Posted inଖେଳ

ଖେଳାଳିଙ୍କୁ ବିସିସିଆଇର ଚେତାବନୀ: ରିପୋର୍ଟ ନେଗେଟିଭ୍‌ ନ ଆସିଲେ ଇଂଲଣ୍ଡ ଗସ୍ତରୁ ବାଦ୍‌

ନୂଆଦିଲ୍ଲୀ, ୧୨।୫- ବିଶ୍ୱ ଟେଷ୍ଟ ଚାମ୍ପିୟନଶିପ୍‌ ଫାଇନାଲ ଏବଂ ଇଂଲଣ୍ଡ ବିପକ୍ଷ ୫ ମ୍ୟାଚ ବିଶିଷ୍ଟ ସିରିଜ ପାଇଁ ଭାରତୀୟ ଦଳ ପ୍ରସ୍ତୁତ ହେଉଛି। ନିକଟରେ ଟିମ୍‌ ଇଣ୍ଡିଆ ଖେଳାଳିମାନେ ଇଂଲଣ୍ଡ ଗସ୍ତରେ ଯିବେ। ମାତ୍ର ବାୟୋ-ବବଲରେ ସଂକ୍ରମଣ ଯୋଗୁ ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ) ଅଧାରୁ ସ୍ଥଗିତ ରହିବା ଘଟଣାକୁ ଦୃଷ୍ଟିରେ ରଖି ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ଖେଳାଳିମାନଙ୍କୁ ଚେତାବନୀ ଦେଇଛି। ମୁମ୍ବାଇରେ ଏକତ୍ରିତ ହେବାପରେ ଯେଉଁ ଖେଳାଳିଙ୍କର ପଜିଟିଭ୍‌ ରିପୋର୍ଟ ଆସିବ ସେମାନେ ଗସ୍ତରୁ ବାଦ୍‌ ପଡ଼ିବେ। କିଛି ଖେଳାଳିଙ୍କ ପାଇଁ ସ୍ବତନ୍ତ୍ର ଚାର୍ଟାର୍ଡ ବିମାନର ବ୍ୟବସ୍ଥା କରାଯିବ ନାହିଁ ବୋଲି ବିସିସିଆଇ ପକ୍ଷରୁ ସ୍ପଷ୍ଟକରି ଦିଆଯାଇଛି। ଭାରତୀୟ ଦଳର ଖେଳାଳି, ସେମାନଙ୍କ ପରିବାର ଏବଂ ସପୋର୍ଟ ଷ୍ଟାଫ୍‌ ୨ ଥର ନେଗେଟିଭ୍‌ ହେଲେ ଯାଇ ମୁମ୍ବାଇ ଯାଇପାରିବେ। ଏହାଦ୍ୱାରା ସଂକ୍ରମଣହୀନ ବ୍ୟକ୍ତିମାନେ ହିଁ ବାୟୋ-ବବଲରେ ପ୍ରବେଶ କରିପାରିବେ। ମୁମ୍ବାଇରେ ପହଞ୍ଚତ୍ବା ପାଇଁ ଖେଳାଳିମାନେ ବିମାନ କିମ୍ବା କାର୍‌ ବ୍ୟବହାର କରିପାରିବେ। ଏହା ସେମାନଙ୍କ ପସନ୍ଦ ଅନୁସାରେ ହୋଇପାରିବ। ସମସ୍ତ ଖେଳାଳି ଓ ସପୋର୍ଟ ଷ୍ଟାଫ୍‌ଙ୍କୁ କୋଭିଶିଲ୍ଡ ଟିକା ନେବାକୁ ପରାମର୍ଶ ଦିଆଯାଇଛି। ଫଳରେ ସେମାନେ ଏହାର ଦ୍ୱିତୀୟ ଡୋଜ୍‌ ଇଂଲଣ୍ଡରେ ନେଇପାରିବେ। କେହି କୋଭାକ୍ସିନ ନ ନେବାକୁ ନିର୍ଦ୍ଦେଶ ରହିଛି।
ବିଶ୍ୱ ଟେଷ୍ଟ ଚାମ୍ପିୟନଶିପ୍‌ ଫାଇନାଲ ଖେଳିବା ପାଇଁ ଭାରତୀୟ ଦଳ ଜୁନ୍‌ ୨ରେ ଇଂଲଣ୍ଡ ଗସ୍ତ କରିବା ସମ୍ଭାବନା ରହିଛି। ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ଏହି ମୁକାବିଲା ହେବ। ଏହାପରେ ଏକମାସର ବ୍ୟବଧାନ ପରେ ଭାରତ-ଇଂଲଣ୍ଡ ଟେଷ୍ଟ ସିରିଜ ଆରମ୍ଭ ହେବ। ଏହାକୁ ଦୃଷ୍ଟିରେ ରଖି ମେ’ ୧୯ ସୁଦ୍ଧା ବାୟୋ-ବବଲରେ ପ୍ରବେଶ କରିବାକୁ ଖେଳାଳି ଓ ସପୋର୍ଟ ଷ୍ଟାଫ୍‌ଙ୍କୁ ପରାମର୍ଶ ଦିଆଯାଇଛି। ମୁମ୍ବାଇରେ ଖେଳାଳିମାନେ ୮ରୁ ୧୨ ଦିନ କଟାଇବା ପରେ ସାଉଥାମ୍ପଟନ ଅଭିମୁଖେ ଯାତ୍ରା କରିବେ। ଜୁନ୍‌ ୧୮ରୁ ବିଶ୍ୱ ଟେଷ୍ଟ ଚାମ୍ପିୟନଶିପ୍‌ ଫାଇନାଲ ଆରମ୍ଭ ହେବ। ଭାରତରେ ବାୟୋ-ବବଲରେ ରହିଲେ ଖେଳାଳିମାନଙ୍କୁ ୟୁନାଇଟେଡ କିଙ୍ଗ୍‌ଡମ୍‌ରେ କଠୋର କ୍ୱାରାଣ୍ଟାଇନକୁ ଏଡ଼ାଇ ପାରିବେ। କେତେକ ଖେଳାଳି ୮-୯ ମାସ ଧରି ବବ୍‌ଲ୍ସ ଏବଂ କ୍ୱାରାଣ୍ଟାଇନ୍‌ରେ ଅଛନ୍ତି। ଖେଳାଳିମାନଙ୍କୁ ଗୋଟିଏ ବାୟୋ-ବବଲରୁ ଆଉ ଗୋଟିଏ ବାୟୋ-ବବଲ ପରିବେଶକୁ ନେବାପାଇଁ ବିସିସିଆଇ ଯୋଜନା କରିଛି। ସେଥିପାଇଁ ଇଂଲଣ୍ଡ ଯିବା ପୂର୍ବରୁ ମୁମ୍ବାଇରେ ବ୍ୟବସ୍ଥା କରାଯାଇଛି।
ତେବେ ଭାରତୀୟ ଦଳ କିପରି ଇଂଲଣ୍ଡ ଯିବ ତାହା ସ୍ପଷ୍ଟ ହୋଇନାହିଁ। ପୂର୍ବରୁ ଭାରତ ଦୁବାଇ ବାଟଦେଇ ଅଷ୍ଟ୍ରେଲିଆ ଗସ୍ତ କରିଥିଲା। ମାତ୍ର ଏଥର ସେପରି ହେବା ସମ୍ଭାବନା ନାହିଁ। ଦେଶରେ କରୋନା ସଂକ୍ରମଣ ବୃଦ୍ଧି ଯୋଗୁ ୟୁକେ ସରକାର ଭାରତକୁ ଲାଲ୍‌ ତାଲିକାଭୁକ୍ତ କରିଛନ୍ତି। କୌଣସି ବିଦେଶୀ ୟୁକେ ସୀମାରେ ପ୍ରବେଶ କଲେ ୧୪ ଦିନିଆ କଠୋର ଆଇସୋଲେଶନ ନିୟମ ମାନିବାକୁ ବାଧ୍ୟ। ଏ ସମ୍ପର୍କରେ ବିସିସିଆଇ ଇଂଲଣ୍ଡ ଆଣ୍ଡ ଓ୍ବେଲ୍ସ କ୍ରିକେଟ ବୋର୍ଡ ସହିତ ଆଲୋଚନା ଜାରି ରଖିଛି। ଯେହେତୁ ଭାରତୀୟ ଖେଳାଳିମାନେ ମୁମ୍ବାଇ ବାୟୋ-ବବଲରୁ ଯିବେ ୟୁକେରେ କ୍ୱାରାଣ୍ଟାଇନ୍‌କୁ ୭ ଦିନକୁ ହ୍ରାସ କରିବାକୁ ବିସିସିଆଇ ଚାହୁଁଛି। ଖେଳାଳିମାନେ କୋଭିଶିଲ୍ଡର ପ୍ରଥମ ଡୋଜ୍‌ ନେଇଯିବା ପାଇଁ ସମସ୍ତ ସଦସ୍ୟଙ୍କୁ ବିସିସିଆଇ ପରାମର୍ଶ ଦେଇଛି। ଇଂଲଣ୍ଡରେ ଦ୍ୱିତୀୟ ଡୋଜ୍‌ର ବ୍ୟବସ୍ଥା ବିସିସିଆଇ ପକ୍ଷରୁ କରାଯିବ।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଶେଷ ଓଭରରେ ରୋହିତ ଶର୍ମାଙ୍କ ଏହି ଗୋଟିଏ ନିଷ୍ପତ୍ତି, ପଲଟାଇଦେଲା ବାଜି

