ବାରିପଦା ଅଫିସ,୧।୩: ମୟୁରଭଞ୍ଜ ଜିଲାରେ ବିପର୍ଯ୍ୟସ୍ତ ଶିକ୍ଷା ବ୍ୟବସ୍ଥାର ସୁଧାର ଆଣିବା ଦାବିରେ ଅଗ୍ରଣୀ ଅଣରାଜନୈତିକ ସଙ୍ଗଠନ ଭଞ୍ଜସେନା ଛାତ୍ର ଶାଖା ପକ୍ଷରୁ ବୁଧବାର ଜିଲାପାଳଙ୍କ କାର୍ଯାଳୟ ଘେରାଉ କରାଯାଇଛି । ଜିଲାରେ ବନ୍ଦ ହୋଇ ପଡିଥିବା ହୋମିଓପ୍ୟାଥିକ ଓ ଆୟୁର୍ବେଦ କଲେଜକୁ ରାଜ୍ୟ ସରକାର ନିଜ ହାତକୁ ନେବା ସହିତ ବାରିପଦା ତକତପୁର ସ୍ଥିତ ମହାରାଜା ଶ୍ରୀରାମ ଚନ୍ଦ୍ର ଭଞ୍ଜଦେଓ ବିଶ୍ୱବିଦ୍ୟାଳୟ ଅଧୀନରେ ଚାଲିଥିବା ଦ୍ବିତୀୟ କ୍ୟାମ୍ପସରେ ଶିକ୍ଷକ ଅଣଶିକ୍ଷକ କର୍ମଚାରୀଙ୍କ ସମେତ ୫ଟି ନିୟମିତ ବିଭାଗକୁ ମୁଖ୍ୟ କ୍ୟାମ୍ପସ ମହାରାଜା ଶ୍ରୀରାମଚନ୍ଦ୍ର ଭଞ୍ଜ ଦେଓ ବିଶ୍ବବିଦ୍ୟାଳୟକୁ ସ୍ଥାନାନ୍ତର କରିବା, ପୂର୍ବରୁ କେନ୍ଦୁଝର ସ୍ଥିତ ଦ୍ବିତୀୟ କ୍ୟାମ୍ପସ ଭିତିଭୂମି ସଜାଡିବା ବାବଦରେ ଖର୍ଚ୍ଚ ହୋଇଥିବା ଅର୍ଥ ରାଶି ତୁରନ୍ତ ମୁଖ୍ୟ କ୍ୟାମ୍ପସ ପାଇଁ ଘୋଷଣା କରିବା ଦାବି ଗୁଡିକ ଉପସ୍ଥାପନ କରିଥିଲେ । ଛାତ୍ର ସଭାପତି ପ୍ରୀତମ ପଣ୍ଡାଙ୍କ ନେତୃତ୍ୱରେ ଶତାଧିକ ଛାତ୍ର ବିକ୍ଷୋଭରେ ସାମିଲ ହୋଇଛନ୍ତି।
