ସହକାରୀ ନିବନ୍ଧକଙ୍କୁ ଆକ୍ରମଣ: ସମିତି ସଭାପତି, ସମ୍ପାଦକ ଗିରଫ

ଆଠଗଡ, ୨୭ା୧୦(ସ୍ବ.ପ୍ର): ଆଠଗଡସ୍ଥିତ ସହକାରୀ ନିବନ୍ଧକ, ସମବାୟ ସମିତି କାର୍ଯ୍ୟାଳୟରେ ବ୍ୟାପକ ଭଙ୍ଗାରୁଜା ହେବା ସହିତ ସହକାରୀ ନିବନ୍ଧକ ଅଶୋକ କୁମାର ପାଣିଙ୍କୁ ମରଣାନ୍ତକ ଆକ୍ରମଣ ହୋଇଛି। ବଡ଼ମ୍ବା ବ୍ଲକ ଗୋପପୁର ସେବା ସମବାୟ ସମିତି ସମ୍ପାଦକ ସୂର୍ଯ୍ୟମଣି ସାମନ୍ତରାୟ ଓରଫ ଟୁଟୁ ପଣ୍ଡା, ସଭାପତି କାର୍ତ୍ତିକେଶ୍ୱର ପରିଡ଼ା ଓ ତାଙ୍କର ଜଣେ ସହଯୋଗୀ ଏହି ଘଟଣା ଘଟାଇଛନ୍ତି। ପୋଲିସ ସଭାପତି ପରିଡ଼ା ଓ ସମ୍ପାଦକ ସାମନ୍ତରାୟଙ୍କୁ ଗିରଫ କରିଛି।

