ଚେନ୍ନାଇ,୨୦।୩: ଆଇପିଏଲ୍ ୨୦୨୩ ମାର୍ଚ୍ଚ ୩୧ରୁ ଆରମ୍ଭ ହେବାକୁ ଯାଉଛି। ପ୍ରଥମ ମ୍ୟାଚ୍ରେ ଚାରିଥର ଚାମ୍ପିଅନ ଚେନ୍ନାଇ ସୁପର କିଙ୍ଗ୍ସ ଏବଂ ଡିଫେଣ୍ଡିଂ ଚାମ୍ପିଅନ ଗୁଜରାଟ ଟାଇଟାନ୍ସର ଦଳ ମୁହାଁମୁହିଁ ହେବେ। ଏହି ମ୍ୟାଚ ପୂର୍ବରୁ ସିଏସକେ ଦଳକୁ ଏକ ବଡ ଝଟ୍କା ଲାଗିଛି। ଆଇପିଏଲର ୧୬ତମ ସିଜିନରୁ ନ୍ୟୁଜିଲାଣ୍ଡର ଦ୍ରୁତ ବୋଲର କାଇଲ ଜେମସନ ଆହତ ଯୋଗୁ ବାଦ ପଡିଛନ୍ତି। ଚଳିତ ବର୍ଷ ମିନି ନିଲାମରେ ସିଏସକେ ୧ କୋଟି ଟଙ୍କାରେ ଜେମସନଙ୍କୁ କିଣିଥିଲା।
ଜେମସନ ଦୀର୍ଘ ଦିନ ହେବ ଆଘାତ ଜନିତ ସମସ୍ୟା ଦେଇ ଗତି କରୁଛନ୍ତି। ଏଭଳି ପରିସ୍ଥିତିରେ ସେ ନିଜକୁ ଆଇପିଏଲରୁ ମଧ୍ୟ ଦୂରେଇ ରଖିଛନ୍ତି। ବର୍ତ୍ତମାନ ସିଏସକେ ମଧ୍ୟ ଜେମସନଙ୍କ ବଦଳ ଖେଲାଳିଙ୍କ ନାଁ ଘୋଷଣା କରିଛି। ଜେଏମସନଙ୍କ ସ୍ଥାନରେ ସିଏସକେ ଦକ୍ଷିଣ ଆଫ୍ରିକାର ଦ୍ରୁତ ବୋଲର ସିସାନ୍ଦା ମଗାଲାଙ୍କୁ ଦଳରେ ସାମିଲ କରିଛି। ଏହି ଛୋଟ ଫର୍ମାଟରେ ମଗାଲାଙ୍କ ଅନେକ ଅଭିଜ୍ଞତା ଅଛି।
