ଜମନକିରା,୨୪ା୪(ଡି.ଏନ.ଏ.): ଶୀତଳଷଷ୍ଠୀ ପୂଜା ପାଇଁ ଜମନକିରା ବ୍ଲକ ଡିମିରିମୁଣ୍ଡା ପଞ୍ଚାୟତସ୍ଥିତ ବାବା ଶଗଡେଶ୍ୱର ପୀଠରେ ଗଣ୍ଠିଲି ଫିଟା ଓ ଥାଳ ଉଠା କାର୍ଯ୍ୟକ୍ରମ ମନ୍ଦିର ପ୍ରାଙ୍ଗଣରେ ଅନୁଷ୍ଠିତ ହୋଇଯାଇଛି। ପୂର୍ବ ବର୍ଷରେ ପିତାମାତା ହୋଇଥିବା ଅଜୟ ବେହେରା ଓ ସହଧର୍ମିଣୀ କାଦମ୍ବିନୀ ବେହେରା ଗଣ୍ଠିଲି ଫିଟାଇଥିଲେ। ଚଳିତ ବର୍ଷ ମାତା ପାର୍ବତୀ ପିତାମାତା ଭାବେ ରଞ୍ଜନ କୁମାର ପଣ୍ଡା ଓ ସହଧର୍ମିଣୀ ମୋନାଲିସା ପଣ୍ଡା କାର୍ଯ୍ୟ ତୁଲାଇଥିଲେ। ଶିବ ବାବାଙ୍କ ପିତାମାତା ଭାବେ ଦେବଗଡ଼ ଜିଲା ଡେରାପତରା ଗାଁର ସଞ୍ଜିତ ପ୍ରଧାନ ଓ ସହଧର୍ମିଣୀ ମାମିଲତା ପ୍ରଧାନ କାର୍ଯ୍ୟ ତୁଲାଇଥିଲେ। ଆସନ୍ତା ମେ ୨୪ ତାରିଖରେ ହେବାକୁ ଥିବା ଶଗଡେଶ୍ୱର ମହୋତ୍ସବ ଓ ଶୀତଳଷଷ୍ଠୀ ଯାତ୍ରା ପାଇଁ ବାବା ମଠ ସନ୍ନିକଟ ହିମାଳୟସ୍ଥିତ ସ୍ଥାନରେ ପିତ୍ରାଳୟ ହେବାକୁ ସ୍ଥିର ହୋଇଛି। ପୂଜାକାର୍ଯ୍ୟ ନିତ୍ୟାନନ୍ଦ ମିଶ୍ରଙ୍କ ଦ୍ୱାରା ଅନୁଷ୍ଠିତ ହୋଇଥିଲା। ଅନ୍ୟମାନଙ୍କ ମଧ୍ୟରେ ମନ୍ଦିର ପରିଚାଳନା କମିଟିର ରୁଦ୍ର ନାରାୟଣ ବେହେରା, ସମ୍ପାଦକ ସୁମନ୍ତ ବେହେରା, କୋଷାଧ୍ୟକ୍ଷ ରତନ ଲାଲ ସିଂ ଉପସ୍ଥିତ ଥିଲେ।
