କର୍ମଜୀବୀ ହୋଇଥିଲେ…

ଏଣେ ଘର କାମ ଆଉ ପିଲାମାନଙ୍କର ଦାୟିତ୍ୱ। ସବୁକିଛି ଠିକ୍‌ ସମୟରେ ଶେଷ କରି ଅଫିସ୍‌ ବି ଯିବାକୁ ହେବ। ତେଣୁ କେତେବେଳେ କେଉଁ କାମ କରିବାକୁ ହେବ, କେମିତି ପ୍ରସ୍ତୁତ ହେବାକୁ ହେବ ସେସବୁ ପାଇଁ ବ୍ୟସ୍ତ ହୋଇ ପଡ଼ିଥାନ୍ତି କର୍ମଜୀବୀ। କିନ୍ତୁ ଠିକ୍‌ ଭାବରେ ପ୍ଲାନିଂ କରି ସବୁ କାମ କଲେ ବେଶ୍‌ ସହଜରେ ଘର ପରିବାର ଭିତରେ ସନ୍ତୁଳନ ରକ୍ଷା କରିହେବ…

ଆଗରୁ ପ୍ରସ୍ତୁତି: କର୍ମଜୀବୀ ମହିଳା ସବୁ କାମ ପାଇଁ ପୂର୍ବରୁ ପ୍ରସ୍ତୁତ ରୁହନ୍ତୁ। ଆସନ୍ତାକାଲି ପାଇଁ ପୂର୍ବ ଦିନ ରାତିରୁ ହିଁ ସବୁକିଛି କାମ ପାଇଁ ପ୍ରସ୍ତୁତି କରି ଦିଅନ୍ତୁ। ଅର୍ଥାତ୍‌ ଆସନ୍ତାକାଲି ସକାଳେ କ’ଣ ରୋଷେଇ କରିବାକୁ ହେବ କିମ୍ବା କ’ଣ ଜଳଖିଆ କରିବାକୁ ହେବ ସେ ନେଇ ସ୍ଥିର କରିବା ସହିତ ସେଥିପାଇଁ ପରିବା ଓ ଅନ୍ୟ ସାମଗ୍ରୀ ଅଲଗା କରି ରଖନ୍ତୁ। ଆବଶ୍ୟକ ହେଲେ ପରିବା କିଛି କାଟି ପୂର୍ବରୁ ରଖିପାରିବେ। କେବଳ ରୋଷେଇ ନୁହେଁ ବରଂ କ’ଣ ପିନ୍ଧି ଅଫିସ ଯିବେ ପୋଷାକ ମଧ୍ୟ ପୂର୍ବରୁ ବାହାର କରି ରଖନ୍ତୁ।
କାମ ବାଣ୍ଟନ୍ତୁ: ଆପଣଙ୍କ ନିର୍ଦ୍ଦିଷ୍ଟ ସମୟରେ ଅଫିସ ଯିବାକୁ ହେବ। ତେଣୁ ତା’ ପୂର୍ବରୁ ହିଁ ସବୁ ଘର କାମ ଶେଷ କରିବାକୁ ହେବ। ଏଥିପାଇଁ ଘରର ସବୁ କାମ କେବଳ ଆପଣ କରିଲେ ଠିକ୍‌ ସମୟରେ ଶେଷ ହେବ ନାହିଁ। ତେଣୁ ଘରର ଅନ୍ୟ ସଦସ୍ୟଙ୍କଠାରୁ କିଛି କାମରେ ସାହାଯ୍ୟ ନିଅନ୍ତୁ। କିନ୍ତୁ ମନେରଖିବେ ଶାଶୁ ଘରେ ପ୍ରତ୍ୟେକ ବ୍ୟକ୍ତିଙ୍କୁ କୌଣସି କାମ ପାଇଁ କହିଲେ ଅତ୍ୟନ୍ତ ଶାନ୍ତ ତଥା ତାଙ୍କ ମନୋଭାବକୁ ଲକ୍ଷ୍ୟ କରି କୁହନ୍ତୁ। କିନ୍ତୁ ଘରେ ଯଦି ସବୁ କାମରେ ସହଯୋଗ କରିବା ପାଇଁ କେହି ନିଯୁକ୍ତ ହୋଇଥାନ୍ତି ତେବେ ତାଙ୍କୁ ମଧ୍ୟ ଆଗୁଆ କାମ କରିବା ପାଇଁ କୁହନ୍ତୁ।
