ବରାଦର-ହକ୍କାନି ମୁହଁ।ମୁହିଁ

କାବୁଲ, ୧୬ା୯: ଆଫଗାନିସ୍ତାନକୁ କବ୍‌ଜା କରି ତାଲିବାନ୍‌ ସରକାର ସିନା ଗଢ଼ିଦେଲା କିନ୍ତୁ ବ୍ୟବସ୍ଥିତ ଢଙ୍ଗରେ ତାହାର ପରିଚାଳନା ଏହି ଆତଙ୍କବାଦୀ ଗୋଷ୍ଠୀ ପାଇଁ କାଠିକର ପାଠ ହୋଇଛି। କ୍ଷମତା କନ୍ଦଳ ପରେ ବିଜୟର ଶ୍ରେୟ ନେବାକୁ ମୁହଁ।ମୁହିଁ ହୋଇଛନ୍ତି ତାଲିବାନ୍‌ ସହ-ପ୍ରତିଷ୍ଠାତା ମୁଲ୍ଲା ଅବଦୁଲ ଗନି ବରାଦର ଏବଂ ତାଲିବାନ୍‌ ୨.୦ରେ ସାମିଲ ହୋଇଥିବା ପାକିସ୍ତାନ ସମର୍ଥତ୍ତ ହକ୍କାନି ଗୋଷ୍ଠୀ। ଦୀର୍ଘବର୍ଷ ଧରି ସରକାରକୁ ଫେରିବାକୁ ସୁଚିନ୍ତିତ ରଣନୀତି କାମ ଦେଇଥିବା ବରାଦର କହୁଥିବାବେଳେ ଆମେରିକା ସୈନ୍ୟ ଓ ଆଫଗାନିସ୍ତାନ ସରକାରକୁ ହଟାଇବାରେ ଲଢ଼ୁଆଙ୍କ ସାହସକୁ ଶ୍ରେୟ ଦେଇଛି ହକ୍କାନି। ଏହାକୁ ନେଇ ରାଷ୍ଟ୍ରପତି ଭବନରେ ବରାଦର ଓ କ୍ୟାବିନେଟ୍‌ ସଦସ୍ୟ ଖଲିଲ୍‌ ଉର୍‌-ରେହମାନ୍‌ ହକ୍କାନିଙ୍କ ମଧ୍ୟରେ ବିବାଦ ଉପୁଜିବା ପରେ କାବୁଲ ଛାଡ଼ି କାନ୍ଦାହାର ପଳାଇଛନ୍ତି ତାଲିବାନର ଏହି ଶୀର୍ଷ ନେତା।
ଆଫଗାନିସ୍ତାନ ବିଜୟକୁ ନେଇ ତାଲିବାନ୍‌ ୨.୦ରେ ଫାଟ ସୃଷ୍ଟି ହୋଇଛି। କ୍ଷମତା କନ୍ଦଳ ଯୋଗୁ ନିକଟରେ ହକ୍କାନି ନେଟଓ୍ବର୍କ ଦ୍ୱାରା ଗୁଳିର ଶିକାର ହୋଇଥିବା ଉପ-ପ୍ରଧାନମନ୍ତ୍ରୀ ମୁଲ୍ଲା ଅବଦୁଲ ଗନି ବରାଦର ଆଫଗାନିସ୍ତାନ ବିଜୟର ଶ୍ରେୟ ନିଜକୁ ଦେଇଥିବାବେଳେ ହକ୍କାନି ଗୋଷ୍ଠୀ ତାହାକୁ ସ୍ବୀକାର କରିପାରୁନି। ଏହାକୁ ନେଇ ତାଲିବାନ୍‌ ଅନ୍ତରୀଣ ସରକାରରେ ପୁଣି ମତଭେଦ ଓ କନ୍ଦଳ ମୁଣ୍ଡ ଟେକିଛି। କାବୁଲସ୍ଥିତ ରାଷ୍ଟ୍ରପତି ଭବନରେ ଗତ ସପ୍ତାହରେ ବରାଦର ଓ କ୍ୟାବିନେଟ୍‌ ସଦସ୍ୟ ଖଲିଲ୍‌ ଉର୍‌-ରେହମାନ୍‌ ହକ୍କାନିଙ୍କ ମଧ୍ୟରେ ବଡ଼ ଧରଣର ଝଗଡ଼ା ହୋଇଥିବା ଅନ୍ତର୍ଜାତୀୟ ଗଣମାଧ୍ୟମରେ ରିପୋର୍ଟ ପ୍ରକାଶ ପାଇଛି। ଏହା ପରେ ବରାଦର କାବୁଲ ଛାଡ଼ି କାନ୍ଦାହାର ପଳାଇଥିବା ଏଥିରେ କୁହାଯାଇଛି।
