ଇସ୍ଲାମାବାଦ୍,୭।୩: ପାକିସ୍ତାନରେ ପୁଣିଥରେ ହିନ୍ଦୁମାନଙ୍କୁ ଟାର୍ଗେଟ କରିବା ଘଟଣା ସାମ୍ନାକୁ ଆସିଛି। ପଞ୍ଜାବ ବିଶ୍ୱବିଦ୍ୟାଳୟରେ ହୋଲି ଖେଳୁଥିବା ହିନ୍ଦୁ ଛାତ୍ରୀଛାତ୍ରଙ୍କ ଉପରେ ଆକ୍ରମଣ ହୋଇଛି। ଏହି ଆକ୍ରମଣରେ ୧୫ଜଣ ଆହତ ହୋଇଥିବା ଜଣାପଡିଛି। ଏହି ଘଟଣାର ଭିଡିଓ ସାମ୍ନାକୁ ଆସିଛି।
ସୂଚନାଯୋଗ୍ୟ, ପଞ୍ଜାବ ବିଶ୍ୱବିଦ୍ୟାଳୟରେ ୩୦ ଜଣ ଛାତ୍ରୀଛାତ୍ର ହୋଲି ପାଳନ କରୁଥିଲେ। ଇସ୍ଲାମି ଜାମିଆତ ତୁଲବା (ଆଇଜେଟି)ର କାର୍ଯ୍ୟକର୍ତ୍ତାମାନେ ସେମାନଙ୍କୁ ହୋଲି ପାଳନ ନ କରିବାକୁ ବଳପୂର୍ବକ ଅଟକାଇଥିଲେ। ଫଳରେ ସେଠାରେ ସଂଘର୍ଷ ଘଟିଥିଲା। ଏହି ସଂଘର୍ଷରେ ୧୫ ଜଣ ହିନ୍ଦୁ ଛାତ୍ର ଆହତ ହୋଇଥିଲେ।
ପାକିସ୍ତାନରେ ହିନ୍ଦୁମାନଙ୍କ ଅବସ୍ଥା ଭଲ ନୁହେଁ। ଭାରତ ପ୍ରାୟତଃ ଏହି ପ୍ରସଙ୍ଗ ଜାତିସଂଘରେ ଉଠାଇଛି। ମାର୍ଚ୍ଚ ୩ରେ ମିଳିତ ଜାତିସଂଘରେ ଭାରତ ତାଗିଦ କରିଥିଲା ଯେ, ପାକିସ୍ତାନରେ ହିନ୍ଦୁ, ଶିଖ୍ ଏବଂ ଖ୍ରୀଷ୍ଟିଆନ୍ଙ୍କ ଉପରେ ଆକ୍ରମଣ ହେଉଛି। ମିଳିତ ଜାତିସଂଘ ମାନବ ଅଧିକାର ପରିଷଦରେ ପାକିସ୍ତାନ ଦେଇଥିବା ବିବୃତିର ଉତ୍ତରରେ ଭାରତ କହିଛି ଯେ ପାକିସ୍ତାନର ପ୍ରତିନିଧି ତାଙ୍କ ଦେଶ ବିରୋଧରେ ନିଜର କୁତ୍ସିତ ପ୍ରଚାର ପାଇଁ ଏହି ସମ୍ମାନଜନକ ପ୍ଲାଟ୍ଫର୍ମର ଅପବ୍ୟବହାର କରିଛନ୍ତି।
Hindu students attacked by Islamists in Pakistan for celebrating Holi.
Similar incidents of attacks on Holi celebrations happen in India every year.
Secular cowardice cost Hindus more than Islamist violence.pic.twitter.com/nGpuCXuFRP
— Pakistan Untold (@pakistan_untold) March 6, 2023
