ନୂଆଦିଲ୍ଲୀ,୧୯।୨: ଯୋଗ ଗୁରୁ ବାବା ରାମଦେବ କରୋନା ସଂକ୍ରମଣର ମୁକାବିଲା ପାଇଁ ଏକ ନୂତନ ଔଷଧ ଲଞ୍ଚ କରିଛନ୍ତି। ଶୁକ୍ରବାର ଦିଲ୍ଲୀର ସମ୍ବିଧାନ କ୍ଲବରେ ଏକ କାର୍ଯ୍ୟକ୍ରମ ସମୟରେ ରାମଦେବ ଏହାକୁ ଲଞ୍ଚ କରିଥିଲେ। ଏହି କାର୍ଯ୍ୟକ୍ରମରେ କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ହର୍ଷବର୍ଦ୍ଧନ ଏବଂ କେନ୍ଦ୍ର ସଡକ ଏବଂ ପରିବହନ ମନ୍ତ୍ରୀ ନିତିନ ଗଡକରୀ ମଧ୍ୟ ଉପସ୍ଥିତ ଥିଲେ। ବାବା ରାମଦେବ ସୂଚନା ଦେଇଛନ୍ତି ଯେ ପତଞ୍ଜଳିର କରୋନିଲ ଟାବଲେଟ ଏବେ କରେନାକୁ ଭଲ କରିବ। ସେ ଦାବି କରିଛନ୍ତି ଯେ ଆୟୁଷ ମନ୍ତ୍ରଣାଳୟ କରୋନିଲ ଟାବଲେଟକୁ ଏକ ଔଷଧ ରୂପେ ଗ୍ରହଣ କରିଛି। ଏହାପୂର୍ବରୁ, କରୋନିଲ ଟାବଲେଟକୁ କେବଳ ଏକ ଇମ୍ୟୁନିଟି ବୁଷ୍ଟର କୁହାଯାଉଥିଲା। ପତଞ୍ଜଳି ଦାବି କରଛି ଯେ ୭୦% ରୋଗୀ ତିନି ଦିନ ମଧ୍ୟରେ ଏହି ଔଷଧ ବ୍ୟବହାର କରି ଆରୋଗ୍ୟ ହୋଇଉନ୍ତି। ଆଜି ଏକ ଐତିହାସିକ ଦିନ ବୋଲି ରାମଦେବ କହିଛନ୍ତି।
