ନୂଆଦିଲ୍ଲୀ,୬।୫: ଯୁଦ୍ଧ ସ୍ଥିତି ଭିତରେ ଆସିଲା ବଡ଼ ଖବର। ୫୩ ବର୍ଷ ତଳର ଗୋଟିଏ ଉପଗ୍ରହ, ଏବେ ପୃଥିବୀଆଡକୁ ମାଡି ଆସୁଛି । ମହାକାଶରେ ଘୂରି ବୁଲୁଥିବା ଏହି ଉପଗ୍ରହ, ଯେକୌଣସି ମୁହୂର୍ତ୍ତରେ ପୃଥିବୀରେ ମାଡ଼ ହେବା ସହିତ ବଡ଼ ଧରଣର ବିସ୍ଫୋରଣ କରିପାରେ । କୁହାଯାଉଛି ମେ ୧୦ ତାରିଖବେଳକୁ ଏହି ଉପଗ୍ରହ ପୃଥିବୀର ବାୟୁମଣ୍ଡଳରେ ପ୍ରବେଶ କରିପାରେ । ଆଉ ପୃଥିବୀର ବାୟୁମଣ୍ଡଳରେ ଏହା ପଶିବା ମାତ୍ରେ ଏହା ଭୂଇଁ ଆଡ଼କୁ ଅତି ଜୋରରେ ଆସିବା ସହିତ ପୃଥିବୀ ପୃଷ୍ଠରେ ମାଡ଼ ହେଇପାରେ ।
୫ ଶହ କିଲୋର ଓଜନ ବିଶିଷ୍ଟ ଏହି ଉପଗ୍ରହକୁ ୧୯୭୨ ମସିହାରେ ସୋଭିଏଗତ ୟୁନିୟନ ଲଞ୍ଚ କରିଥିଲା । ଯାହାକି ଶୁକ୍ର ଗ୍ରହରେ ଲ୍ୟାଣ୍ଡ କରିବା ନେଇ ଲକ୍ଷ୍ୟ ଧାର୍ଯ୍ୟ କରାଯାଇଥିଲା । ଶୁକ୍ର ଗ୍ରହରେ ଅଧିକ ଗରମ ସହିତ ବର୍ଷା ହେଉଥିବା କାରଣରୁ ଏହି ଉପଗ୍ରହକୁ ସବୁ ପରିସ୍ଥିତିକୁ ସହିବାକୁ ଡିଜାଇନ କରାଯାଇଥିଲା । ହେଲେ ଟେକ୍ନିକାଲ ଭୁଲ ପାଇଁ ଏହି ଉପଗ୍ରହ ଶୁକ୍ର ଗ୍ରହରେ ଲ୍ୟାଣ୍ଡ ନ କରି ପୃଥିବୀର କକ୍ଷରେ ଫସିଯାଇଥିଲା ।
ଯାହାପରେ କେବଳ ଲ୍ୟାଣ୍ଡରଟି ଦୀର୍ଘ ୫୦ ବର୍ଷରୁ ଅଧିକ ସମୟ ଧରି ପୃଥିବୀ ଚାରିପଟେ ବୁଲିଆସୁଥିଲା ହେଲେ ଏହି ସାମାନ୍ୟ ଉପଗ୍ରହଟି ପୃଥିବୀ ପାଇଁ ଏବେ ବଡ଼ ବିପଦ ସାଜିଛି । ନେଦରଲ୍ୟାଣ୍ଡର ଡିଫେଲ୍ଟ ଟେକ୍ନିକାଲ ୟୁନିଭର୍ସିଟିର ଜଣେ ଅଧ୍ୟାପକଙ୍କ କହିବା ଅନୁଯାୟୀ, ଏହି ଉପଗ୍ରହଟି କୌଣସି ବି ମୁହୂର୍ତ୍ତରେ ପୃଥିବୀ ଉପରେ ମାଡ଼ ହେଇପାରେ ।
କୁହାଯାଉଛି ଏହି ଉପଗ୍ରହଟି ପୃଥିବୀ ପୃଷ୍ଠରେ ମାଡ଼ ହେଲେ ଏସିଆ, ୟୁରୋପ କିମ୍ବା ଆମେରିକାର କୌଣସି ଅଞ୍ଚଳରେ ପଡିପାରେ । ଏହାସହ ପୃଥିବୀର ଅନେକ ଅଞ୍ଚଳରେ ମହାସାଗର ଥିବାରୁ ଏହି ମହାସାଗରରେ ମଧ୍ୟ ପଡିପାରେ । ହେଲେ ଯଦି ମହାସାଗର ବାଦ, ଏହା ପୃଥିବୀର ଭୂ-ପୃଷ୍ଠରେ ପଡ଼େ ତେବେ ବଡ଼ ଧରଣ ବିସ୍ଫୋରଣ ହେଇପାରେ ।