ରାଷ୍ଟ୍ରପତି ଭବନରେ ବରାଦର ଓ ଶରଣାର୍ଥୀ ମନ୍ତ୍ରୀ ଖଲିଲ ହକ୍କାନିଙ୍କ ମଧ୍ୟରେ ବିବାଦ ହେବା ପରେ ଉଭୟଙ୍କ ସମର୍ଥକ ପରସ୍ପର ସହ ମାରପିଟ୍‌ରେ ମାତିଯାଇଥିଲେ। କାତାରସ୍ଥିତ ତାଲିବାନ ପଲିଟିକାଲ ଅଫିସ୍‌ର ଜଣେ ବରିଷ୍ଠ ସଦସ୍ୟ ମଧ୍ୟ ସେହି ସମୟରେ ଉପସ୍ଥିତ ଥିଲେ। ରିପୋର୍ଟ ଅନୁସାରେ, ତାଲିବାନ୍‌ ୨.୦ ସରକାରରେ ସାମିଲ ହୋଇଥିବା ବ୍ୟକ୍ତିଙ୍କୁ ନେଇ ବରାଦର ଅସନ୍ତୁଷ୍ଟ ଅଛନ୍ତି। ବରାଦରଙ୍କ ଅନୁସାରେ ଆଫଗାନିସ୍ତାନ ବିଜୟରେ ତାଙ୍କ ପରି ବରିଷ୍ଠ ନେତାଙ୍କ ରଣନୀତି କାମ ଦେଇଛି। ତେଣୁ ବିଜୟର ମୂଳ ହକ୍‌ଦାର ହେଉଛନ୍ତି ସେମାନେ। ବରାଦର ହେଉଛନ୍ତି ପ୍ରଥମ ତାଲିବାନ୍‌ ନେତା ଯେ କି, ୨୦୨୦ରେ ଆମେରିକାର ତତ୍‌କାଳୀନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍‌ଙ୍କ ସହ ଫୋନ୍‌ରେ ସିଧାସଳଖ କଥା ହୋଇଥିଲେ। ଆଫଗାନିସ୍ତାନରୁ ଆମେରିକା ସୈନ୍ୟ ପ୍ରତ୍ୟାହାର ନିମନ୍ତେ ହୋଇଥିବା ଦୋହା ଚୁକ୍ତିରେ ମଧ୍ୟ ବରାଦର ସ୍ବାକ୍ଷର କରିଥିଲେ। କିନ୍ତୁ ବରାଦରଙ୍କୁ ଶ୍ରେୟ ଦେବାକୁ ଚାହୁଁନାହିଁ ହକ୍କାନି ନେଟଓ୍ବର୍କ। ଏହି ଗୋଷ୍ଠୀ ଅନୁସାରେ ବରାଦର ନୁହେଁ ଯୁଦ୍ଧ ଭୂମିରେ ସେମାନଙ୍କ ସାହସ ଯୋଗୁ ଏହି ବିଜୟ ମିଳିଛି। ଆଫଗାନ୍‌ ମାଟିରେ ପାଶ୍ଚାତ୍ୟ ବଳ ସହ ହୋଇଥିବା ଭୟଙ୍କର ହିଂସାକାଣ୍ଡରେ ହକ୍କାନି ନେଟ୍‌ଓ୍ବର୍କ ସାମିଲ ହୋଇଥିଲା। ଆମେରିକା ହକ୍କାନିକୁ ଆତଙ୍କବାଦୀ ସଙ୍ଗଠନ ତାଲିକାରେ ରଖିଛି। ଏହା ସତ୍ତ୍ୱେ ତାଲିବାନ୍‌ ହକ୍କାନି ନେତା ସିରାଜୁଦ୍ଦିନ ହକ୍କାନିଙ୍କୁ ଆଭ୍ୟନ୍ତରୀଣ ମନ୍ତ୍ରୀ କରିଛି।
ଅନ୍ୟପକ୍ଷରେ କିଛିଦିନ ହେଲା ସର୍ବସାଧାରଣରେ ବରାଦରଙ୍କୁ ଦେଖିବାକୁ ମିଳିନାହିଁ। ହକ୍କାନି ଗୋଷ୍ଠୀ ପକ୍ଷରୁ ଗୁଳି ଖାଇବା ପରେ ସେ ମୃତ ବୋଲି ଚର୍ଚ୍ଚା ଲାଗିରହିଥିଲା। କିନ୍ତୁ ନିକଟରେ ତାଲିବାନ୍‌ ପକ୍ଷରୁ ଏକ ଅଡିଓ କ୍ଲିପ୍‌ ଟୁଇଟ୍‌ କରାଯାଇଥିଲା ଯେଉଁଥିରେ ବରାଦର ଜୀବିତ ଥିବା ନେଇ ସେ କହୁଥିବା ଏଥିରେ ଶୁଣିବାକୁ ମିଳିଥିଲା। ଏବେ ପୁଣି ବରାଦର ଓ ହକ୍କାନି ଗୋଷ୍ଠୀ ମଧ୍ୟରେ ବିବାଦ ସାମ୍‌ନାକୁ ଆସିଛି। ତେବେ ଅନ୍ତରୀଣ ସରକାରରେ କୌଣସି ପ୍ରକାର ମତଭେଦ ନ ଥିବା ତାଲିବାନ୍‌ ସଫେଇ ଦେଇଛି।


