ଭୁବନେଶ୍ୱର,୧।୯(ବ୍ୟୁରୋ): ପୁଣି ଅଶାନ୍ତ ହୋଇ ଉଠିଛି ଉତ୍କଳ ବିଶ୍ୱ ବିଦ୍ୟାଳୟ। ବୁଧବାର ବିଶ୍ୱ ବିଦ୍ୟାଳୟ କ୍ୟାମ୍ପସ ଭିତରେ ଗାନ୍ଧୀ ପାର୍କ ନିକଟରେ ଜଣେ ଆଇନ ଛାତ୍ରଙ୍କୁ ଜଣେ ପୂର୍ବତନ ଛାତ୍ର ଆକ୍ରମଣ କରିଛନ୍ତି। ଏହାର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି। ଆକ୍ରମଣର ଶିକାର ହୋଇଥିବା ଯୁବକ ହେଲେ ବିଶ୍ୱ ବିଦ୍ୟାଳୟ ଲ କଲେଜରେ ପଢୁଥିବା ତୃତୀୟ ବର୍ଷର ଛାତ୍ର ଅଜୟ କୁମାର ପଣ୍ଡା(୨୮)। ସେ ଆହତ ହୋଇ କ୍ୟାପିଟାଲ ହସ୍ପିଟାଲରେ ଚିକିତ୍ସିତ ହେଉଛନ୍ତି।
ଏନେଇ ଶହୀଦନଗର ଥାନାରେ ଅଭିଯୋଗ ହୋଇଛି। ଥାନା ଲ୍ୟାଣ୍ଡଲାଇନକୁ ଯୋଗାଯୋଗ କରିବା ପରେ ଉଭୟ ପକ୍ଷଙ୍କୁ ଆପୋସ ବୁଝାମଣା ପାଇଁ ଗୁରୁବାର ଡକାଯାଇଥିବା ଜଣାପଡିଛି।
