ମୁମ୍ବାଇ: ପଞ୍ଜାବି ସିଙ୍ଗର ଶହନାଜ ଗିଲ ଏବେ ଖୁବ୍ ଚର୍ଚ୍ଚାରେ । ପଞ୍ଜାବର କ୍ୟାଟ୍ରିନା କୈଫ ଭାବେ ପରିଚିତ ଶହନାଜ ବିଗ୍ ବସ୍ ୧୩ରେ ବି ନଜର ଆସିଥିଲେ । ଏବେ ସେ କୁଆଡେ ଫିଲ୍ମରେ ଏଣ୍ଟ୍ରି କରିବେ ବୋଲି ଶୁଣିବାକୁ ମିିଳିଛି । ଏକଥା ଅଫିସିଆଲି ଜଣା ନ ପଡିଥିଲେ ବି ଆଲୋଚନା ହେଉଛି । ବିଗ୍ ବସ୍ରେ ସିଦ୍ଧାର୍ଥ ଶୁକ୍ଳାଙ୍କ ସହ ତାଙ୍କ କେମେଷ୍ଟ୍ରି ଜବରଦସ୍ତ ଥିବା ବେଳେ ସେ ଟପ୍ ୫ରେ ପହଞ୍ଚଥିଲେ । ତାଙ୍କ ନାଁ ‘ସିଡନାଜ’ ହ୍ୟାସ ଟ୍ୟାଗକୁ ସେଇ ସୋସିଆଲ ମିଡିଆରେ ଟ୍ରେଣ୍ଡ ବି କରିଥିଲା । ଏହାପରେ ବି ଏହି ଯୋଡିଙ୍କୁ ଏକାଠି କାମ କରିବା ଦେଖାଯାଇଥିଲା । ଏମାନେ ଟୋନି କକ୍କଡଙ୍କ ଗୀତ’ ସୋନା ସୋନା’ରେ ବି ନଜର ଆସିଥିଲେ । ଏବେ ଅଲ୍ ବ୍ଲାକ ଲୁକରେ ନଜର ଆସିବା ପରେ ଆଲୋଚନା ହେଉଛି କି ଶହନାଜ ଖବ୍ ଶୀଘ୍ର ଫିଲ୍ମରେ ନଜର ଆସି ପାରନ୍ତି । ତେବେ ତାଙ୍କର ଏହି ଲୁକ୍ସ ଅନେକଙ୍କୁ ବେଶ୍ ପସନ୍ଦ ଆସିଛି ।