ପ୍ରକାଶ ଯେ, କଟକ ଜିଲାପାଳଙ୍କ ଚିଠି ନଂ ୧୨୦୦/୧୩ା୨ା୨୦୧୫ରୁ ବଡ଼ମ୍ବା ବ୍ଲକ ଝାଜିଆ ପଞ୍ଚାୟତର ୧୫୦ରୁ ଊଦ୍ଧର୍‌ବ ଚାଷୀ ନିକଟସ୍ଥ ସୁନାପାଳ ସେବା ସମବାୟ ସମିତି ଜରିଆରେ ଧାନ ବିକ୍ରି କରିଆସୁଥିଲେ। ଝାଜିଆ ପଞ୍ଚାୟତ ସଂଲଗ୍ନ ଗ୍ରାମଗୁଡିକ ଗୋପପୁର ସେବା ସମବାୟ ସମିତି ଅଧୀନରେ ଆସୁଥିବାରୁ ଚଳିତ ବର୍ଷ ଏହି ଗ୍ରାମର ଚାଷୀମାନଙ୍କଠାରୁ ଗୋପପୁର ସମିତି ଧାନ କିଣିବା ପାଇଁ ସଭାପତି ପରିଡ଼ା ଓ ସମ୍ପାଦକ ସାମନ୍ତରାୟ କଟକ ଜିଲାପାଳ, ସାଧାରଣ ଯୋଗାଣ ଅଧିକାରୀ ଓ ଉପନିବନ୍ଧକଙ୍କୁ ଦରଖାସ୍ତ କରିଥିଲେ। ଏହି ସମୟରେ ଝାଜିଆ ପଞ୍ଚାୟତର ସରପଞ୍ଚ ଏମ୍‌. ନାୟକ, ସମିତି ସଭ୍ୟ ମନୋଜ କୁମାର ବେହେରା ଓ ନାଏବ ସରପଞ୍ଚ ରେମି ସ୍ବାଇଁ ପ୍ରମୁଖ ଗ୍ରାମରୁ ଦୂରତା କମ ଦୃଷ୍ଟିରୁ ପୂର୍ବପରି ସୁନାପାଳ ସେବା ସମିତିରେ ଧାନ ବିକ୍ରି ପାଇଁ ଲିଖିତ ଭାବରେ ଅଧିକାରୀମାନଙ୍କୁ ଜଣାଇଥିଲେ। ତେଣୁ ଉଭୟ ପକ୍ଷର ଦରଖାସ୍ତକୁ ଭିତ୍ତିକରି ଅଧିକାରୀମାନେ ସହକାରୀ ସମବାୟ ନିବନ୍ଧକଙ୍କୁ ତଦନ୍ତ ପାଇଁ ନିର୍ଦ୍ଦେଶ ଦେଇଥିଲେ। ନିର୍ଦ୍ଦେଶ ମୁତାବକ ଆଠଗଡ ସମବାୟ ସହକାରୀ ନିବନ୍ଧକ ଅଶୋକ କୁମାର ପାଣି ବୁଧବାର ଜାଝିଆ ସରପଞ୍ଚ, ସମିତି ସଭ୍ୟ, ନାଏବ ସରପଞ୍ଚ, ସୁନାପାଳ ସମବାୟ ସମିତି ସଭାପତି ସନ୍ତୋଷ କୁମାର ମିଶ୍ର, ସମ୍ପାଦକ ପଦ୍ମନାଭ ଘଡ଼େଇ, ଗୋପପୁର ସମିତି ସଭାପତି, ସମ୍ପାଦକଙ୍କୁ ତଦନ୍ତରେ ସହଯୋଗ କରିବା ପାଇଁ ଦିନ ୧୧ଟାରେ କାର୍ଯ୍ୟାଳୟରେ ଉପସ୍ଥିତ ରହିବାକୁ ନୋଟିସ ଜାରି କରିଥିଲେ। ମାତ୍ର ଧାର୍ଯ୍ୟ ସମୟ ମଧ୍ୟରେ ଗୋପପୁର ସେବା ସମବାୟ ସମିତି ସଭାପତି ଓ ସମ୍ପାଦକ ଯୋଗଦେଇ ନ ଥିଲେ। ତେଣୁ ନୋଟିସ ଜାରି ହୋଇଥିବା ଅନ୍ୟମାନେ ଲିଖିତ ମତ ପ୍ରଦାନକରି ଚାଲିଯାଇଥିଲେ। ଏଥିରେ ଉତକ୍ଷିପ୍ତ ହୋଇ ଗୋପପୁର ସେବା ସମବାୟ ସମିତି ସଭାପତି କାର୍ତ୍ତିକେଶ୍ୱର, ସମ୍ପାଦକ ସୂର୍ଯ୍ୟମଣି ଓ ତାଙ୍କର ଜଣେ ସହଯୋଗୀ କାର୍ଯ୍ୟାଳୟକୁ ଆସି ସହକାରୀ ନିବନ୍ଧକ ଅଶୋକ କୁମାର ପାଣିଙ୍କୁ ମରଣାନ୍ତକ ଆକ୍ରମଣ କରିବା ସହିତ କାର୍ଯ୍ୟାଳୟର ଆସବାବପତ୍ର ଭଙ୍ଗାରୁଜା କରିଛନ୍ତି। ଏ ସଂକ୍ରାନ୍ତରେ ଆଠଗଡ ଥାନାରେ ସହକାରୀ ନିବନ୍ଧକ ପାଣି ଏତଲା ଦେବା ପରେ ପୋଲିସ ୨୬୩/୨୨ରେ ମାମଲା ରୁଜୁ କରିବା ସହିତ ସୂର୍ଯ୍ୟମଣି ଓ କାର୍ତ୍ତିକେଶ୍ୱରଙ୍କୁ ଗିରଫ କରାଯାଇଛି ଓ ସହଯୋଗୀ ଫେରାର ଥିବା ଥାନା ଅଧିକାରୀ ବାମଦେବ ସ୍ବାଇଁ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ରାସ୍ତା ପ୍ରଶସ୍ତିକରଣକୁ ନେଇ ଉତ୍ତେଜନା: କାର୍ଯ୍ୟବନ୍ଦ କଲେ ଗ୍ରାମବାସୀ

ମୋରଡ଼ା,୨୮ା୩(ସ୍ମାରକ ମାଜୀ): ରାସ୍ତା ପ୍ରଶସ୍ତିକରଣକୁ ନେଇ ମୟୂରଭଞ୍ଜ ଜିଲା ମୋରଡ଼ା ବ୍ଲକ ଅଧୀନ ଗଡ଼ିଆ ଗ୍ରାମରେ ଉତ୍ତେଜନା ଦେଖିବାକୁ ମିଳିଛି। ଏନେଇ ଗ୍ରାମବାସୀ  ନିର୍ମାଣ କାର୍ଯ୍ୟ...

ଟ୍ରକ୍‌ରେ ପିଟିହେଲା ହାଇଓ୍ବା, ଚାଲିଗଲା ଡ୍ରାଇଭରଙ୍କ ଜୀବନ

ଭଦ୍ରକ,୨୮ା୩(ସନାତନ ରାଉତ): ଭଦ୍ରକ ୧୬ନଂ ଜାତୀୟ ରାଜପଥର ଦମକଳ କେନ୍ଦ୍ର ସମ୍ମୁଖରେ ଗୁରୁବାର ପୂର୍ବାହ୍ନରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ଜଣେ ଡ୍ରାଇଭରଙ୍କ ମୃତ୍ୟୁ ହୋଇଛି।...

