ପାଟନା,୨୭ ।୮: ଆୟ ବହିର୍ଭୁତ ସମ୍ପତି ଠୁଳ ମାମଲାରେ ଶନିବାର ଭିଜିଲାନ୍ସ ଟିମ ବିହାରର ଜଣେ ସରକାରୀ ଇଞ୍ଜିନିୟରଙ୍କ ଘରେ ଚଢାଉ କରିଛନ୍ତି । ଚଢାଉ ସମୟରେ ଇଞ୍ଜିନିୟରଙ୍କ ଘରୁ ବହୁ ପରିମାଣରେ ନଗଦ ଟଙ୍କା ଜବତ କରାଯାଇଛି । କୁହାଯାଉଛି କି ତାଙ୍କର ୨ଟି ଘରେ ଚଢାଉ ଚାଲିଥିବା ବେଳେ ଏବେ ପର୍ଯ୍ୟନ୍ତ ୫ କୋଟିର ନଗଦ ଟଙ୍କା ଓ ଅଳଙ୍କାର ଜବତ କରାଯାଇଛି । ଟଙ୍କା ଗଣତି ଏବେ ଚାଲିଛି ।
ମିଳିଥିବା ସୂଚନା ଅନୁଯାୟୀ, ଭିଜିଲାନ୍ସ ଟିମ ଗ୍ରାମ୍ୟ କାର୍ଯ୍ୟ ବିଭାଗର କିଶାନଗଞ୍ଜ ମଣ୍ଡଳର କାର୍ଯ୍ୟନିର୍ବାହୀ ଇଞ୍ଜିନିୟର ସଞ୍ଜୟ କୁମାର ରାୟଙ୍କ ବିରୋଧରେ ଭିଜିଲାନ୍ସ ଟିମ୍ ଆୟ ବର୍ହିଭୁତ ସମ୍ପତି ମାମଲା ରୁଜୁ କରିଥିଲା । ଶନିବାର ଭିଜିଲାନ୍ସ ଟିମ୍ କିଶାନଗଞ୍ଜ ଓ ପାଟନାରେ ଥିବା ସଞ୍ଜୟଙ୍କ ଘର ଉପରେ ଚଢାଉ କରିଥିଲା । ଭିଜିଲାନ୍ସ ତାଙ୍କ ଘରେ ପହଞ୍ଚିବା ପରେ ଜଣାପଡିଥିଲା କି ଇଞ୍ଜିନିୟର ତାଙ୍କ ଜୁନିୟର ଇଞ୍ଜିନିୟର ଓ କ୍ୟାସିୟର ନିକଟରେ ସମସ୍ତ ନଗଦ ଅର୍ଥ ରଖନ୍ତି । ଏହାପରେ ଭିଜିଲାନ୍ସ ଦଳ ସେଠାରେ ଚଢାଉ କରି ପ୍ରାୟ ୫ କୋଟି ନଗଦ ଟଙ୍କା ଜବତ କରିଛନ୍ତି । ମିଳିଥିବା ସୂଚନା ଅନୁଯାୟୀ, ସଞ୍ଜୟଙ୍କ ଘରେ ପ୍ରାୟ ୧୩ ଜଣ ଅଧିକାରୀ ଉପସ୍ଥିତ ଅଛନ୍ତି ।