ସାପ୍ତାହିକ ଯୋଜନା: କର୍ମଜୀବୀ ମହିଳାଙ୍କୁ ସବୁ କାମ ପାଇଁ ସପ୍ତାହେ ପୂର୍ବରୁ ବି ଯୋଜନା କରିବାକୁ ହୋଇଥାଏ। ଯଦି କୌଣସି ବନ୍ଧୁଙ୍କ ଘରକୁ ଯିବାର ଥାଏ କିମ୍ବା କୌଣସି ସ୍ଥାନକୁ ବୁଲିବାକୁ ଯିବାର ଥାଏ, ତେବେ ସପ୍ତାହେ ପୂର୍ବରୁ ସେହି ସମୟ ସ୍ଥିର କରନ୍ତୁ। ଏହା ସହିତ ସେଦିନ କ’ଣ ପିନ୍ଧିବେ, କ’ଣ ସାଙ୍ଗରେ ନେବେ ସେସବୁ ମଧ୍ୟ ତାଲିକା କରି ଦିଅନ୍ତୁ। ସେହିପରି ଆପଣ ଯଦି ଆସନ୍ତା ସପ୍ତାହର କେଉଁଦିନ କ’ଣ ସବୁ ରୋଷେଇ କରିବେ ସେନେଇ ଏକ ତାଲିକା ପ୍ରସ୍ତୁତ କରିଦେବେ ତା’ହେଲେ ସବୁ କାମ ଶୀଘ୍ର ହୋଇପାରିବ।
ପ୍ରାଥମିକତା ଚିନ୍ତା:ବେଳେବେଳେ ହଠାତ୍‌ ଘର କାମ ବଢ଼ିଯାଏ। ଅଚାନକ କେହି ଘରକୁ ଆସିଯାଆନ୍ତି କିମ୍ବା ପିଲାମାନଙ୍କର ହଠାତ୍‌ ଦେହ ଖରାପ ହୋଇଯାଏ। ଏଭଳି ସମୟରେ ଅଫିସ୍‌ ଯିବାର ସମୟ କିନ୍ତୁ ସେହି ପୁରୁଣା ରହିଥାଏ। ତେଣୁ ସେ ସମୟରେ ଆପଣ କେଉଁ କାମକୁ ପ୍ରାଥମିକତା ଦେବେ ଚିନ୍ତା କରନ୍ତୁ। ଯେଉଁ କାମକୁ ପରେ କରିଲେ କିଛି ଅସୁବିଧା ହେବନି କିମ୍ବା ଅନ୍ୟ ଉପାୟରେ କରିହେବ ସେନେଇ ଚିନ୍ତା କରି କାମ କରନ୍ତୁ। ଏପରିଭାବେ ଆପଣ ସମୟର ସଦୁପଯୋଗ କରିପାରିବେ।
ଚିରାଚରିତ କାମରୁ ବିରତି: କର୍ମଜୀବୀମାନଙ୍କୁ ସବୁଦିନ ନିର୍ଦ୍ଦିଷ୍ଟ ସମୟରେ ସବୁକାମ କରିବାର ଏକ ରୁଟିନ୍‌ ହୋଇ ଯାଇଥାଏ। କିନ୍ତୁ ସାପ୍ତାହିକ ଛୁଟି ଦିନରେ ଏପରି କରନ୍ତୁ ନାହିଁ। ଅର୍ଥାତ୍‌ ଛୁଟିଦିନ ପାଇଁ କିଛି ଅଧିକ କାମ ରଖନ୍ତୁ ନାହିଁ। ସେଦିନ କମ୍‌ କାମ କରି ଅଧିକ ବିଶ୍ରାମ କରିବାକୁ ଚେଷ୍ଟା କରନ୍ତୁ। ଦରକାର ପଡ଼ିଲେ ସେଦିନ ରୋଷେଇ ନ କରି ବାହାରେ ଖାଆନ୍ତୁ। ଛୁଟିଦିନରେ କମ୍‌ କାମ କରି ଅଧିକ ରେଷ୍ଟ ନେଲେ ପୁଣି ଥରେ ଆଉ ଏକ ସପ୍ତାହ ଆରମ୍ଭରୁ କାମ କରିବା ଅଧିକ ଉର୍ଜା ସୃଷ୍ଟି ହେବ।

 

