ଜେନେଭା, ୨୩।୫ : ବିଶ୍ୱ ସୱାସ୍ଥ୍ୟ ସଂଗଠନ ମୁଖ୍ୟ ଚେତାବନୀ ଦେଇଛନ୍ତି ଯେ କରୋନା ସଂକ୍ରମଣ ହ୍ରାସ ପାଇବା ପରେ ବି ମହାମାରୀ ଏପର୍ଯ୍ୟନ୍ତ ଶେଷ ହୋଇନାହିଁ। ସେ ପୃଥିବୀର ବିଭିନ୍ନ ଦେଶର ସରକାରମାନଙ୍କୁ ସତର୍କ ରହିବାକ ପରାମର୍ଶ ଦେଇଛନ୍ତି। ଜେନେଭାରେ ସଂଗଠନର ବାର୍ଷିକ ବୈଠକ ବିଶ୍ୱ ସ୍ବାସ୍ଥ୍ୟ ସଂଗଠନ ମୁଖ୍ୟ ଟେଡ୍ରୋସ ଆଧାନୋମ ଗେବ୍ରେୟସସ ଉପସ୍ଥିତ ଅଧିକାରୀମାନଙ୍କୁ କହିଛନ୍ତି ଯେ ନମୁନା ପରୀକ୍ଷା କମ୍ କରାଯିବା ଉଚିତ ନୁହେଁ।
ଆମେ ଜାଣିଶୁଣି ନିଜ ଉପରେ ବିପଦ ଟାଣି ଆଣୁଛେ। ସେ କହିଛନ୍ତି ଯେ ଗରିବ ଦେଶମାନଙ୍କରେ ପ୍ରାୟ ଏକ ବିଲିୟନ ଲୋକ ଏପର୍ଯ୍ୟନ୍ତ ଆଣ୍ଟି-କୋଭିଡ ଟିକା ଗ୍ରହଣ କରିପାରି ନାହାନ୍ତି। ବିଶ୍ୱ ପରିସ୍ଥିତି ଉପରେ ଆଧାରିତ ସାପ୍ତାହିକ ରିପୋର୍ଟକୁ ଦୃଷ୍ଟିରେ ରଖି ଗେବ୍ରେୟସସ କହିଛନ୍ତି ଯେ ମାର୍ଚ୍ଚ ମାସରୁ ନୂତନ ସଂକ୍ରମଣ ଅନେକ ସପ୍ତାହ ହ୍ରାସ ପାଇବା ପରେ ମୃତ୍ୟୁ ସଂଖ୍ୟା ମଧ୍ୟ ହ୍ରାସ ପାଇଛି।
ସେ କହିଛନ୍ତି ଯେ ସ୍ଥିତିରେ ଉନ୍ନତି ଏବଂ ପୃଥିବୀର ୬୦ ପ୍ରତିଶତ ଲୋକଙ୍କୁ ଟିକାକରଣ ନ କରାଯିବା ପର୍ଯ୍ୟନ୍ତ ମହାମାରୀ ଶେଷ ହେବ ନାହିଁ। ତେଣୁ ସତର୍କତା ସହିତ ପଦକ୍ଷେପ ଗ୍ରହଣ କରିବା ଜରୁରୀ ବୋଲି ସେ କହିଛନ୍ତି।