Enter your email to get our daily news in your inbox.

All Right Reserved By Dharitri.Com

ଅଷ୍ଟ୍ରେଲିଆ ଜଙ୍ଗଲରେ ନିଆଁ: ଦମକଳ ବାହିନୀ ପୋଷାକ ପିନ୍ଧିଥିବା ପୂର୍ବତନ ପ୍ରଧାନମନ୍ତ୍ରୀ ଟୋନି ଏବୋଟଙ୍କ ଫଟୋ ଭାଇରାଲ

ସିଡ୍‌ନୀ,୨୨।୧୨: ଅଷ୍ଟ୍ରେଲିଆ ଜଙ୍ଗଲରେ ନିଆଁ ଲିଭିବାର ନାଁ ଧରୁନି। ଏବେ ପୂର୍ବତନ ପ୍ରଧାନମନ୍ତ୍ରୀ ଟୋନି ଏବୋଟଙ୍କ ଫଟୋ ସୋସିଆଲ୍‌ ମିଡ଼ିଆରେ ଭାଇରାଲ ହେବାରେ ଲାଗିଛି। ୬୨...

କରୋନାରୁ ସୁସ୍ଥ ହେବା ପରେ ସମ୍ପୂର୍ଣ୍ଣ ସ୍ବାଦ, ଗନ୍ଧ ଫେରିବାକୁ ୧ ବର୍ଷ ଲାଗିପାରେ: ବିଶେଷଜ୍ଞ

ପ୍ୟାରିସ୍,୨୭ା୬: କରୋନାରୁ ସୁସ୍ଥ ହେବା ପରେ ଯଦି ସ୍ବାଦ ଏବଂ ଗନ୍ଧ ବାରି ନ ହୁଏ ତେବେ ଏହା ଫେରିବାକୁ ୧ ବର୍ଷ ଲାଗିପାରେ ବୋଲି...

ହଲିଉଡ୍‌ ଅଭିନେତା ବୋ ହୋପ୍‌କିନ୍ସଙ୍କ ବିୟୋଗ

ଓ୍ବାଶିଂଟନ,୩୦।୫: ହଲିଉଡ୍‌ ଜଗତର ଲୋକପ୍ରିୟ ଅଭିନେତା ବୋ ହୋପକିନ୍ସ ୮୦ ବର୍ଷ ବୟସରେ ପ୍ରାଣ ହରାଇଛନ୍ତି। ରବିବାର ବୋ’ଙ୍କ ଅଫିସିଆଲ୍‌ ଓ୍ବେବ୍‌ସାଇଟ୍‌ରେ ଏହି ସୂଚନା ଦିଆଯାଇଛି।...

ଅଣ୍ଡର ଓ୍ବାଟର ମ୍ୟୁଜିକ୍‌ ଫେଷ୍ଟିଭାଲ

ସଙ୍ଗୀତ ପ୍ରେମୀଙ୍କ ଲାଗି ପ୍ରତିବର୍ଷ ଫ୍ଲୋରିଡାରେ ଏକ ନିଆରା ମ୍ୟୁଜିକ ଫେଷ୍ଟିଭାଲ ଆୟୋଜନ କରାଯାଏ, ଯାହା ସମୁଦ୍ର ଗର୍ଭରେ ଅନୁଷ୍ଠିତ ହୋଇଥାଏ। ଏହି ମ୍ୟୁଜିକ୍‌ ଫେଷ୍ଟିଭାଲର...

ମୂଳ ଭାରତୀୟ କମଳା ହେରିସ ଆମେରିକା ଉପରାଷ୍ଟ୍ରପତି ପ୍ରାର୍ଥୀ

ୱାଶିଂଟନ, ୧୨।୮: ଆମେରିକା ରାଷ୍ଟ୍ରପତି ର୍ନିବାଚନରେ ଡେମୋକ୍ରେଟିକ ପାର୍ଟି ପକ୍ଷରୁ ମୂଳ ଭାରତୀୟ କମଳା ହେରିସ ଉପରାଷ୍ଟ୍ରପତି  ପ୍ରାର୍ଥୀ ହୋଇଛନ୍ତି । ଦଳ ପକ୍ଷରୁ ରାଷ୍ଟ୍ରପତି...

ଫିଲିପାଇନ୍ସରେ ପ୍ରଥମ କରୋନାଭାଇରସ ସଂକ୍ରମିତଙ୍କ ମୃତ୍ୟୁ

ମାନିଲା,୨।୨: ସାରା ବିଶ୍ୱରେ କରୋନାଭାଇରସର ଭୟ। ଏହା ଏବେ ଚାଇନାରେ ମହାମାରୀର ରୂପ ନେଇଥିବା ବେଳେ ସାରା ବିଶ୍ୱକୁ ଏହା କାୟା ବିସ୍ତାର କରି ଚାଲିଛି।...

ଲାଇଭ୍‌ ଟିଭିରେ ଭାଷଣ ଭୁଲିଗଲେ ପାକିସ୍ତାନ ପ୍ରଧାନମନ୍ତ୍ରୀ, ଲୋକେ କହିଲେ…

ଇସଲାମାବାଦ,୫।୩: ପାକିସ୍ତାନ ପ୍ରଧାନମନ୍ତ୍ରୀ ଇମରାନ ଖାନ୍‌ ଲାଇଭ୍‌ ଟିଭିରେ କହୁ କହୁ ନିଜର ଲାଇନ୍‌ ଭୁଲିଗଲେ। କହିବା ଶେଷ ହେବା ପରେ ଲୋକେ ଏହି ଭିଡିଓକୁ...

ଚୁମ୍ବନ ଯୋଗୁ ପଦ ହରାଇଲେ ସ୍ବାସ୍ଥ୍ୟମନ୍ତ୍ରୀ

ଲଣ୍ଡନ,୨୮।୬: ବ୍ରିଟେନର ପୂର୍ବତନ ସ୍ବାସ୍ଥ୍ୟମନ୍ତ୍ରୀ ମ୍ୟାଟ ହନ୍‌କକ୍‌ ବର୍ତ୍ତମାନ ଚର୍ଚ୍ଚାରେ ରହିଛନ୍ତି। ସହଯୋଗୀଙ୍କ ସହ ନିଜର ସମ୍ପର୍କକୁ ନେଇ ବେଶ୍‌ ଚର୍ଚ୍ଚାରେ ରହିଥିବା ମ୍ୟାଟ ଏବେ...

Advertisement
Archives

Model This Week