ନୂଆଦିଲ୍ଲୀ,୧୯।୪: ଇଣ୍ଡିଆନ ପ୍ରିମିୟର ଲିଗ ଟି-୨୦ ମ୍ୟାଚ୍‌ରେ ମୁମ୍ବାଇ ଇଣ୍ଡିଆନ୍ସ ପଞ୍ଜାବ କିଙ୍ଗ୍ସକୁ ନଅ ରନ୍‌ରେ ପରାସ୍ତ କରିଛି। ମୁମ୍ବାଇ ଇଣ୍ଡିଆନ୍ସ ବିପକ୍ଷରେ ଟସ ଜିତିବା...

ଆଇପିଏଲ୍‌ରେ ଧମାଲ୍‌ କରୁଛନ୍ତି ଏହି ୫ ଅନ୍‌କ୍ୟାପ୍‌ଡ୍‌ ଖେଳାଳି: ଟି-୨୦ ବିଶ୍ୱକପ୍‌ରେ ମିଳିପାରେ ସ୍ଥାନ

ନୂଆଦିଲ୍ଲୀ,୧୯।୪:ସନରାଇଜର୍ସ ହାଇଦ୍ରାବାଦ ଓପନର୍‌ ଅଭିଷେକ ଶର୍ମାଙ୍କ ଆଇପିଏଲ୍‌ରେ ଚମତ୍କାର ପ୍ରଦର୍ଶନ କରୁଛନ୍ତି। ଚଳିତ ସିଜନରେ ଏପର୍ଯ୍ୟନ୍ତ ଅଭିଷେକ ୬ଟି ମ୍ୟାଚରେ ୨୧୧ ରନ ସଂଗ୍ରହ କରିଛନ୍ତି।...

ରୋଚକ ହେଉଛି ପର୍ପଲ-ଅରେଞ୍ଜ କ୍ୟାପ୍‌ ରେସ୍‌: ଜାଣନ୍ତୁ ଏବେ କିଏ ଅଛନ୍ତି…

ମୁମ୍ବାଇ,୧୯।୪: ପଞ୍ଜାବ କିଙ୍ଗସ ବିପକ୍ଷରେ ଜସପ୍ରୀତ ବୁମ୍‌ରା ଏକ ଚମତ୍କାର ବୋଲିଂ ପ୍ରଦର୍ଶନ କରିଥିଲେ। ଜସପ୍ରୀତ ବୁମ୍‌ରା ୩ ବ୍ୟାଟ୍ସମ୍ୟାନ ୪ ଓଭରରେ ୨୧ ରନ...

ମୁମ୍ବାଇ ଜିତିବା ସତ୍ତ୍ୱେ ହାର୍ଦ୍ଦିକ ପାଣ୍ଡ୍ୟାଙ୍କୁ ଲାଗିଲା ବଡ଼ ଝଟ୍‌କା

ମୁମ୍ବାଇ,୧୯।୪: ମୁମ୍ବାଇ ଇଣ୍ଡିଆନ୍ସ ପଞ୍ଜାବ କିଙ୍ଗସ ବିପକ୍ଷରେ ଏକ ରୋମାଞ୍ଚକର ବିଜୟ ହାସଲ କରିଛି। ହାର୍ଦ୍ଦିକ ପାଣ୍ଡ୍ୟାଙ୍କ ନେତୃତ୍ୱାଧୀନ ମୁମ୍ବାଇ ଇଣ୍ଡିଆନ୍ସ ପଞ୍ଜାବ କିଙ୍ଗସକୁ ୯...

ଧୋନୀଙ୍କୁ ବିଶ୍ୱକପ୍‌ ଲାଗି ରାଜି କରାଇବା ପ୍ରସଙ୍ଗରେ କ’ଣ କହିଲେ ରୋହିତ? ଦଳ ଘୋଷଣା ପୂର୍ବରୁ ଆସିଲା ବଡ଼ ଖବର

ନୂଆଦିଲ୍ଲୀ,୧୮।୪: ଟି୨୦ ବିଶ୍ୱକପ୍‌ ପାଇଁ ଟିମ୍‌ ଇଣ୍ଡିଆ ଘୋଷଣା କରାଯିବା ବାକି ଅଛି। ହେଲେ କେଉଁ ଖେଳାଳିଙ୍କୁ ଚୟନ କରାଯିବ, କାହାକୁ ନୁହେଁ, ତାହାକୁ ନେଇ...

ଚେନ୍ନାଇରେ ସାମିଲ ହେଲେ ଏହି ଘାତକ ବୋଲର୍‌, ୪ ବଲ୍‌ରେ ରୋହିତ-ବିରାଟ-ପନ୍ତଙ୍କ ଉଇକେଟ ନେଇ ଥିଲେ ଚର୍ଚ୍ଚାରେ

ନୂଆଦିଲ୍ଲୀ,୧୮।୪: ଆଇପିଏଲ୍‌ ମଝିରୁ ଚେନ୍ନାଇ ସୁପର କିଙ୍ଗ୍ସ(ସିଏସ୍‌କେ)ରୁ ବାଦ୍‌ ପଡ଼ିଛନ୍ତି ଷ୍ଟାର କ୍ରିକେଟର ଡିଭନ୍‌ କନଓ୍ବେ। ସର୍ବାଧିକ ରନ୍‌ ସ୍କୋର କରିଥିବା ଏହି କ୍ରିକେଟର ପୁରା...

ପଡ଼ିଆକୁ ଓହ୍ଲାଇବା ମାତ୍ରେ ଇତିହାସ ରଚିବେ ରୋହିତ ଶର୍ମା

ରୋହିତ ଶର୍ମା ପ୍ରଥମ ସିଜିନ ଅର୍ଥାତ୍‌ ୨୦୦୮ ଠାରୁ ଇଣ୍ଡିଆନ ପ୍ରିମିୟର ଲିଗ (ଆଇପିଏଲ) ର ଏକ ଅଂଶ ରହିଆସିଛନ୍ତି। ରୋହିତ ହେଉଛନ୍ତି ଆଇପିଏଲର ଅନ୍ୟତମ...

ଆଇପିଏଲ୍‌ ମଝିରେ ଚେନ୍ନାଇ ସୁପର କିଙ୍ଗସକୁ ଲାଗିଲା ବଡ଼ ଝଟ୍‌କା

ନୂଆଦିଲ୍ଲୀ,୧୮।୪: ଚେନ୍ନାଇ ସୁପର କିଙ୍ଗସ ଆଇପିଏଲ ୨୦୨୪ରେ ଏପର୍ଯ୍ୟନ୍ତ ଭଲ ପ୍ରଦର୍ଶନ କରୁଛି, କିନ୍ତୁ ଦଳକୁ ଏକ ବଡ଼ ଝଟ୍‌କା ଲାଗିଛି। ଗତ ସିଜନରେ ସିଏସ୍‌କେ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri