Odisha Elections 2024

ବସ୍ତି ବିକାଶ ବାଟବଣା: ବଢୁଛି ଅସନ୍ତୋଷ

ରାଉରକେଲା, ୧୧ା୪(ସଙ୍ଗୀତା ଜେନା)ଇସ୍ପାତ ସହର ରାଉରକେଲାର ବସ୍ତିଗୁଡ଼ିକର ଆଶାନୁରୂପ ବିକାଶ ହୋଇପାରୁନି। ବର୍ଷବର୍ଷ ବିତି ଗଲେ ମଧ୍ୟ ଲୋକଙ୍କର ମୌଳିକ ଆବଶ୍ୟକତା ପୂରଣ ହୋଇପାରୁନାହିଁ। ୬ମାସ ପୂର୍ବେ ରାଉରକେଲାରେ ଝାଡ଼ାବାନ୍ତି ପ୍ରକୋପ ଦେଖାଯାଇଥିଲା। ଲୋକେ ମୃତ୍ୟୁବରଣ କରିଥିବା ବେଳେ ସହରକୁ ପାନୀୟଜଳ ଯୋଗାଣ କରୁଥିବା ୱାଟକୋ (ୱାଟର କର୍ପୋରେସନ୍‌) ଯୁଦ୍ଧକାଳୀନ ଭିତ୍ତିରେ ଯୋଜନା ପରିପୂର୍ଣ୍ଣ କରିଥିବା କହିଥିଲା। ସେହିପରି ସ୍ମାର୍ଟସିଟି ବିକାଶ ଯୋଜନା ଅନ୍ତର୍ଗତ ବସ୍ତିମାନଙ୍କରେ ସ୍ବଚ୍ଛତା ଓ ପରିମଳ ବ୍ୟବସ୍ଥା ଅନୁଯାୟୀ ସଫେଇ ବ୍ୟବସ୍ଥା ବଜାୟ ରଖାଯାଇଥିବା କୁହାଯାଉଛି। ହେଲେ ଏଗୁଡ଼ିକ ହୋଇ ନ ଥିବା ଦେଖାଯାଇଛି। କିଛି ପ୍ରମୁଖ ବସ୍ତିରେ ଏପରି ଯୋଜନା କାର୍ଯ୍ୟକାରୀ ହୋଇଥିବା ବେଳେ ଅନେକ ବସ୍ତିରେ ଏପରି ବିକାଶ ହୋଇ ନ ଥିବା ଅଭିଯୋଗ ହୋଇଛି। ଉଦାହରଣସ୍ବରୁପ ରାଉରକେଲା ନିର୍ବାଚନ ମଣ୍ଡଳୀର ବଡ଼ ଭୋଟର ପଏଣ୍ଟ ଗୋପବନ୍ଧୁପାଲୀ ଅଞ୍ଚଳ ଖଟାଲ ବସ୍ତିରେ ଏପରି ବିକାଶ ଅଧାପନ୍ତରିଆ ଥିବା ଲକ୍ଷ୍ୟ କରାଯାଇଛି। ଅସ୍ବାସ୍ଥ୍ୟକର ଅବସ୍ଥାରେ ୱାଟକୋ ପାଇପଗୁଡ଼ିକ ନାଳନର୍ଦ୍ଦମା ଉପରେ ନିରନ୍ତର ଭାବେ ଖୋଲା ପଡ଼ିରହିଛି। ଯାହାଦ୍ୱାରା ପାନୀୟ ଜଳ ପ୍ରଦୂଷିତ ହେଉଛି। ଏହାକୁ ବସ୍ତିବାସୀ ବ୍ୟବହାର କରୁଛନ୍ତି। ସେହିପରି ବର୍ଷବର୍ଷ ଧରି ନାଳନର୍ଦ୍ଦମା ତିଆରି କରିବାକୁ ରାଜନେତାଙ୍କ ଠାରୁ ପ୍ରତିଶ୍ରୁତି ପାଇବା ପରେ ମଧ୍ୟ ତାହା ଅସମ୍ପୂର୍ଣ୍ଣ ହୋଇ ରହିଛି। ଅତିଷ୍ଠ ହୋଇ କିଛି ବସ୍ତିବାସୀ ଚଳିତ ଭୋଟକୁ ବର୍ଜନ କରିବାକୁ କହୁଥିବାବେଳେ କିଛି ପୁଣି ରାଜନେତାଙ୍କୁ ସମସ୍ୟା ସମ୍ପର୍କରେ ମନେପକାଇ ଦେବାକୁ କହୁଛନ୍ତି। ଅନୁରୂପ ଭାବେ ସହରୀ ଭୂମିହୀନ ବା ବସ୍ତିରେ ରହୁଥିବା ଲୋକଙ୍କୁ ପାଇଁ ରାଜ୍ୟ ସରକାରଙ୍କ ଜାଗା ମିଶନରେ ବାସଗୃହ ଯୋଗାଣ ମଧ୍ୟ ଅଧାରେ ଥିବା ଜଣାପଡ଼ିଛି। ଅର୍ବାନ ସ୍ଲମ୍‌ ହାଉସହୋଲ୍ଡ ଏରିଆ( ଉଷା) ସର୍ଭେ ଅନୁଯାୟୀ, ହିତାଧିକାରୀ ଚିହ୍ନଟ କରି ଜାଗା ପ୍ରଦାନ କରାଯିବା ନିୟମ ରହିଛି। ରାଉରକେଲା ମହାନଗର ନିଗମ(ଆର୍‌ଏମ୍‌ସି) ଅନ୍ତର୍ଭୃକ୍ତ ୪୦ଟି ୱାର୍ଡ଼ରେ ହଜାର ହଜାର ଲୋକ ବାସ କରୁଥିବାବେଳେ ୩୬ ହଜାର ହିତାଧିକାରୀ ଚିହ୍ନଟ କରାଯାଇଛି। ସେଥିମଧ୍ୟରୁ ପ୍ରଥମ ପର୍ଯ୍ୟାୟରେ ୪୭୪୭ ଜଣ ହିତାଧିକାରୀଙ୍କୁ ଜମିପଟ୍ଟା ପ୍ରଦାନ ପ୍ରକ୍ରିୟା ଆରମ୍ଭ ହୋଇଛି। ଗୋପବନ୍ଧୁପାଲୀ -୧ରେ ୬୧୮ ଜଣ, ଗୋପବନ୍ଧୁପାଲୀ-୨ରେ ୨୭୫ ଜଣ, ଇନ୍ଦିରା ନଗର-୧ରେ ୨୧୩ ଜଣ, ଇନ୍ଦିରାନଗର-୨ରେ ୧୫୦, ମଧୁସୂଦନପାଲୀ ୧, ୨ ଓ ୩ରେ ଯଥାକ୍ରମେ ୪୩୫, ୩୮୮ ଜଣ ଓ ୨୭୫ ଜଣ ହିତାଧିକାରୀ ଚିହ୍ନଟ ହୋଇଛନ୍ତି। ସେହିଭଳି ଅନ୍ୟ ଅଞ୍ଚଳରେ ଲୋକସଂଖ୍ୟା ଅପେକ୍ଷା ବାସଗୃହ ପାଇବା ଯୋଗ୍ୟ ହିତାଧିକାରୀ ଚିହ୍ନଟ ସଂଖ୍ୟା କମ୍‌ ରହିଛି। ଯାହାକି ଲୋକଙ୍କ ବାସଗୃହ ସମସ୍ୟା ନିରାକରଣ ଅଧାପନ୍ତରିଆ ବୋଲି ଅଭିଯୋଗ କରାଯାଉଛି। ୩୦ବର୍ଷରୁ ଉକ୍ତ ଅଞ୍ଚଳରେ ରହୁଥିବା କୁନ୍ତୀଦେବୀ ନାଳନର୍ଦ୍ଦମା, ମଶାମାଛିର ପ୍ରାଦୁର୍ଭାବ ବୃଦ୍ଧି ଶୋଚନୀୟ ପାନୀୟ ଜଳ ସମସ୍ୟା ସମ୍ପର୍କରେ ଅଭିଯୋଗ କରି କହିଛନ୍ତି, ପ୍ରତ୍ୟେକ ନିର୍ବାଚନରେ ନେତାମାନେ କେବଳ ସମସ୍ୟା ଓ ଦାବି ଶୁଣି ପ୍ରତିଶ୍ରୁତି ଦେଉଛନ୍ତି। ଏହାର କୌଣସି ସମାଧାନ ଆଜି ପର୍ଯ୍ୟନ୍ତ ହୋଇପାରିଲା ନାହିଁ। ତେଣୁ ଆଗାମୀ ଦିନରେ ଭୋଟ ବର୍ଜନ ଏକ ପ୍ରକାର ନିଷ୍ପତ୍ତି ବୋଲି କହିଥିଲେ। ସେହିପରି ରେଣୁଦେବୀ ଯାଦବ କହିଛନ୍ତି, ଦୀର୍ଘ ବର୍ଷ ରହିବା ପରେ ମଧ୍ୟ ଅବସ୍ଥା ସୁଧୁରିଲା ନାହିଁ। ବିପର୍ଯ୍ୟସ୍ତ ନାଳନର୍ଦ୍ଦମା ଯୋଗୁ ବର୍ଷା ମାସରେ ବର୍ଷାଜଳ ଘରମାନଙ୍କରେ ପଶି ନର୍କର ଅନୁଭୂତି ଦେଇଥାଏ। ତେଣୁ ଭୋଟ ଦେବା ପୂର୍ବରୁ ଭାବିବାକୁ ପଡ଼ିବ ବୋଲି ସେ କହିଛନ୍ତି। ଅନ୍ୟତମ ବସ୍ତିବାସିନ୍ଦା କୌଶଲ୍ୟା ଦେବୀଙ୍କ କହିବା ଅନୁଯାୟୀ, ନାଳନର୍ଦ୍ଦମା ଅବସ୍ଥା ସୁଧାରିବାକୁ ପ୍ରାଥମକିତା ଦେବା ଉଚିତ୍‌। ନଚେତ୍‌ ଭୋଟ ଦେବା ପୂର୍ବରୁ ବିଚାରକରି ଭୋଟ ଦେବାକୁ ପଡ଼ିବା ବୋଲି ସେ କହିଥିଲେ। ଅନୁରୂପ ଭାବେ ପ୍ରଥମ ଥର ପାଇଁ ଭୋଟ ଦେଉଥିବା ଛାତ୍ର ବୀଜେନ୍ଦ୍ର ଯାଦବ କୁହନ୍ତି, ନିର୍ବାଚନବେଳକୁ ବସ୍ତିରେ ନେତାଙ୍କ ପାଦ ପଡ଼ୁଛି। ତରବରିଆ ଭାବେ ରାସ୍ତାଘାଟ କାମ ହେଉଛି। ଏଠାରେ କ୍ଲବ ଘର ଓ ପାଠପଢ଼ିବା ପାଇଁ କୌଣସି ସୁବିଧା ନାହିଁ। ବିକାଶକୁ ଦୃଷ୍ଟିରେ ରଖି ଭୋଟ ଦିଆଯିବ।


Enter your email to get our daily news in your inbox.

All Right Reserved By Dharitri.Com

ମୁଖ୍ୟମନ୍ତ୍ରୀଙ୍କ ରୁମ୍‌ରୁ କଟାଯାଇଛି ଟେଲିଫୋନ, ବଡ଼ ଖୁଲାସା କଲେ ଧର୍ମେନ୍ଦ୍ର

ଭୁବନେଶ୍ୱର,୩୦।୫: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ରୁମ୍‌ରୁ ଟେଲିଫୋନ କଟାଯାଇଛି। ନବୀନଙ୍କ ସାକ୍ଷାତକାରରେ ଆସିଲା ଧର୍ମେନ୍ଦ୍ର ପ୍ରଧାନଙ୍କ ବିସ୍ଫୋରକ ବୟାନ। ଧର୍ମେନ୍ଦ୍ର କହିଛନ୍ତି, ନବୀନ ନିବାସର ନବୀନଙ୍କ...

‘କେବଳ ଏକା ପାଣ୍ଡିଆନ୍‌ କାହିଁକି ମାଇକ୍‌ ଧରୁଛନ୍ତି’, ନବୀନଙ୍କ ସାକ୍ଷାତକାର ପରେ ହିମନ୍ତଙ୍କ ବଡ଼ ବୟାନ

ଭୁବନେଶ୍ୱର,୩୦।୫: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସାକ୍ଷାତକାର ପରେ ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱଶର୍ମାଙ୍କ ପ୍ରତିକ୍ରିୟା ରଖିଛନ୍ତି। ହିମନ୍ତ କହିଛନ୍ତି, ନବୀନ ସାକ୍ଷାତକାରରେ ଦେଇଥିବା ଉତ୍ତର ଅଧିକ...

ଡାକ୍ତରଖାନାରେ ଆଟେଣ୍ଡାଣ୍ଟଙ୍କ ଦୁର୍ବ୍ୟବହାର: ସ୍ବାସ୍ଥ୍ୟକର୍ମୀଙ୍କୁ ତାଗିଦ କଲେ ଅଧୀକ୍ଷକ

ହିଞ୍ଜିଳିକାଟୁ,୩୦ା୫(ଦ୍ବିତୀକୃଷ୍ଣ ପଣ୍ଡା): ଗଞ୍ଜାମ ଜିଲା ହିଞ୍ଜିଳିକାଟୁ ଡାକ୍ତରଖାନାରେ ଜଣେ ସ୍ବାସ୍ଥ୍ୟକର୍ମୀ ବୁଧବାର ରାତିରେ ଜଣେ ଗୁରୁତର ଆହତ ନାବାଳକଙ୍କୁ ଚିକିତ୍ସା ବଦଳରେ ତାଙ୍କ ସମ୍ପର୍କୀୟଙ୍କୁ ଦୁର୍ହବ୍ୟବହାର...

ଭଦ୍ରକ ଜିଲାରେ ୧୪୪ ଧାରା ଲାଗୁ, ୫ରୁ ଅଧିକ ଏକାଠି ହେବା, ବୁଲିବା ମନା

ଭୁବନେଶ୍ୱର,୩୦।୫: ରାଜ୍ୟରେ ଶେଷ ପର୍ଯ୍ୟାୟ ଭୋଟ ପାଇଁ ଜୁନ ୧ରେ ମତଦାନ ଅନୁଷ୍ଠିତ ହେବ। ନିର୍ବାଚନର ଗୋଟିଏ ଦିନ ପୂର୍ବରୁ ଅର୍ଥାତ୍‌ ଗୁରୁବାର ପ୍ରଚାର ଶେଷ...

ବିଷ ପିଇ ଦେଲେ ଦମ୍ପତି

ଫୁଲବାଣୀ,୩୦ା୫(ରାକେଶ କୁମାର ରାଉତ): ପାରିବାରିକ କଳହର କରୁଣ ପରିଣତି ଦେଖିବାକୁ ମିଳିଛି ଫରିଙ୍ଗିଆ ବ୍ଲକରେ। ସ୍ବାମୀ ସ୍ତ୍ରୀଙ୍କ ମଧ୍ୟରେ ଝଗଡା ହେବାପରେ ଉଭୟେ ବିଷ ପିଇ...

‘ଯଦି ପ୍ରଧାନମନ୍ତ୍ରୀ ସତରେ ମୋ ସ୍ବାସ୍ଥ୍ୟାବସ୍ଥାକୁ ନେଇ ଚିନ୍ତିତ, ତା’ହେଲେ…’, ମୋଦିଙ୍କୁ କାଉଣ୍ଟର କଲେ ନବୀନ

ଭୁବନେଶ୍ୱର,୩୦।୫: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସ୍ବାସ୍ଥ୍ୟାବସ୍ଥାକୁ ନେଇ ଭାଜପା ପକ୍ଷରୁ ଲଗାତର ଭାବେ ପ୍ରସଙ୍ଗ କରାଯାଉଥିବା ବେଳେ ଏକ ସାକ୍ଷାତକାର ନବୀନ କହିଛନ୍ତି, ମୋ ସ୍ବାସ୍ଥ୍ୟାବସ୍ଥା...

ରାତି ୯ରେ ମଦ ଦୋକାନ, ୧୦ଟାରେ ବଜାର ବନ୍ଦ

ବ୍ରହ୍ମପୁର,୩୦ା୫(ସୁବାସ ଚନ୍ଦ୍ର ପାଢ଼ୀ): ଗଞ୍ଜାମ ଜିଲାରେ ନିର୍ବାଚନ ପୂର୍ବରୁ ଓ ପରେ କେତେକ ହିଂସା ଘଟିଛି। ଆସନ୍ତା ୪ ତାରିଖରେ ଭୋଟ ଗଣତି ହେବ। ଆଗକୁ...

ପ୍ରଚାରରୁ ଫେରିବା ବେଳେ ଯୁବ ଭାଜପା ରାଜ୍ୟ ସଭାପତିଙ୍କୁ ସଂଘବଦ୍ଧ ଆକ୍ରମଣ

ଭୁବନେଶ୍ୱର,୩୦।୫: ଯୁବ ଭାଜପା ରାଜ୍ୟ ସଭାପତି ଅଭିଳାଷ ପଣ୍ଡାଙ୍କୁ ଆକ୍ରମଣ ହୋଇଛି। ପ୍ରଚାରରୁ ଫେରିବା ବେଳେ ସସିତାଦେଇପୁର ନିକଟରେ ଆକ୍ରମଣ ହୋଇଥିବା ସୂଚନା ମିଳିଛି। ଅଭିଳାଷଙ୍କୁ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri