟୀ ନୋଟିସ ପଠାଯିବ।
