ଯାଜପୁର ଅଫିସ,୨୧।୩: ଆସନ୍ତା ୨୪ ତାରିଖରେ ପୌର ନିର୍ବଚନ। ନିର୍ବାଚନ ତାରିଖ ଯେତିକି ପାଖେଇ ଆସୁଛି ପ୍ରାର୍ଥୀଙ୍କ ମଧ୍ୟରେ ଉତ୍ସାହ ସେତିକି ବଢ଼ିବାରେ ଲାଗିଛି। ନିର୍ବାଚନୀ ପ୍ରଚାର ଜୋରଦାର କରାଯାଉଥିବା ବେଳେ ରାଜନୈତିକ ଉଷ୍ମତା ମଧ୍ୟ ଦେଖା ଯାଉଛି। ମଙ୍ଗଳବାର ପ୍ରଚାରର ଶେଷ ଦିନ ହୋଇଥିବା ବେଳେ ବିଜେଡିର ବରିଷ୍ଠ ନେତାଙ୍କ ସହ ଷ୍ଟାର କ୍ୟାମ୍ପେନିଂ ମଧ୍ୟ ହେଉଛି। ସୋମବାର ଯାଜପୁରରେ ପ୍ରଚାର କାର୍ଯ୍ୟରେ ଅଭିନେତ୍ରୀ ବର୍ଷା ପ୍ରିୟଦର୍ଶିନୀ ଏବଂ ଏଲିନା ଦାଶ ସାମିଲ ହୋଇଥିଲେ। ଏହାସହ ଯାଜପୁର ପୌରପାଳିକାରେ ଭବପ୍ରସାଦ ଦାସ ମଧ୍ୟ ପ୍ରଚାର କରିଥିଲେ। ବାଇକ୍ ରାଲିରେ ଯାଜପୁର ପୌରାପାଳିକାର ୧୮ଟି ଓ୍ବାର୍ଡ ବୁଲି ବିଜେଡି ପ୍ରାର୍ଥୀଙ୍କ ଅଭିନେତ୍ରୀଙ୍କ ସହ ବହୁ କର୍ମୀ ଦଳୀୟ ପ୍ରାର୍ଥୀଙ୍କ ପାଇଁ ପ୍ରଚାର କରିଥିଲେ।