ଟିକେଟ୍‌ ମିଳିବା ପରେ ମହାପ୍ରଭୁଙ୍କ ଦର୍ଶନ କଲେ ବବି ଦାସ

ପୁରୀ,୨୮।୩: ବିଜୁ ଜନତା ଦଳ ପକ୍ଷରୁ ସମ୍ବଲପୁର ଲୋକ ସଭା ନିର୍ବାଚନ ମଣ୍ଡଳୀ ପ୍ରାର୍ଥୀ ଭାବେ ପ୍ରଣବ ପ୍ରକାଶ ଦାସ(ବବି)ଙ୍କ ନାମ ଘୋଷଣା କରାଯାଇଛି। ବବିଙ୍କୁ...

‘ଆଉ ତତେ ଗ୍ରହଣ କରିବି ନାହିଁ’

ଲାଞ୍ଜିଗଡ଼,୨୮।୩(ରମେଶ ଚନ୍ଦ୍ର ନାୟକ): କଳାହାଣ୍ଡି ଜିଲା ଲାଞ୍ଜିଗଡ଼ ଥାନା ଅଞ୍ଚଳର ଜଣେ ନାବାଳିକାଙ୍କୁ ବିବାହ ପ୍ରଲୋଭନ କରି ପ୍ରତାରଣା କରିବା ଅଭିଯୋଗରେ ପୋଲିସ ଜଣେ ଯୁବକଙ୍କୁ...

ଆତ୍ମସମର୍ପଣ କଲେ ୟୁଟ୍ୟୁବର ମୋନାଲିସା

ଯାଜପୁର,୨୮ା୩: ୟୁଟ୍ୟୁବର ମୋନାଲିସା ଭଦ୍ର ଯାଜପୁରରୋଡ୍‌ସ୍ଥିତ ବନ ବିଭାଗ କାର୍ଯ୍ୟାଳୟରେ ଗୁରୁବାର ଆତ୍ମସମର୍ପଣ କରିଛନ୍ତି। ମୋନାଲିସା ବନ୍ୟଜନ୍ତୁଙ୍କୁ ଘରେ ରଖି ଭିଡିଓ ପ୍ରସ୍ତୁତ କରି ସୋସିଆଲ...

ଅଗ୍ନି ଭୈରବୀଙ୍କ ଝାମୁଯାତ୍ରା ସମ୍ପନ୍ନ

ଲାଞ୍ଜିଗଡ଼,୨୮।୩(ରମେଶ ଚନ୍ଦ୍ର ନାୟକ): କଳାହାଣ୍ଡି ଜିଲା ଲାଞ୍ଜିଗଡ଼ ବ୍ଲକ ଲାଖବାହାଲି ପଞ୍ଚାୟତ ଅଧୀନ ଥୁଆଙ୍ଗପଦର ଗ୍ରାମରେ ଅଗ୍ନି ଭୈରବୀଙ୍କ ଝାମୁଯାତ୍ରା ମଙ୍ଗଳବାର ସମ୍ପନ୍ନ ହୋଇଯାଇଛି। ପରମ୍ପରା...

କଳାହାଣ୍ଡିରେ ବିଜେଡି ଖେଳିଲା ମହିଳା କାର୍ଡ

ଭବାନୀପାଟଣା,୨୮।୩(ଉତ୍ତମ କୁମାର ଦାଶ): ଆଗାମୀ ସାଧାରଣ ନିର୍ବାଚନ ବିଧାନ ସଭା କ୍ଷେତ୍ର ପାଇଁ ବିଜେଡି ପକ୍ଷରୁ ବୁଧବାର ପ୍ରଥମ ପର୍ଯ୍ୟାୟ ବିଧାୟକ ପ୍ରାର୍ଥିନୀ/ପ୍ରାର୍ଥିଙ୍କ ନାମ ଘୋଷଣା...

ଟିଟିଲାଗଡ଼: ବଢ଼ିଲା ସୁରେନ୍ଦ୍ରଙ୍କ ବିଜେଡିରେ ଯୋଗଦାନ ଚର୍ଚ୍ଚା

ସଇଁତଲା,୨୮ା୩(ରାଖାଲ ପ୍ରସାଦ ଶତପଥୀ): ନିର୍ବାଚନ ଯେତିକି ପାଖେଇ ଆସୁଛି, ଦଳଗୁଡ଼ିକ ଭିତରେ ଆଶାୟୀଙ୍କ ପ୍ରାର୍ଥୀ ସଂଖ୍ୟା ମଧ୍ୟ ବଢ଼ିବାରେ ଲାଗିଛି। ଭାଜପା ଲୋକ ସଭା ସଦସ୍ୟଙ୍କ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri