ଡେରାଡୁନ୍, ୧୬।୧୨: ଆସନ୍ତା ୨୦୨୨ରେ ଉତ୍ତରାଖଣ୍ଡରେ ବିଧାନସଭା ନିର୍ବାଚନ ହେବାକୁ ଯାଉଛି। ଏନେଇ ଭାଜପା ଏବଂ କଂଗ୍ରେସ ଭୋଟରଙ୍କୁ ହାତେଇବା ପାଇଁ ଆର୍ମି କାର୍ଡ ଖେଳିବା ଆରମ୍ଭ କରିଛନ୍ତି। ପୂର୍ବତନ ସିଡ଼ିଏସ୍ ବିପିନ ରାଓ୍ବତ ଉତ୍ତରାଖଣ୍ଡର ବାସିନ୍ଦା। ତେଣୁ ଉଭୟ ଭାଜପା ଏବଂ କଂଗ୍ରେସ ଭୋଟରଙ୍କୁ ଆକର୍ଷିତ କରିବା ଲାଗି ରାଓ୍ବତଙ୍କ ସାହାରା ନେଉଛନ୍ତି। ଏହି ମର୍ମରେ ରାହୁଲଙ୍କ ରାଲିରେ ଇନ୍ଦିରା ଗାନ୍ଧୀଙ୍କ ସହିତ ରାଓ୍ବତଙ୍କ ବୃହତ୍ କଟ୍ଆଉଟ୍ ଲଗାଯାଇଛି।
ଆର୍ମି କାର୍ଡକୁ ଭରସା କରି ଭାଜପା ଏବଂ କଂଗ୍ରେସ ନିର୍ବାଚନ ବୈତରଣୀ ପାର୍ କହିବାର ଲକ୍ଷ୍ୟ ରଖିଛନ୍ତି। ରାଜ୍ୟରେ ଅବସରପ୍ରାପ୍ତ ସେନା କର୍ମଚାରୀ ଏବଂ ସେମାନଙ୍କ ପରିବାର ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାନ୍ତି। ଏହାର ଲାଭ ଦେବାକୁ ଭାଜପା କଂଗ୍ରେସ ପ୍ରାଣପଣେ ଉଦ୍ୟମ କରୁଛନ୍ତି।