ଏମାନେ କ’ଣ କରନ୍ତି…

ପୂର୍ବ ରାତିରୁ ଶାଶୁଙ୍କଠାରୁ ବୁଝି ନେଇଥାଏ
ମତେ ସବୁଦିନ ସାଢେ ଦଶଟା ସମୟରେ ସ୍କୁଲରେ ପହଞ୍ଚିବାକୁ ପଡ଼େ। ସେଥିପାଇଁ ମୁଁ ଘରୁ ୧୫ ମିନିଟ୍‌ ପୂର୍ବରୁ ବାହାରିଥାଏ। ସେହି ସମୟ ମଧ୍ୟରେ ମୁଁ ଘରେ ସମସ୍ତଙ୍କ ପାଇଁ ରୋଷେଇ କରି ଜଳଖିଆ ଖାଇବାକୁ ଦେଇ ଯାଇଥାଏ। ଠିକ୍‌ ସମୟରେ ବାହାରିବା ପାଇଁ ମୁଁ ପୂର୍ବରାତିରୁ କ’ଣ ରୋଷେଇ କରିବାକୁ ହେବ ଶାଶୁଙ୍କଠାରୁ ପଚାରି ବୁଝି ନେଇଥାଏ। -ରାଜଲକ୍ଷ୍ମୀ ମହାପାତ୍ର
ଶିକ୍ଷୟିତ୍ରୀ, ଜ୍ଞାନବିଜ୍ଞାନ ବିଦ୍ୟାଳୟ, ଅରିଲୋ, ଜଗତସିଂହପୁର
ରାତିରୁ ରେଡି କରିଦିଏ
କାଲି କ’ଣ କରିବାକୁ ହବ ସେଥିପାଇଁ ମୁଁ ରାତିରେ ଟିଭି ଦେଖିବା ସମୟରେ ପରିବା କାଟି ଫ୍ରିଜରେ ରଖି ଦେଇଥାଏ। ଆଉ ଶୋଇବା ପୂର୍ବରୁ ମୁଁ ବାସନ ମଜା ଏବଂ ରୋଷେଇ ଘର ସଫା କରି ଦେଇଥାଏ। ତେଣୁ ସକାଳୁ ଟିକେ ଡେରିରେ ଉଠିଲେ ବି ମୁଁ ଶୀଘ୍ର ରୋଷେଇ ଶେଷ କରିଦିଏ ଆଉ ଠିକ୍‌ ସମୟରେ ସ୍କୁଲରେ ପହଞ୍ଚି ପାରିଥାଏ।
-ମନୀଷା ମହାଲିକ, ଶିକ୍ଷୟିତ୍ରୀ
ଧାମରାଇ ହାଇସ୍କୁଲ, ନରସିଂହପୁର, ଧାମରା, ଭଦ୍ରକ
ଶୀଘ୍ର ଉଠି ରୋଷେଇ କରେ
ମୋ ସାନ ଝିଅ ଟିକେ ଛୋଟ ହୋଇଥିବାରୁ ମତେ ତା’ପାଇଁ ଅଧିକ ସମୟ ଦେବାକୁ ପଡେ। ସେଥିପାଇଁ ସିଏ ଉଠିବା ପୂର୍ବରୁ ମୁଁ ଉଠି ଘରର ପ୍ରାୟ ଅଧା କାମ କରି ଦେଇଥାଏ। ତେଣୁ ସେ ଉଠିବା ବେଳକୁ ତା’ର ଖାଇବା ପିଇବା ଓ ଅନ୍ୟ କାମ ସବୁ କରି ମୁଁ ୯ଟା ବେଳକୁ ହସ୍‌ପିଟାଲରେ ପହଞ୍ଚିଥାଏ। ତା’ ଛଡା ଶାଶୁ, ଶ୍ୱଶୁରଙ୍କ ପାଇଁ ରୋଷେଇ ଓ ଟିଫିନ ବି କରିଥାଏ। ତେଣୁ ସକାଳୁ ଉଠିଲେ କ’ଣ ସବୁ କରିବି ସେଥିପାଇଁ ମୁଁ ପୂର୍ବ ଦିନ ରାତିରୁ ହିଁ ଭାବି ରଖିଥାଏ।
-ଇତିଶ୍ରୀ ଛାଟୋଇ, ନର୍ସ, ଶ୍ରୀ ହସ୍ପିଟାଲ୍‌, ଲୁଇସ୍‌ ରୋଡ୍‌, ଭୁବନେଶ୍ୱର
ଛୁଟିଦିନରେ ସବୁ ଆଗୁଆ କରେ
ଛୋଟ ଛୁଆକୁ ପୁଣି ବ୍ୟାଙ୍କ ଚାକିରି। ଏଥିପାଇଁ ମତେ ସବୁ କାମ ଆଡଭାନ୍ସ କରିବାକୁ ହୁଏ। ଅବଶ୍ୟ ମା’ ମତେ ବହୁତ ସାହାଯ୍ୟ କରନ୍ତି। ମୋ ଛୋଟ ପୁଅର ପ୍ରାୟ ସବୁ କାମ ମାଆ ଓ ବାପା କରନ୍ତି। ମୁଁ ରୋଷେଇ ପାଇଁ ସବୁ କାମ କରି ଶୀଘ୍ର ବାହାରିଯାଏ। ତେବେ ଛୁଟି ଦିନରେ ହିଁ ମୁଁ ଅଧିକାଂଶ କାମ ଯେପରି କି ରୋଷେଇ ଘର ସଜାଡ଼ିବା, ରାଶନ ସାମଗ୍ରୀ ଆଣିବା ଆଦି ସବୁ ତାଲିକା ପ୍ରସ୍ତୁତ କରି ଦେଇଥାଏ। -ଦେବେନ୍ମିତା ଦାସ
ବ୍ୟାଙ୍କ ଅଫିସର, ଇଣ୍ଡିଆନ ଓଭରସିଜ୍‌ ବ୍ୟାଙ୍କ, ମୁଶାଡିହ, ପାରାଦୀପ


