ଏଟିକେ ମୋହନବାଗାନ ବିଜୟୀ
8:14 amFebruary 20, 2021February 20, 2021

ମାର୍ଗାଓ, ୨୦ା୨: ରୟ କ୍ରିଷ୍ଣାଙ୍କ ପ୍ରଭାବୀ ପ୍ରଦର୍ଶନ ଯୋଗୁ ଚଳିତ ହିରୋ ଇଣ୍ଡିଆନ ସୁପର ଲିଗ୍‌ (ଆଇଏସ୍‌ଏଲ)ର ଶୁକ୍ରବାର ମ୍ୟାଚରେ ଟେବୁଲ ଟପ୍ପର ଏଟିକେ ମୋହନବାଗାନ ୩-୧ ଗୋଲ୍‌ରେ ଏସ୍‌ସି ଇଷ୍ଟବେଙ୍ଗଲକୁ ପରାସ୍ତ କରିଛି। କ୍ରିଷ୍ଣା ୧୫ତମ ମିନିଟ୍‌ରେ ପ୍ରଥମ ଗୋଲ ଦେଇଥିଲେ। ମାତ୍ର ଅସାବଧାନତା ଯୋଗୁ ୪୧ତମ ମିନିଟରେ ଦଳର ଜୋସ୍‌ ଲୁଇସ୍‌ ଏସ୍ପିନୋସା ଆରୋୟୋ ଏକ ଆତ୍ମଘାତୀ ଗୋଲ କରିବାରୁ ମ୍ୟାଚ ୧-୧ ସ୍ତରକୁ ଚାଲିଆସିଥିଲା। ପ୍ରଥମାର୍ଦ୍ଧ ଖେଳ ଏହି ସ୍ଥିତିରେ ଶେଷ ହୋଇଥିଲା। ରୟ କ୍ରିଷ୍ଣାଙ୍କ ସହାୟତାରେ ଡେଭିଡ୍‌ ଓ୍ବିଲିୟମ୍ସ (୭୨ତମ) ଏବଂ ଜାଭିହର୍ନାଣ୍ଡେଜ ୮୯ତମ) ଅନ୍ୟ ଦୁଇଟି ଗୋଲ ସ୍କୋର କରିଥିଲେ। ଏହି ଏକତରଫା ମ୍ୟାଚର ୫୫% ପ୍ରତିଶତ ସମୟ ବଲ୍‌ ପରାଜିତ ଦଳ ନିକଟରେ ରହିଥିଲା। ଇଷ୍ଟବେଙ୍ଗଲର ପାସ୍‌ ଆକୁରେସି ହାର ୭୧ % ରହିଥିବା ବେଳେ ମୋହନ ବାଗାନର ୬୭% ଥିଲା। ଉଭୟ ଦଳର ଫାଉଲ ସଂଖ୍ୟା ସମାନ ୧୬ ରହିଥିଲା। ସେହିପରି ପରାଜିତ ଦଳ ୬ଟି କର୍ନର ପାଇଥିବାବେଳେ ବିଜୟୀ ଦଳକୁ ୪ଟି କର୍ନର ମିଳିଥିଲା।