ରାଜସ୍ଥାନ, ବିକାନେର୍ର ଯୁବକ ପବନ ବ୍ୟାସ ସବୁଠାରୁ ବଡ଼ ପଗଡ଼ି ବାନ୍ଧିବାରେ ରେକର୍ଡ କରିଛନ୍ତି। ୧୦୮ ପ୍ରକାର ପଗଡ଼ି ବାନ୍ଧିବାରେ ଧୁରନ୍ଧର ପବନ ୧୫୬୯ ଫୁଟ୍ ଲମ୍ବର ପଗଡ଼ିକୁ ବିନା ହେୟାର ପିନ୍ ଓ ଅଠାର ସାହାଯ୍ୟ ନେଇ ମୁଣ୍ଡରେ ବିରାଟକାୟ ପଗଡି ବାନ୍ଧି ଓ୍ବାର୍ଲଡ ବୁକ୍ ଅଫ୍ ରେକଡର୍ସରେ ସ୍ଥାନ ପାଇଛନ୍ତି। କେବଳ ସେତିକି ନୁହେଁ, ୨୦୧୯ରେ ସେ ନିଜ ହାତର ୫ ଆଙ୍ଗୁଳିର ଟିପ୍ସରେ ୧ ସେ.ମି.ରୁ ୩. ସେ.ମି.ର ବିଭିନ୍ନ ପ୍ରକାର ପଗଡି ବାନ୍ଧି ମଧ୍ୟ ରେକର୍ଡ କରିଥିଲେ। ପବନ କହନ୍ତି, ”ବଦଳୁଥିବା ଜୀବନଶୈଳୀ ସହ ଆମର ପୋଷାକ ପରିପାଟୀରେ ବି ପରିବର୍ତ୍ତନ ଆସିଛି। ତେଣୁ ଏବେ ପଗଡ଼ି ପିନ୍ଧିବାର ସଉକ କମିବାରେ ଲାଗିଛି, ଯାହାକୁ ପିନ୍ଧିବା ଦିନେ ଗର୍ବର କଥା ମନେ କରାଯାଥିଲା। ତେଣୁ ମୋ ଉଦ୍ଦେଶ୍ୟ ହେଉଛି ପୁରୁଣା ପରମ୍ପରା ଓ ସଂସ୍କୃତିକୁ ବଞ୍ଚାଇ ରଖିବା। ସେଥିପାଇଁ ଦୀର୍ଘ ୧୧ ବର୍ଷ ହେବ ମୁଁ ପଗଡ଼ି ବାନ୍ଧିବା କାମ କରୁଛି।“ ପଗଡ଼ି ବାନ୍ଧିବା କୌଶଳ ପାଇଁ ୪ଦଶକ ଧରି ତାଙ୍କ ପରିବାରକୁ ସ୍ଥାନୀୟ ଲୋକେ ‘ସାଫେ ବାଲା ବ୍ୟାସଜୀ’ ବୋଲି କୁହନ୍ତି । ତା’ଛଡ଼ା ପବନ ପଗଡ଼ିକୁ ନେଇ କରୁଥିବା ଅସାଧାରଣ କୌଶଳ ଓ ରେକର୍ଡ ତାଙ୍କ ସହରର ନାମ ସାରା ଦୁନିଆରେ ପରିଚିତ ହୋଇପାରିଛି।