Enter your email to get our daily news in your inbox.

All Right Reserved By Dharitri.Com

ହାଇକୋର୍ଟଙ୍କ ଗୁରୁତ୍ୱପୂର୍ଣ୍ଣ ରାୟ, କହିଲେ ମା’ଙ୍କ ସମ୍ପତ୍ତିରେ ନାହିଁ ପୁଅଙ୍କ ଅଧିକାର!

ଚେନ୍ନାଇ,୧୭।୧୧: ଅନେକ ଲୋକଙ୍କର ଏପରି ଧାରଣା ଥାଏ ଯେ, ଆଇନଗତ ଉତ୍ତରାଧିକାରୀ ଭାବରେ ମାତାପିତାଙ୍କ ମୃତ୍ୟୁ ପରେ ସେମାନଙ୍କ ସନ୍ତାନମାନେ ସ୍ବତଃ ହିଁ ମାତାପିତାଙ୍କ ସମ୍ପତ୍ତି ଉପରେ…

ଡେବ୍ରିଗଡ଼ରେ ଠାବ ମହାବଳ ବାଘର ମଳିଲା ପରିଚୟ, ବୟସ ସ୍ପଷ୍ଟ କଲା ଏନଟିସିଏ

ସମ୍ବଲପୁର,୧୭।୧୧(ପ୍ରମୋଦ ବହିଦାର): ଓଡ଼ିଶାର ଡେବ୍ରିଗଡ଼ ଅଭୟାରଣ୍ୟରେ ଗତ ନଭେମ୍ବର ୯ ତାରିଖରେ ପ୍ରଥମ ଥର ପାଇଁ ଠାବ ହୋଇଥିବା ଅଣ୍ଡିରା ବାଘର ପରିଚୟ ଓ ବୟସ ଜାତୀୟ…

ମାଛ ଧରୁଥିଲେ ଧର୍ମପଦ: ଟାଣିନେଲା କୁମ୍ଭୀର, ଆଉ ତା’ପରେ ଯାହା ଘଟିଲା…

ମହାକାଳପଡ଼ା,୧୭।୧୧(ପ୍ରତାପ ଚନ୍ଦ୍ର ସ୍ବାଇଁ): କେନ୍ଦ୍ରାପଡ଼ା ଜିଲାରେ ପୁଣି କୁମ୍ଭୀର ଆତଙ୍କ। ନଦୀରେ ଡଙ୍ଗାରେ ଜାଲ ପକାଇ ମାଛ ଧରୁଥିବା ବେଳେ ଜଣେ ଯୁବ ମତ୍ସ୍ୟଜୀବୀଙ୍କୁ ଆକ୍ରମଣ କରିଛି…

ରିଟେନ୍ସନ ପୂର୍ବରୁ SRH ଫ୍ୟାନ୍‌ଙ୍କୁ ବଡ଼ ଝଟକା! IPL ୨୦୨୭ରୁ ବାଦ୍‌ ପଡ଼ିଲେ ଷ୍ଟାର୍‌ ଓପନର୍‌, ଜାଣନ୍ତୁ କାହିଁକି…

ନୂଆଦିଲ୍ଲୀ,୧୭।୧୧: ଅଷ୍ଟ୍ରେଲିଆର ବିସ୍ଫୋରକ ବ୍ୟାଟର୍‌ ଟ୍ରାଭିସ ହେଡ୍‌ IPL ୨୦୨୭ରେ ଖେଳିବେ ନାହିଁ। ଏହାର ଅର୍ଥ ଆଗାମୀ ସିଜିନରେ ସନରାଇଜର୍ସ ହାଇଦ୍ରାବାଦ (SRH) ପକ୍ଷରୁ ଅଭିଷେକ ଶର୍ମା…

ମୃତ୍ୟୁକୁ ଆମନ୍ତ୍ରଣ କରୁଛି ଖୋଲା ଟ୍ରାନ୍ସଫର୍ମର, ତେଜୁଛି ଜନଅସନ୍ତୋଷ

କର୍ଲାମୁଣ୍ଡା:୧୭।୧୧(ସୁଶାନ୍ତ ମଲ୍ଲିକ): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକ ଅଧୀନ ଗଜବାହାଲ ପଞ୍ଚାୟତ ଅବୁଜବାହାଲ ଗାଁ ବସ୍ତିକୁ ସଂଯୋଗ କରୁଥିବା ମୁଖ୍ୟ ରାସ୍ତାରେ ଏକ ବିଦ୍ୟୁତ୍‌ ଟ୍ରାନ୍ସଫର୍ମର ବିନା…

ବରଗଡ଼ରେ କିଷାନ୍ ମହାପଞ୍ଚାୟତ: ରାଲିରେ ସାମିଲ ହେଲେ ରାଷ୍ଟ୍ରୀୟ କୃଷକ ନେତା

ବରଗଡ଼,୧୭।୧୧(ପ୍ରେମାନନ୍ଦ ଖମାରୀ):କୃଷକଙ୍କ ହକ୍, ଅଧିକାର ପାଇଁ ମଙ୍ଗଳବାର ବରଗଡ଼ ସହରରେ କିଷାନ୍ ମହାପଞ୍ଚାୟତ ଆୟୋଜିତ ହୋଇଛି। ଏଥିରେ ଅନେକ ରାଷ୍ଟ୍ରୀୟ କୃଷକ ନେତାଙ୍କ ସମେତ ହଜାର ହଜାର…

‘ଆଜି ବିଶ୍ୱକୁ ଅଧିକ ଶାନ୍ତି, ସ୍ଥିରତା ଏବଂ ନିଶ୍ଚିତତାର ଆବଶ୍ୟକତା ରହିଛି,’ ୨୩ତମ ଆସିଆନ-ଭାରତ ଶିଖର ସମ୍ମିଳନୀରେ ମୋଦି

ମନିଲା,୧୭।୧୧: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୨୩ତମ ଆସିଆନ-ଭାରତ ଶିଖର ସମ୍ମିଳନୀରେ ଅଂଶଗ୍ରହଣ କରୁଛନ୍ତି। ମଙ୍ଗଳବାର (ନଭେମ୍ବର ୧୭) ସମ୍ମିଳନୀର ଆରମ୍ଭରେ ସେ କହିଲେ ଯେ ଆମ ପାଖରେ…

ଇକୋ ରିଟ୍ରିଟ ବୁଲିଲେ କନ୍ଧମାଳ ସାଂସଦ: ଶୁଣିଲେ ଲୋକଙ୍କ ଅଭିଯୋଗ, ଦେଲେ ବଡ଼ ପ୍ରତିଶ୍ରୁତି

ଦାରିଙ୍ଗବାଡ଼ି, ୧୭।୧୧ (ଅରୁଣ ସାହୁ): ଓଡ଼ିଶାର କଶ୍ମୀର ଭାବେ ପରିଚିତ ଦାରିଙ୍ଗବାଡ଼ିର ପର୍ଯ୍ୟଟନ ଭିତ୍ତିଭୂମି ଓ ବିକାଶ ସମ୍ଭାବନାକୁ ନେଇ ଆଲୋଚନା କରିଛନ୍ତି କନ୍ଧମାଳ ସାଂସଦ ସୁକାନ୍ତ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?